Fjalë që fillojnë me...
Fjalë me të njëjtat parashtesa ose tema fjalëformuese.
VIGÁN,~I m. sh. ~Ë, ~ËT 1. Njeri me trup shumë të madh e shumë i fuqishëm fizikisht, gjigant. Ishte kampion në mundje ai vigani. Trupi i Mujit ishte trupi i një vigani.
2. lart. Njeri me mendje gjeniale, njeri i shquar që ka bërë vepra madhore në shkencë, në art etj., gjigant. Vigani i letrave. Ai është vigan në art (pikturë). Vigani i skulpturës. Vigani i shkencës.
3. Diçka (vepër, ndërtim etj.) me përmasa shumë të mëdha e me rëndësi të jashtëzakonshme, vepër madhështore; gjigant. Vigani i ndërtimit. Vigani i industrisë. Vigani i qiellgërvishtësve. Vigani i energjetikës.
4. mit. Figurë mitologjike që përfytyrohej si njeri me trup jashtëzakonisht të madh e me fuqi të mbinatyrshme, gjigant. Luftoi si vigan. Ishte si vigan.
✱Sin.: gjigant, titan, trupmadh, ciklop, katallan.
VIGÁN,~E mb. 1. Që ka trup shumë të madh, gjigant. Me trup vigan. Me fuqi vigane. Kishte një gjatësi trupore disi vigane.
2. lart. Që ka mendje gjeniale, që ka bërë vepra madhështore në shkencë, në art etj., gjigant. Mendimtar vigan. Mendje vigane.
3. Që është shumë i madh, që ka përmasa shumë të mëdha, gjigant. Shkëmb (lis) vigan. Kështjellë vigane. Vepër vigane.
4. fig. Që shquhet për përpjesëtimet, për vlerën ose për forcën e vet; që kërkon shumë punë e përpjekje të jashtëzakonshme, gjigant. Hapa viganë. Forcë (fuqi) vigane. Luftë vigane.
✱Sin.: gjigant, titan, trupmadh, ciklop, katallan, i jashtëzakonshëm, heroik.
VIGANÍZ/ËM,~MI m., mjek. Sëmundja e viganizmit, e cila në gjuhën popullore njihet më shumë si sëmundja e gjigantizmit, çon në zmadhimin e tepërt të duarve, këmbëve, kokës, fryrje t…
Shfaq përkufizimin e plotë →VIGANÓR,~E mb. Që ka të bëjë me viganin, që i përket viganit, që është karakteristik për viganin, i viganit. Veprim viganor. Punë viganore. Vepër viganore. Mendje viganore.
Shfaq përkufizimin e plotë →VIGÁNSH/ËM (i), ~ME (e) mb. Që është i madh dhe i fuqishëm si vigan. Njeri i viganshëm. Me hapa të viganshëm. Me mendje të viganshme.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë