Fjalori
ZËLARTË

ZËLÁRTË mb. 1. Që ka zë të fortë, që flet me zë të qartë e të tingëllueshëm, që gati bërtet; kund. zëfikur, zëmekur. Grua zëlartë. Ishte energjik e zëlartë. Radioja ishte aq zëlartë sa nuk durohej. Zog zëlartë që zajton. Përmes altoparlantëve zëlartë. Nga e qeshura zëlartë dallohet mendjeboshi. (fj. u.).
2. fig. Që është këmbëngulëse në të drejtat e saj, që nuk bën asnjë lëshim, që e mbron me pasion diçka. Si një avokate zëlartë e Shqipërisë në BE. Ishte zëlartë në shprehjen e qëndrimeve.
3. si em. m. e f. Sipas kuptimit të mbiemrit.

ZËLARTË

ZËLÁRTË ndajf. 1. Më zë të lartë, fort. Ato flisnin zëlartë. Fjalë që s’thuhen zëlartë. Poezi që mund të recitohet zëlartë. Mundohu mos e këndosh zëlartë këngën që të pëlqen. E kam shqiptuar zëlartë emrin tuaj.
2. fig. Me forcë e me këmbëngulje, pa bërë lëshime e pa u tërhequr; pa frikë, pa u tutur; qartazi, me krenari, me ballin lart; kund. zëmekur. I sapombërrituri foli zëlartë dhe i zuri fjala vend. E pohoi zëlartë qëndrimin e vet. Ky grup ndihej aq i madh dhe aq zëlartë në kuvend.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë