Fjalori
ZDAPEM

►ZDÁP/EM jovep. ~A (u), ~UR krahin., vetv. Zhdëpem, ngopem, fryhem së ngrëni. U zdap me të ngrënë. Dendet e zdapet sa i dhemb barku. Pasi u zdap me të ngrëna e me të pira, mori trastën e u nis për udhë të gjatë. (folk.).

Rezultate të tjera nga lematizimi ose nga ngjashmëria me formën përfaqësuese: ZDAP
ZDAP

ZDAP,~I m. sh. ~A, ~AT 1. krahin. Dru i gjatë, i trashë e i pagdhendur; hu. Mori një zdap. I ra me zdap.
2. fig., bised. Djalë a burrë me trup të gjatë, të fortë, por jo të hijshëm; stërhell, shul. Alamet zdapi. Goxha djalë, sa një zdap. Gjithë ai zdap. Hyri një zdap. Hodhi bojë dhe u bë sa një zdap. Është një zdap që s’e ka shokun. Një zdap i gjatë, veshur me kostum si gjyshi. Nja dy zdapa e kapëcyen hendekun.
✱Sin.: hu, stërhell, shul, laskar.

ZDAP

ZDAP vep., ~A, ~UR krahin., kal. 1. I jap shumë për të ngrënë, e zhdëp, e ngop, e fryj. E zdapi mirë e mirë. E zdapi me pjepra e me shalqinj.
2. fig., bised. E rrah fort dikë, e zhdëp në dru, e shqep, e zbrujt; e bëj për vaj e për uthull. E zdapi me dajak. - Të zdapi paq! E zdapën vendçe. - Do ta zdap sa të mos shohë udhën nga të vijë, - mendoi xhindi. (folk.).

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë