Fjalë që fillojnë me...
Fjalë me të njëjtat parashtesa ose tema fjalëformuese.
ZBËRTH/ÉJ vep., ~ÉVA, ~ÝER kal. 1. E ndaj diçka në pjesët përbërëse, shkëput njërën nga tjetra të gjitha pjesët që e përbëjnë (për një makineri, një pajisje etj.); shkul, heq diçka që është ngulur a është mbërthyer te diçka tjetër; copëtoj, shqyej, shkallmoj; kund. mbërthej. Zbërtheu dërrasat. E zbërtheu makinën të gjithë. Zbërtheu pushkën (mitralozin). E zbërtheu me sqepar (me darë). Armë-zbërthe! (usht.).
2. Nxjerr a heq diçka nga vendi ku është futur, është mbërthyer a është kapur; shkopsit; kund. mbërthej. Zbërtheu rripin. Zbërtheu parashutën (çantën e shpinës). Zbërtheu kopsat. Zbërtheu xhaketën (këmishën, jakën, jelekun).
3. spec. E ndaj një lëndë a diçka tjetër në pjesët përbërëse; shpërbëj. Zbërthen albuminën. Spektografët e zbërthejnë dritën në përbërësit e saj (fiz.). Të gjithë numrat i zbërthejmë në faktorë të thjeshtë (mat.). Piklat e ujit zbërthejnë rrezet diellore duke krijuar ylberin shumëngjyrësh. Kuptimin leksikor e zbërthejmë në njësi më të vogla semantike (gjuh.).
4. fig. Shqyrtoj një çështje, një vepër a diçka tjetër, duke e ndarë në pjesët a në elementet përbërëse dhe duke e vështruar nga të gjitha anët, për ta bërë të qartë e të kuptueshme, për të nxjerrë përfundime e detyra, për t'ua përshtatur më mirë kërkesave etj.; analizoj; shtjelloj. E zbërthyen çështjen (problemin, konceptin, veprën). Zbërtheu një ushtrim. Zbërtheva tri teorema matematikore. Zbërthyen fjalimin (detyrat, udhëzimet, vendimet). E zbërthej më hollësisht (më qartë). E zbërtheu mirë e bukur. Kanë arritur të zbërthejnë gjithfarë të fshehtash planetare. E kam të vështirë ta zbërthej për t’ua bërë më të kuptueshme.
5. fig. E bëj dikë të flasë, ia arrij që të m'i thotë të gjitha sa di për diçka a për dikë. E zbërtheu mirë (plotësisht, deri në fund).
6. Heq nga zgjedha, çmbreh; kund. mbërthej. Zbërtheu qetë. I zbërtheu nga qerrja.
7. krahin. Hap, çaj diçka duke e thyer; shkallmoj, bëj pjesë-pjesë, shpërthej. Zbërtheu dy vezë. I zbërtheu kokën. Zbërtheu derën. U zbërtheu muret. Ia paska zbërthyer qerren fare.
✱Sin.: shkopsit, shpërthekoj, copëtoj, shqep, shqyej, shkreh, shkallmoj, shpërthej, shpërbëj, shkoqit, shqyrtoj, analizoj, shtjelloj, zhvilloj, shpjegoj, imtoj, përimtoj.
♦ I zbërtheu *brinjët (dikujt) keq. I zbërthej *dhëmbët (dikujt). Ia zbërthej *gojën (gjuhën) (dikujt).
►ZBËRTH/ÉHEM jovep. ~ÉVA (u), ~ÝER 1. vetv., vet. v. III Ndahet vetë në pjesët përbërëse, bëhet pjesë-pjesë (një makinë, një pajisje etj.); shkulet, hiqet nga vendi ku është ngulur…
Shfaq përkufizimin e plotë →ZBËRTHÍM,~I m. sh. ~E, ~ET 1. Veprimi kur zbërthej diçka; ndarja e diçkaje në pjesë përbërëse; shkulja e diçkaje që është mbërthyer në diçka tjetër; kund. mbërthim. Zbërthimi i voz…
Shfaq përkufizimin e plotë →ZBËRTHÝER,~IT (të) as. Zbërthim.
Shfaq përkufizimin e plotë →ZBËRTHÝER (i, e) mb. 1. Që është ndarë në pjesët përbërëse, që është zbërthyer pjesë-pjesë; që është shkulur a është hequr nga vendi ku ishte ngulur ose ishte mbërthyer; kund. i mb…
Shfaq përkufizimin e plotë →ZBËRTHÝES,~E mb. 1. Që ndihmon për të zbërthyer diçka, që duhet për zbërthimin e diçkaje; që mund të zbërthejë. Vegël zbërthyese. Lëndë me veti zbërthyese. Enzima zbërthyese. Kodi …
Shfaq përkufizimin e plotë →ZBËRTHYESHMËRÍ,~A f., libr. Të qenët i zbërthyeshëm; mundësia që ka diçka për t'u zbërthyer. Zbërthyeshmëria e lëndëve. Ka zbërthyeshmëri të ulët (të dobët, të lartë). Merrej me zb…
Shfaq përkufizimin e plotë →ZBËRTHÝESH/ËM (i), ~ME (e) mb. 1. Që mund të ndahet në pjesët përbërëse, që mund të bëhet pjesë-pjesë (edhe fig.); që mund të shkulet a që mund të hiqet nga vendi ku është ngulur o…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë