Fjalori
VERIGË

VERÍG/Ë,~A f. sh. ~A, ~AT 1. Secila prej unazave të një zinxhiri; rreth prej metali ku varim diçka, hallkë. Veriga të forta. E vari në verigë.
2. edhe fig. Zinxhir prej unazash, të hekurta, pranga. I lidhnin me veriga. Verigat e robërisë. I këputën verigat e robërisë.
3. Zinxhiri ku varen enët në zjarr, vargor; zinxhir. Verigat e oxhakut. E vari kusinë në verigat e oxhakut.
4. Kunj prej druri ose prej hekuri, që lidh zgjedhën me shtizën e parmendës. Veriga e zgjedhës.
5. Veshi i enës, vjegë; dorezë në trajtë gjysmëharku që mbërthehet në diçka. Veriga e shtambës (e gjymit, e qypit, e kusisë). Veriga e saçit. U këput veriga.
6. Vesh rrushi, rezhdë arre, gështenje, plepi etj.; vile. Verigat e arrës. Këputi një verigë rrush. Hëngra dy veriga.
7. Lak prej dy a tri fijesh peri të fortë në një veshje ose në një perde, ku mbërthejmë kopsën, lidhim një fill tjetër etj.; vrimë në një rrobë ku futim kopsën për ta mbërthyer, ilik; fill i lidhur si lak, që mund të zgjidhet lehtë, vjegëz. Verigat e gunës (e pantallonave). Lidh (zgjidh) verigën.
8. fig. Hallka e diçkaje, e cila shërben si mbështetje për të parë anët e ndryshme të saj, e për të gjetur zgjidhjen e nevojshme. Veriga kryesore e një çështjeje.
✱Sin.: vjegë, vjegëz, filiqe, nyjë, heqës, gath, rezhdë, resë.
♦ I kanë rënë verigat (dikujt) iron. u plak, nuk ka më fuqi; zuri qoshen (dikush); i ka rënë bytha thjeshtligj. vulg. Gjen verigë (për diçka) gjen një shkak, sado të vogël, për t’u kapur në një çështje, për t’u përligjur për diçka ose për ta dredhuar në një punë. Ia gjeti verigën (*vjegën). Rri si *baloja në verigë (dikush) keq.

VERIGE

VERÍGE mb. Kokërrvogël dhe si e kuqe. Mollë verige.
✱Sin.: rrilë, murrilë, mërrucë.

Rezultate të tjera nga lematizimi ose nga ngjashmëria me formën përfaqësuese: VERIG
VERIG

VERÍG,~UI m. sh. ~A, ~AT 1. Mbërtheckë. Mbërtheu verigun.
2. nj. Qen i zi me qafë të larme, sikur të kishte verigë. Ai verigu ngjason me qentë e Sharrit.

VERIG

VERÍG,~UII m. sh. ~Ë, ~ËT Verigë. Iu këput veriku.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë