Fjalori
ZVARGUR

ZVÁRGUR (i, e) mb. 1. Që vijon më shumë se zakonisht, që zgjatet e zvarritet. Vajtim i zvargur. Këngë (muzikë) e zvargur. Jehonë e zvargur. Punë të zvargura. Mërmëroi me zë të zvargur. Me atë britmën e zvargur e të pikëllueshme “Dru me pre”. Tingujt e kambanës vinin vërdallë të ngadaltë e të zvargur.
2. Që shtrihet në një gjatësi të madhe, që zgjatet; që varet. Re të zvargura. Mjegull e zvargur. Me rroba të zvargura. Një rit i zvargur pafundësisht. Fryn prapë era me zë të zvargur e të hidhur. Kisha dëgjuar netëve rrëfime të tilla të zvargura. Ai i përfytyroi tek ecnin drejt tij me hapa të zvargur, si në ëndrrat e këqija.
✱Sin.: i shtrirë, i zvargur, i zvarritur, i varur, i lëshuar.

ZVARGUR

ZVÁRGUR ndajf., fig. Pa dëshirën dhe pa kujdesin e duhur, duke e zvarritur diçka (për një punë etj.). I la punët zvargur. Jehonte zvargur largësia.

Rezultate të tjera nga lematizimi ose nga ngjashmëria me formën përfaqësuese: ZVARG
ZVARG

ZVARG vep., ~A, ~UR kal. E zgjat a e zvarrit diçka (një punë, zërin etj.). E zvargte zërin. E zvargu punën. I zvargte fjalët. Muzikantët zvargin notat e fundit të një partiture.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë