Fjalë që fillojnë me...
Fjalë me të njëjtat parashtesa ose tema fjalëformuese.
ZHABÍN/Ë,~A f. sh. ~A, ~AT 1. bot. (lat. Ranunculus) Bimë barishtore e helmët, zakonisht njëvjeçare, që bën lule të verdha me pesë petla dhe që rritet në toka me lagështirë. E pastruam grurin (misrin) nga zhabina.
2. Pjesë e parë e emërtimeve të pathjeshta, që shënojnë lloje të ndryshme të kësaj bime. Zhabina e arave (lat. Ranunculus arvensis) bimë e egër njëvjeçare, që rritet në fusha e në vende të hapura, me lule të verdha që kanë petale të shndritshme dhe me gjethe të thelluara. Zhabina e egër (lat. Ranunculus bulbosus) lloj bime barishtore me lule të verdha, me bulbe në bazë, e njohur për bukurinë dhe për faktin që është helmuese në gjendje të freskët. Zhabina gjethegjuhë (lat. Ranunculus lingua) bimë kënetore, që rritet në brigje lumenjsh, liqenesh e kënetash, me lule të verdha të mëdha që kanë petale të ndritshme dhe me gjethe të gjata e të ngushta si gjuhë. Zhabina kallivogël (lat. Ranunculus psilotachys) bimë barishtore shumëvjeçare, që lulëzon në livadhe, në terrene shkëmbore dhe në hapësira të hapura, me gjethe bazale të ndara në disa segmente e me lule të verdha. Zhabina e livadheve (lat. Ranunculus acris; Ranunculus acer) bimë e përhapur në livadhe dhe fusha të lagështa, me lule të verdha të ndritshme, me petale të lëmuara, që dallohet për pjesët e saj të freskëta toksike për njerëzit dhe kafshët. Zhabina e moçaleve (lat. Ranunculus scleratus) bimë e egër, që gjendet shpesh në vende të lagështa, në përrenj, në liqene të cekëta ose në laguna, me lule të verdha të ndritshme, që është helmuese nëse konsumohet nga njerëzit ose nga kafshët. Zhabina e pyllit (lat. Ranunculus nemorosus) bimë e vogël barishtore, me lule të verdha ose të bardha, që rritet në zona pyjore ose të lagështa dhe ka rrënjë e fara toksike. Zhabina e ujit (lat. Ranunculus aquatilis; Ranunculus diversifolius; Ranunculus radicans) bimë që rritet kryesisht në ujë të freskët, në liqene, në përrenj ose në pellgje të qeta, me gjethe të ndara, shpesh me forma të ndryshme në pjesën që është nën ujë dhe pjesën që qëndron mbi ujë. Zhabina e verdhë (lat. Ranunculus aconitifolius) bimë barishtore shumëvjeçare, që rritet zakonisht në zona malore, në livadhe dhe afër lumenjve, me gjethe të ndara e të holluara, me lule të bardha e të vogla të mbledhura në tufë. Zhabina zvarritëse (lat. Ranunculus repens) bimë barishtore shumëvjeçare, e cila gjendet në kopshte, në fusha të lagështa, në livadhe dhe në anë të rrugëve, me gjethe të përhapura dhe me lule të verdha të vogla, me rrënjë që mund të shtrihen nën tokë duke e bërë bimën të përhapet lehtësisht.
✱Sin.: zhabil, zhabinok, luleverdhë.
ZHABINÓK,~U m. sh. ~Ë, ~ËT bot. (lat. Ranunculus) Zhabinë, zhabil. Verdhonte gruri (misri) nga zhabinoku. Ishin mbushur arat më zhabinokë. Më dil te lëmi në darkë, / O moj lule zha…
Shfaq përkufizimin e plotë →ZHABINÓRE,~T f. vet. sh., bot. Familje bimësh barishtore e shkurresh, ku bëjnë pjesë zhabina, kulpra etj. E pastruam pyllin nga zhabinoret.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë