Fjalë që fillojnë me...
Fjalë me të njëjtat parashtesa ose tema fjalëformuese.
VÚAJ vep., ~TA, ~TUR 1. jokal. Kam një dhembje a një sëmundje që më mundon, heq prej saj. Vuan nga dhembja e kokës. Vuante nga stomaku (nga zemra, nga veshkat, nga ethet). Vuanin nga malaria.
2. jokal. Mundohem shumë për të bërë a për të gjetur diçka, përpiqem e lodhem shumë; kaloj vështirësi e mungesa të mëdha, jetoj në skamje a në varfëri; më mungon diçka dhe s’e siguroj dot. Hoqën e vuajtën nën thundrën e pushtuesit. Vuajti për të bërë një shtëpi. Vuanin për bukë (për ujë, për kripë). Kanë vuajtur tërë jetën. Vuante për gjumë.
3. jokal. Pësoj të këqija a mundime, ndiqem, dënohem e keqpërdorem nga dikush. Vuajtën nga fashistët. Vuajti në burg. Vuajti të zitë e ullirit vuajti shumë. Vuajti pikën e zezë vuajti shumë. Vuan si gjarpri nën gur (si miu në mur).
4. jokal. Ndiej dhembje në shpirt për dikë, kam dashuri të madhe për të, jepem me shpirt pas tij. Vuan pas asaj. Vuan pas fëmijës.
5. fig., jokal. Kam një të metë a një mungesë, e cila më dëmton; vet. v. III ka të meta e dobësi. Vuante nga mendjemadhësia. Vuan nga (për) mendtë e kokës e ka fajin vetë. Vepra vuan nga disa dobësi të theksuara. Vuan nga budallallëku.
6. kal. Kaloj një mundim trupor a shpirtëror, një sëmundje, një të keqe a dënim; heq. Vuajti urinë. Vuajti dënimin.
✱Sin.: heq, lëngoj, rënkoj, dergjem, torturohem, përvëlohem, mjerohem, mundohem, rraskapitem, përndiqem.
VUAJERÍZ/ËM,~MI m. Zvetënim seksual. Vuan nga vuajerizmi.
Shfaq përkufizimin e plotë →VÚAJSH/ËM (i), ~ME (e) mb. I durueshëm; që mund të durohet, që mund të bahet. Është njeri i vuajshëm. Di t’u vijë rreth punëve (gjërave) se është i vuajshëm. Atë nuk ka gjë që e mp…
Shfaq përkufizimin e plotë →VÚAJTJ/E,~A f. sh. ~E, ~ET 1. Veprimi kur vuaj a kur vuhet. Vuajtjet e të varfërve. Vuajtjet e luftës. Ka vuajtje e vuajtje. Hoqi gjithë ato vuajtje. S’i tregoj dot vuajtjet e atëh…
Shfaq përkufizimin e plotë →VÚAJTUR (i, e) mb. 1. Që ka hequr shumë, që ka vuajtur gjatë jetës së tij; që shpreh vuajtje. Njeri i vuajtur. Familje e vuajtur. Popull i vuajtur. Me pamje të vuajtur. Dukej i vua…
Shfaq përkufizimin e plotë →VÚAJTURIT,~IT (të) as. Të qenët i vuajtur, vuajtje, dhembje në trup, mundim fizik dhe shpirtëror. Të vuajturit ia shkurtoi jetën. Nuk iu nda të vuajturit asnjëherë. Nënë Tereza pas…
Shfaq përkufizimin e plotë →VÚAJTËS,~E mb. Që vuan, që pëson të këqija e mundime; që ka vuajtur shumë, i vuajtur. Njeri vuajtës. Grua vuajtëse. Vuajtës i madh. Vuajtëse e madhe.✱Sin.: i vuajtur, i përvuajtur,…
Shfaq përkufizimin e plotë →VÚAJTËS,~I m. sh. ~, ~IT Ai që vuan, ai që pëson të këqija e mundime; që ka vuajtur shumë, i vuajtur. Vuajtës i madh. Nuk i është ndarë mundimi kurrë atij vuajtësi.✱Sin.: mundimmad…
Shfaq përkufizimin e plotë →VÚAJTËS/E,~JA m, sh. ~E, ~ET Ajo që vuan, ajo që pëson të këqija e mundime; që ka vuajtur shumë, e vuajtur. Ajo vuajtësja është rritur me vështirësi. Ajo vuajtësja e gjorë ka hequr…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë