Fjalori
VERDHE

VÉRDHE mb. Që është me qime të verdha (për dhinë). Dhi verdhe.

VERDHE

VÉRDH/E,~JA f. sh. ~E, ~ET Dhi me qime të verdhë. Qumështi i verdhës.

VERDHË

VÉRDHËI (i, e) mb. 1. Që ka ngjyrën e kashtës, të limonit të pjekur, të squfurit a të arit etj. Bojë e verdhë. Shami e verdhë. Fustan i verdhë. Flokë të verdhë. Lule të verdha. Trëndafil i verdhë. Pe i verdhë. Qelibar i verdhë. Armë të verdha armë të lara me flori.
2. Që e ka fytyrën të zbehtë; i zbehtë (për fytyrën ose për pjesë të tjera të trupit të njeriut). I verdhë si ftua (si limon). I verdhë në fytyrë. Dyllë i verdhë shumë i zbehtë.
3. bised. Që e ka ngjyrën e lëkurës si të verdhë a të zbehtë të errët (si tipar i jashtëm i një race të njerëzve), mongoloid. Raca e verdhë.
4. fig. Që ka përmbajtje policore, që përshkruan ngjarje plot krime e vepra të shëmtuara. Roman (tregim) i verdhë. Dramë e verdhë. Letërsia e verdhë. Libër i verdhë.
5. Përdoret si pjesë e dytë në emërtimet e pathjeshta për disa bimë, kandrra etj. që kanë tërësisht a pjesërisht këtë ngjyrë. Duhan i verdhë. Manushaqe e verdhë. Misër i verdhë. Trëndafil i verdhë. Zambak i verdhë. Çimka e verdhë. Flutura e verdhë (e jonxhës). Merimanga e verdhë. Miza e verdhë.
✱Sin.: i lëverdhë, ngjyrëkashtë, ngjyrartë, ngjyrëlimon, bojëkashtë, bojëlimon, bojëportokall, verdhës, verdhac, verdhacak, i verdhemë, i verdhur.

VERDHË

VÉRDHËII (i, e) mb. 1. Që ka ngjyrë bojëbari, i blertë, i gjelbër. Bar i verdhë. Lugjet e verdha (kr. pop.).
2. I kaltër. Triko e verdhë.

VERDHË

VÉRDH/Ë,~A f. sh. ~A, ~AT vjet. Kobure me tytë të gjatë, që vishej me teneqe të verdhë në trup dhe në dorezë (e përdorur nga shek. XVII deri në shek. XIX). Verdhën e mbante ngjeshur në brez. Verdha i shkëlqente ngjeshur në thep të këllkut.

VERDHË

VÉRDH/Ë,~A (e) f. sh. ~A, ~AT (të) 1. Ngjyra e verdhë, boja e verdhë; ngjyrë midis portokallisë dhe së blertës në spektrin e dukshëm. Përdori të verdhën.
2. Pjesa e mesme e vezës, që ka ngjyrë të verdhë. E verdha e vezës. Vezë me dy të verdha. Ha vetëm të verdhën. Rrahu të verdhën e vezës.
✱Sin.: verdhësirë, të verdhët, e mollët, boçë, të kuq, e kuqe.
♦ Ta jep *vezën pa të verdhë (pa të kuqe) (dikush). E skuq të verdhën e vezës dy herë (dikush) keq. është dorështrënguar, rron duke kursyer shumë; ia nxjerr deri në fund vlerën diçkaje, e kullon; e lidh macen kur ha bukë; bën hesap sa ha macja në vit. *Vezë me dy të verdha (të kuqe). *Vezë pa të verdhë keq.

VERDHË

VÉRDHË,~T (të) as., mjek. 1. Verdhëza. Vdiq nga të verdhët.
2. Të fikët; gjendje kur bëhemi të verdhë nga një vakje në trup etj. I ra të verdhët. I ra të verdhë.

Rezultate të tjera nga lematizimi ose nga ngjashmëria me formën përfaqësuese: VERDH
VERDH

VERDH vep., ~A, ~UR kal. 1. E bëj të verdhë, i jap ngjyrë të verdhë; e zverdh; e zbeh. E verdhi miellin në tigan.
2. vet. v. III E zverdh. E verdhi sëmundja. Hepatiti ia verdhi lëkurën. Vapa i verdhi gjethet (bimët).

Rezultate të ngjashme

VERDHEJË

VERDHÉJ/Ë,~A m. sh. ~A, ~AT zool. (lat. Oriolus oriolus.) Beng; verdhash.

Shfaq përkufizimin e plotë →
VERDHEM

►VÉRDH/EM jovep., ~A (u), ~ÚR vetv. 1. vet. v. III Bëhet i verdhë, merr një ngjyrë të verdhë a si të verdhë, zverdhet, verdhohet (për bimët dhe gjethet kur thahen ose kur vjen vjes…

Shfaq përkufizimin e plotë →
VERDHEMË

VERDHÉM/Ë (i), ~E (e) mb. Që vjen si në të verdhë, që ka ngjyrë si të verdhë e pa shkëlqim. Kalli i verdhemë. Dhe (gur) i verdhemë. Lopë e verdheme. Me fytyrë të verdheme.✱Sin.: i …

Shfaq përkufizimin e plotë →
VERDHEMËT

VERDHÉMËT (i, e) mb. I verdhemë.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë