Vër kursorin te butoni "Kërkimi kryesor" në fjalor dhe përzgjidh "Fillon me" nga opsionet poshtë. Shkruaj dy ose më shumë germa në kuti dhe shtyp '↵ | enter' në tastierë ose "🔍". Ky funksion jep mundësinë të kërkosh fjalë që fillojnë me një parashtesë të caktuar ose me një grup të caktuar germash. Për shembull, shkruaj "pa" për të parë fjalët që fillojnë me këtë parashtesë. Shtyp "Më shumë" për të parë shembujt e tjerë dhe shtyp "Më parë" për të parë shembujt paraardhës.

Vër kursorin te butoni "Kërkimi kryesor" në fjalor dhe përzgjidh "Mbaron me". Shkruaj dy ose më shumë germa në kuti dhe shtyp 'enter' ose "🔍". Ky funksion jep mundësinë të kërkosh fjalë që mbarojnë me prapashtesa apo grupe të caktuara germash. Për shembull, shkruaj "isht" për të parë ndajfoljet që mbarojnë me këtë prapashtesë. Shtyp "Më shumë" për të parë shembujt e tjerë dhe shtyp "Më parë" për të parë shembujt paraardhës. Ky funksion është i dobishëm sidomos për rimën ose analiza morfologjike.

Vër kursorin te butoni "Kërkimi kryesor" në fjalor dhe përzgjidh "Kërkim në kontekst", shkruaj një ose më shumë fjalë në kuti dhe shtyp "enter" ose "🔍" për të parë rezultatet.
Këtu mund të shkruash një ose më shumë fjalë që mund të jenë përdorur në të njëjtin kontekst. P.sh., 'lojë fjalësh', 'gëzim i madh', që të drejtojnë te fjalë si kalambur, amfiboli, artizëm (për ‘lojë fjalësh’) apo buhi, hare, tuje, lumëri, galdim (për ‘gëzim i madh’).

Gjithashtu këtu mund të kërkosh togfjalësha të qëndrueshëm apo shprehje. P.sh. 'i shkathët nga mendja' të drejton te rezultate si → ‘i mprehtë’, ‘i kujtueshëm’ etj.
Kërkimi i përparuar me yllth *
Përdoreni * për të plotësuar shkronja të tjera të fjalëve, në fillim ose në fund të tyre.
Shembuj si të përdoret yllthi * për kërkim të avancuar:
përkuf* → përkufizoj, përkufizim, përkufizimet, përkufizueshmëri etj.
*oja të *shme → përvoja të brendshme, nevoja të ndryshme, pasoja të dëmshme etj.
Aktual* ja* kët* → Aktualisht jam këtu
Këta janë disa shembuj, ju mund të përdorni kombinime të ndryshme sipas modeleve që jeni duke kërkuar.

Kërkimi mund të aktivizohet duke zgjedhur 'Kërkim në kontekst' poshtë dritares së kërkimit ose duke shkuar në fund të rezultateve të faqes kryesore dhe duke klikuar lidhjen përkatëse.

*Rezultatet përfshijnë vetëm përmbajtjen e Fjalorit të Madh të Gjuhës Shqipe. Nëse nuk shihni rezultatet që prisni, përpiquni të ngushtoni kërkimin duke shtuar më shumë shkronja në kërkim.

Zgjidhni "Sinonime", shkruaj një fjalë dhe shtyp "🔍". Do të shfaqen fjalët që kanë kuptim të ngjashëm, p.sh. për “i bukur” mund të shfaqen “i hijshëm”, “i pashëm”, etj.

Zgjidh "Antonime", shkruaj një fjalë dhe shtyp "🔍". Do të shfaqen fjalë me kuptim të kundërt. Për shembull, për “i mirë” mund të dalin “i keq”, “i lig”, etj.

Zgjidh opsionin për frazeologji ose fjalë të urta, pastaj shkruaj një fjalë dhe shtyp "🔍". Do të shfaqen shprehje ose përdorime frazeologjike që përmbajnë fjalën e zgjedhur.