Fjalori
ZYMBYL

ZYMBÝL,~I m. sh. ~A, ~AT bot. (lat. Hyacinthus orientalis; Bellevalia) Bimë barishtore zbukuruese, me zhardhok të vogël, me gjethe të zgjatura si heshtë, me lule të vogla si hinkë e zakonisht të grumbulluara në tufë, në ngjyrë të kaltër, të bardhë, trëndafili etj. dhe me erë të mirë, që lulëzon në fillim të pranverës. Zymbyl i kaltër (i bardhë). Erë zymbylash. Kanë çelur zymbylat. Si zymbyli në saksi (fig.) i bukur e i dëshirueshëm. Atje poshtë në ca vidha, / Po këndojnë shtatë bilbila, / Në një bahçe me zymbyla. (folk.). Na mbiu trandafil mbë derë, / Se zymbyl, se karafil. (folk.).

Rezultate të ngjashme

ZYMBYLE

ZYMBÝL/E,~JA f. sh. ~E, ~ET Shportë me dy doreza, zakonisht prej kashte a prej xunkthi, që përdoret për të mbajtur pemë, perime e sende të tjera. Mbushi zymbylen.

Shfaq përkufizimin e plotë →
ZYMBYLTË

ZYMBÝLTË (i, e) mb. Që ka ngjyrën e zymbylit. Fustan (fund) i zymbyltë.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë