Fjalë që fillojnë me...
Fjalë me të njëjtat parashtesa ose tema fjalëformuese.
ZÉZ/Ë,~A (e) f. sh. ~A , ~AT (të) 1. Ngjyra e zezë; bojë e zezë; kund. e bardhë. Përzierja e së kuqes me të zezën. I shtiu edhe pak të zezë. E leu me të zezë. Ndryshon si e bardha nga e zeza. E zeza s’mund të shitet për të bardhë. (fj. u.). Sa të thuash “e zeza”, thuaj “e bardha”. (fj. u.).
2. kryes. sh. Rroba të zeza që i mbajnë plakat ose që i veshin gratë, zakonisht në shenjë zie kur u ka vdekur dikush, veshje e përzishme; diçka e zezë. Nënat në të zeza. U vesh me të zeza. e zeza e syrit.
3. fig. E keqe e madhe që dëmton rëndë dikë a diçka, fatkeqësi, mjerim; vuajtje e madhe, mundim i rëndë që heqim; diçka e ligë, veprim i keq e i urryer, e keqe. Të zezat e luftës. Pas kaq të zezash. E gjeti (e zuri) e zeza. Të pret e zeza. I ranë të gjitha të zezat në kokë. Ia bëri të zezën vetes. Punon në të zezë (dikush) bën punë pa u njohur zyrtarisht dhe pa paguar sigurimet shoqërore. - Mos na ndill të zeza! - U marrtë të zezat! Ka bërë një mijë e një të zeza. Për të zezën e vet (e armikut). E zeza ndjell të zezën. (fj. u.). Mendja (fjala) e madhe, e zeza e të zotit. (fj. u.). Mos e vështro për të zezë, po shiko ç’tym do të ndezë. (fj. u.). Sumbull nga një sumbull, gjithë të zezat grumbull. (fj. u.). Hidhnim i fortë-e zeza e të zot. (fj. u.). Pija asht e ama e të gjitha të zezave. (fj. u.). Me këngë e me të qeshur, të zezat përqeshur. (fj. u.).
♦ E bën të bardhën të zezë (dikush) gënjen, thotë të kundërtën e asaj që duhet; mohon të vërtetën; e paraqit diçka krejt ndryshe nga ç’është në të vërtetë, e shtrembëron fare të vërtetën; diçka të mirë e paraqit si të keqe, e nxin; e bën mjaltin baltë; kund. e bën të zezën të bardhë. E bën delen e bardhë të zezë (dikush) shih e bën të bardhën të zezë (dikush). E bën të zezën *të bardhë (dikush). Mori të zezën (dikush) i ra një e keqe e madhe dikujt (u sëmur rëndë, u shkatërrua krejt etj.); ra në mjerim të madh; e piu e zeza (dikë); mori tatëpjetën. E piu e zeza (dikë) përfundoi keq, e pësoi rëndë, e gjeti e keqja më e madhe, u fik; mori të zezën (dikush); e mori (e hëngri) dreqi; e mori lumi. Të preftë e zeza! mallk. shih të preftë (të shpëlaftë) mortja! mallk. Për të zezën e thoit për fare pak gjë, për një fije, për një qime; kot. Sa e zeza e thoit fare pak, një çikë, një grimë, një fije.
ZEZËDÍT/Ë,~A f. sh. ~Ë, ~ËT Dita kur ndodh një gjëmë, ditë e zezë, zezonë; kund. bardhëditë. - Ç’zezëditë ju pruri këtu? Në atë zezëditë. Gjetsh zezëditën! (mallk.) vdeksh! Zezëdit…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë