Fjalë që fillojnë me...
Fjalë me të njëjtat parashtesa ose tema fjalëformuese.
ZGJÍDHUR (i, e) mb. 1. Që është i liruar ose që nuk është i lidhur, që është zgjidhur (për një nyjë ose për diçka tjetër që lidhet a mbështillet); kund. i lidhur. Me brez të zgjidhur. Me këpucë (me lidhëse) të zgjidhura. Dengu ishte i zgjidhur. Duaj të zgjidhur.
2. Që është lënë i lirë ose që është i palidhur, që është zgjidhur; kund. i lidhur. Qeni ishte i zgjidhur. E kishin lënë të zgjidhur. Panë një luan të zgjidhur nga zinxhiri.
3. fig. Që nuk i ka me lidhjet e para, që është liruar nga çdo detyrim i mëparshëm. I zgjidhur gjyqësisht (me marrëveshje). Martesë (fejesë) e zgjidhur. Besë e zgjidhur. E quante kontratën të zgjidhur.
4. mat. Që i është gjetur përfundimi, që është zbërthyer plotësisht, që është zgjidhur. Ushtrime të zgjidhura. Model i zgjidhur. Test i zgjidhur. Ekuacione të zgjidhura.
5. fig. Që është shqyrtuar e sqaruar dhe ka gjetur zgjidhje, që mund të quhet i përfunduar. Kjo është një çështje e zgjidhur. Mekanizmi i shpërndarjes së Kuvendit është i zgjidhur. Statusi i shtresave në nevojë është i zgjidhur me ligj të posaçëm.
✱Sin.: i palidhur, i liruar, i çliruar, i zbërthyer, i lirë, i shkrehur, i shpenguar.
ZGJIDH vep., ~A, ~UR kal. 1. Liroj një nyjë ose diçka tjetër të lidhur a të bashkuar; i liroj dhe i heq lidhëset diçkaje të lidhur; kund. lidh. Zgjidh nyjën. Zgjidh lidhësen (spangon, litarin). Zgjidhi rripin (brezin). Zgjidh këpucët. Zgjidh dengun. Ia zgjidhi duart (këmbët). Nuk e zgjidh dot. E zgjidhi me dhëmbë. Plaka uli kryet e nisi të zgjidhte fijet që ishin lidhur kokla. (folk.). Do zgjidhësh duart që të mblidhen duajt. (fj. u.). Ta zgjidhësh kombin pa e prerë mandilen. (fj. u.).
2. Liroj një njeri a një kafshë që e kanë lidhur diku, lë të lirë një njeri a një kafshë duke e shkëputur prej vendit ku e kanë lidhur; kund. lidh. Zgjidhi qenin (viçin). E zgjidhën të dënuarin. Zgjidh foshnjën.
3. Liroj një kafshë të mbrehur, çmbreh; kund. mbreh. Zgjidhi qetë nga zgjedha. Zgjidhi kalin nga karroca.
4. fig. Prish lidhjen që kam vendosur me dikë, e bëj të pavlefshëm detyrimin që kam ndaj dikujt; i jap fund diçkaje a e ndërpres diçka; kund. lidh. Zgjidhi fejesën (martesën). Zgjidhi besën. I zgjidhën marrëdhëniet. Zgjidhi kreshmët (fet.). Zgjidhi magjinë (vjet.). Fati e lidh, por robi (njeriu) e zgjidh. (fj. u.).
5. fig. Shqyrtoj e sqaroj një çështje; i jap rrugë zhvillimit a përfundimit të diçkaje, duke hequr ose duke kapërcyer pengesat, mbudh; kryej a përfundoj diçka (një punë, një kërkesë etj.). Zgjidhi një çështje të rëndësishme. E zgjidhën ngatërresën. I zgjidhën detyrat që u dolën përpara. I zgjidhi punë. Ia zgjidhi hallin. Atë që s’e zgjidh syri, e zgjidh puna. (fj. u.). Gjuha të lidh, gjuha të zgjidh. (fj. u.).
6. mat. Bëj veprimet dhe gjej përfundimin e një ushtrimi, të një problemi etj. E zgjidhi ushtrimin (problemën). Zgjidhi një ekuacion. E zgjidhi me gojë (me shkrim).
✱Sin.: liroj, çlidh, çliroj, shkolis, shkokëloj, çmbështjell, çmbreh, zbërthej, shkreh, ndaj, sheshoj, mbudh, përudh, bitis, rregulloj, ndreq.
♦ * Lidh e zgjidh (vetë) dikush. As të *lidh e as të zgjidh (dikush). Të *lidh e të zgjidh (dikush). I zgjidh *duart (dikujt). E zgjidhi *gjuhën (dikush). Ia zgjidhi *gjuhën (dikujt). Ia zgjidhi (ia hoqi) *lakun (dikujt). E zgjidhi *qesen (dikush). E zgjidhi *trastën (dikush). E zgjidhi *thesin (dikush).
ZGJIDH vep., ~A, ~UR kal. 1. Liroj një nyjë ose diçka tjetër të lidhur a të bashkuar; i liroj dhe i heq lidhëset diçkaje të lidhur; kund. lidh. Zgjidh nyjën. Zgjidh lidhësen (spang…
Shfaq përkufizimin e plotë →►ZGJÍDH/EM pës. e ZGJEDHI. Fara zgjidhet me kujdes. U zgjodh kryetar (sekretar). U zgjodh njëzëri.
Shfaq përkufizimin e plotë →►ZGJÍDH/EM jovep. ~A (u), ~UR 1. vetv., vet. v. III Lirohet nyja ose diçka tjetër e lidhur a e bashkuar; i lirohen e i bien lidhëset diçkaje të lidhur; kund. lidhet. Iu zgjidh gryk…
Shfaq përkufizimin e plotë →ZGJÍDHJ/E,~A f. sh. ~E, ~ET 1. Veprimi kur zgjidh diçka; kund. lidhje. Zgjidhja e litarit. Zgjidhja e brezit. Zgjidhja e lidhëseve të këpucëve. Zgjidhja e duarve (e këmbëve etj.). …
Shfaq përkufizimin e plotë →ZGJÍDHSH/ËM (i), ~ME (e) mb. 1. Që mund të zgjidhet, që nuk është i vështirë për t'u zgjidhur. Nyjë e zgjidhshme. Ekuacion i zgjidhshëm (mat.).2. fig. Që mund të prishet, që mund t…
Shfaq përkufizimin e plotë →ZGJÍDHËS,~E mb. Që shërben për të zgjidhur; që ndihmon të zgjidhet një çështje, një problem, një detyrë a një situatë. Ajo ka rol zgjidhës në çështjet e klasës.
Shfaq përkufizimin e plotë →ZGJÍDHËS,~I m. sh. ~, ~IT Ai që jep një përgjigje ose rrugëdalje për një problem, detyrë apo situatë; diçka që shërben për një qëllim të tillë. Ai ishte zgjidhësi i ushtrimeve më t…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë