Fjalë që fillojnë me...
Fjalë me të njëjtat parashtesa ose tema fjalëformuese.
VRA/S vep., ~VA, ~RË 1. kal. E bëj një njeri të vdesë ose një kafshë të ngordhë, duke e qëlluar me armë a me ndonjë mjet tjetër, i marr jetën. Vrau një fashist. Vrau një ujk. Vranë rosa të egra. E vrau me të pabesë (prapa shpine). E vrau rrufeja. E vraftë pika (mallk.)! Më vraftë buka! vjet., betim.
2. kal. Godit një pjesë të trupit tim ose një tjetër me diçka a pas diçkaje, duke shkaktuar dhembje e plagë; e bëj me gjak, e gjakos. I vrau syrin. E vrau mushka. Vrau këmbën (dorën, gjurin). Vrau ballin. E vrau pas gurit. Ku e ke vrarë kështu?
3. kal. vet., v. III Më shtrëngon, më rri ngushtë e s’e duroj dot; më shkakton dhembje kur rri në të, kur e prek etj. Më vret rripi. Më vret këpuca. Më vret dysheku.
4. kal., vet. v. III Prek e dëmtoj, i shkaktoj dëm; prish. Të vret ushqimi i tepërt. Bryma i vret disa perime. Të ftohtët (ngrica) i vret bimët. E vrau vrugu duhanin. Dielli i fortë i vret lulet.
5. kal., vet. v. III Nuk më lë të shoh mirë. M’i vret sytë dielli (drita e fortë).
6. fig., kal. E prek thellë në ndjenja a në sedër, e lëndoj shumë; i shkaktoj dikujt dëshpërim a dhembje të madhe shpirtërore, e pikëlloj, e hidhëroj shumë. E vrau me fjalë. Më vrau në zemër më dëshpëroi shumë, më lëndoi keq. E vrau ndërgjegjja e ndjeu veten fajtor për diçka dhe u pendua. Atë nuk e vret turpi. Më vrave! më shkaktove një dhembje të thellë!, më there! (i thuhet dikujt që na jep një lajm shumë të hidhur).
7. kal. E mundoj shumë dikë, e detyroj të punojë jashtë mundësive që ka, rraskapit; e ngarkoj shumë, e rëndoj; e bëj që të bjerë nga shëndeti e të plaket më shpejt (edhe fig.). Nuk e ka vrarë puna. S’e ka vrarë trupin. Mos e vra kafshën e barrës. E kishte vrarë lodhja (pagjumësia). E kishte vrarë jeta e rëndë. E ka vrarë sëmundja. E kishte vrarë kurbeti. I vritnin taksat shumë. I vriste qiraja e lartë.
8. bised., kal. Shtyp me dorë a me diçka tjetër për ta zbutur etj.; thërrmoj. Vras brumin. E vrau sallatën me kripë. Vrasin plisat (tokën).
9. kal. Ia thyej pak ngjyrën e fortë me një bojë tjetër, ia ndërroj pak ngjyrën. E vrau gëlqeren me pak bojë të verdhë. E vrau të kuqen me pak të bardhë.
✱Sin.: pushkatoj, gjakos, përgjak, gandoj, shemb, lëndoj, rraskapit, shajtoj, thërrmoj, thyej.
♦ As të *fal e as të vret (dikush). U bëra (jam) për të vrarë *veten. E vranë *ariun iron. Sikur i kam vrarë *babën (dikujt). Të vret *barkun (diçka) iron. E di ku e vret *barra (dikush). Vret (rreh) *gjetkë (dikush). Të vraftë (të shkeltë) *hija! mallk. S’e vret *kaptinën (për diçka) thjeshtligj. Nuk e ka vrarë (nuk e ka shtrënguar) *këpuca (opinga) (dikë). Nuk e ka vrarë *kockën (dikush). Vret *kohën (dikush). Vras *kokën (për diçka). S’kam vrarë *kuçedrën. Vret *larg (dikush). Vret (rreh) *lart (dikush). Vras *mendjen (për diçka). E ka vrarë *e mira (dikë). Nuk vret dot një *mizë (dikush). Vret (numëron) *miza (dikush). Nuk e ka vrarë (nuk e ka shtrënguar) opinga (*këpuca) (dikë). Të vret e s’të paguan (dikush) është njeri i pamëshirshëm, që bën shumë të këqija e nuk përgjigjet përpara askujt; është kriminel. Të vret me *pambuk (dikush). Vret e pret (dikush). 1. Vret shumë njerëz pa mëshirë e pa u ndalur; bën krime. 2. Bën si i do qejfi, s’e pengon dot njeri, është i pakufizuar; flet ashpër, flet rëndë e sillet keq me të tjerët; mburret se do t’ia bëjë një të keqe dikujt; të bën gjëmën. Të vret me *pupël (dikush). E vrau (e shkundi, e thau) *qesen (dikush). Të vraftë *qulli! tall. Vret *rëndë (dikush). Vret (shet) *të rënda (dikush). Nuk e ka vrarë *samari (dikë) tall. Të vret *sytë (diçka). Të vrasësh *shtatë. Vret (shet) *të trasha (dikush). Vras *trutë (për diçka). Më vret (më shpon) *veshin (veshët) (diçka). Vrafsh *veten! mallk. Nuk e ka vrarë *veten (dikush).
VRÁSAÇ,~I m. sh. ~Ë, ~ËT Vrasës; gjakësor; dorës. Vrasaç me pagesë. Vrasaç zemërkatran.✱Sin.: vrasës, gjakësor, dorës.
Shfaq përkufizimin e plotë →VRÁSAÇ/E,~JA m. sh. ~E, ~ET Vrasëse; gjakësore.✱Sin.: vrasëse; gjakësore, dorëse.
Shfaq përkufizimin e plotë →VRÁSH/ËM (i), ~ME (e) mb. I ashpër, i vrazhdë. Nuk ia thotë... një fjalë të vrashme... Fytyrë e vrashme. Pamje e vrashme.
Shfaq përkufizimin e plotë →VRASÍ,~A f. sh. ~, ~TË Vrasje; vrasje të shumta a njëra pas tjetrës, vrasje në masë. Bënë vrasi. Vrasi e madhe. Vrasia e pushtuesit ishte e pamëshirshme.✱Sin.: vrasje, gjakderdhje,…
Shfaq përkufizimin e plotë →VRÁSJ/E,~A f. sh. ~E, ~ET 1. Veprimi kur vras a vritem. Vrasje me armë. Vrasje për hakmarrje. Vrasje me të pabesë. Vrasje pa (me) dashje. Vrasje në masë. Bënte vrasje vriste. Shpët…
Shfaq përkufizimin e plotë →VRASTÁR,~E mb. 1. Që qëllon mirë; që të vret; që ka forcë të madhe vrasëse. Goditje vrastare. Armë vrastare armë me të cilën është vrarë dikush. Është pushkë (armë) vrastare pushkë…
Shfaq përkufizimin e plotë →VRASTÍ,~A f. sh. ~, ~TË Vrasë, vrasje; gjakderdhje. Vrasti e pabesë. Vrasti mizore.✱Sin.: vrasë, vrasje.
Shfaq përkufizimin e plotë →VRÁS/Ë,~A f. sh. ~A, ~AT 1. Vrasje; rast kur vritet dikush; vrasje e shumë njerëzve, vrasje në masë, kasaphanë (në luftë a në përleshje); gjakderdhje; kërdi. Atë ditë ndodh një vra…
Shfaq përkufizimin e plotë →VRÁSËS,~E mb. Që përdoret për të vrarë njerëz a kafshë, që të vret. Mjet vrasës. Fuqia vrasëse.
Shfaq përkufizimin e plotë →VRÁSËS,~I m. sh. ~, ~IT 1. Ai që vret një tjetër, ai që bën një a disa vrasje, njerivrasës; gjakësor. Vrasës i paguar. Vrasës me pagesë. Fytyrë prej vrasësi. Vrasësi iku në drejtim…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë