Fjalë që fillojnë me...
Fjalë me të njëjtat parashtesa ose tema fjalëformuese.
ZHVILLÍM,~I m. sh. ~E, ~ET 1. Proces i rritjes dhe formimit; rritja dhe forcimi trupor (i fëmijëve, i organeve); rritja e aftësive për punë, për veprim a për një veprimtari të caktuar Zhvillimi i trupit (i mushkërive, i zemrës, i trurit).
2. Gjendja e bimëve kur rriten mbarë dhe në mënyrë të shpejtë. Zhvillimi i agrumeve (i mollëve). Është në zhvillim e sipër. Ndërprerja e zhvillimit.
3. Keqësimi dhe përhapja e diçkaje (sëmundje, epidemi etj.). Zhvillimi i sëmundjes.
4. Shtjellimi a trajtimi i një teme (zakonisht mësimore); shpjegim; zgjidhja e një ushtrimi, problemi etj. Zhvillimi i temës së mësimit. I bëri një zhvillim të hollësishëm (të thellë, të shkurtër) lëndës së re. Zhvillimi i temave të prapambetura. Kam punuar shumë me zhvillimin e problemave të vështira. Zhvillimi i ushtrimeve do më shumë kohë.
5. Organizimi i një pune a veprimtarie dhe pjesëmarrja në të; ndërrmarrja e diçkaje (zakonisht në përmasa të gjera). Zhvillimi i konkursit të letërsisë. Zhvillimi i një ndeshjeje kampionati. Zhvillimi i bisedimeve dypalëshe.
6. filoz. Kalimi në një gjendje tjetër cilësore më të ndërlikuar, më të lartë e më të përparuar. Lëvizja e zhvillimi. Lufta e të kundërtave dhe zhvillimi. Ligjet e zhvillimit.
7. Shkallë e vetëdijes shoqërore dhe e aftësive të dikujt; shkallë e përparimit të shoqërisë ose të njërës prej fushave të veprimtarisë së saj. Zhvillim ekonomik (kulturor, mendor). Zhvillimi i metodave e i teknikave të mësimdhënies. Zhvillimi i mëtejshëm i teorisë së valëve. Zhvillimi i industrisë (i bujqësisë, i shkencës, i artit, i letërsisë, i kulturës).
8. fot. Përpunimi a larja me lëndë kimike i një filmi a i një pllake fotografike që të mos ndikojë drita mbi të. Zhvillimi i një filmi. Merr zhvillim (diçka) zhvillohet.
✱Sin.: rritje, forcim, mbajtje, rrjedhje, përparim, lëvizje, shpjegim, organizim, përpunim, larje, shtjellim, zbërthim.
ZHVILLIMÓR,~E mb., libr. Që ka të bëjë me zhvillimin, që i nënshtrohet zhvillimit, që nxit zhvillimin, që është gjithnjë në zhvillim. Stadi zhvillimor. Lidhje zhvillimore.
Shfaq përkufizimin e plotë →►ZHVÍLLET jovep., ZHVÓLL (u), ZHVJÉLLË pës. e ZHVJELL.
Shfaq përkufizimin e plotë →►ZHVILL/ÓHEM jovep., ~ÚA (u), ~ÚAR 1. vetv. Rritem e fuqizohem nga trupi; bëhem i fuqishëm e i aftë për të kryer një punë, më rriten aftësitë. Zhvillohem nga trupi. Iu zhvillua sht…
Shfaq përkufizimin e plotë →ZHVILL/ÓJ vep., ~ÓVA, ~ÚAR kal. 1. E rrit dhe e forcoj nga trupi; bëj që të rritë aftësitë për punë e për veprim ose për një veprimtari të caktuar. Zhvillon trupin. Zhvillon mushkë…
Shfaq përkufizimin e plotë →ZHVILLÚAR (i, e) mb. 1. Që është rritur e është forcuar mirë, që ka zhvillim të mirë fizik; që i ka zhvilluar mirë aftësitë e veta për të kryer një punë, një veprim ose një veprimt…
Shfaq përkufizimin e plotë →ZHVILLÚES,~E mb. Që nxit e ndihmon zhvillimin e diçkaje, që rrit forcën jetësore a vepruese të diçkaje, që shërben për ta zhvilluar me tej. Ushtrime zhvilluese. Krasitje zhvilluese…
Shfaq përkufizimin e plotë →ZHVILLÚES,~I m. 1. Ai që zhvillon më tej dhe e shpie më përpara një teori, një shkencë etj.; ai që zgjeron e thellon më tej një ide, një tezë, një doktrinë etj. Zhvilluesit e mendi…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë