Fjalë që fillojnë me...
Fjalë me të njëjtat parashtesa ose tema fjalëformuese.
►VÉL/EM jovep., ~A (u), ~ÚR vetv. 1. Nuk më hahet më një gjellë a një ëmbëlsirë etj., sepse është shumë e yndyrshme a shumë e ëmbël ose ngaqë kam ngrënë tepër; ngopem tej mase me diçka. U vel me bakllava (me pasta). U velën me mish.
2. fig. Nuk ndihem më a nuk trazohem më në diçka, ngaqë më janë plotësuar të gjitha kërkesat e nevojat; kënaqem jashtë mase, stërngopem me diçka. Është velur me filma. Është velur nga të mirat.
3. fig., vet. v. III (me një trajtë të shkurtër të përemrit vetor në r. dhanore). Më është mërzitur tepër a më është neveritur dikush a diçka. Iu vel ai njeri, s'e duron dot më.
✱Sin.: velesitem, ngihem, nginjem, ndërlakem, dendem, fryhem, llahem, buhitem.
VEL,~I m. sh. ~A, ~AT 1. Pëlhurë e tejdukshme e endur me fije të holla. Vel i bardhë (i zi). Vel i hollë (i dendur).
2. etnogr. Shami e madhe prej pëlhure të hollë e të tejdukshme, me të cilën nuset ose gratë mbulonin fytyrën kur martoheshin; vello. Mbuloheshin me vel. Veli i nusërisë. Vel i bardhë.
3. Copë pëlhure e trashë dhe e fortë që lidhet në direk, e cila me anë të erës vë në lëvizje një mjet lundrimi, barkë ose anije; pëlhura e anijes. Anije me vela. Ngriti (uli) velat. Lundronte me vela.
4. fig. Diçka si perde e hollë, që pengon a që dobëson shikimin, tis. Vel avulli (mjegulle). Një vel i hollë mjegulle mbuloi fushën.
5. fig. Diçka që nuk na lë t'i shohim gjërat qartë, ashtu siç janë e t'i kuptojmë mirë; diçka që shërben si mjet për t'u maskuar a për të fshehur një gjë të papëlqyer. Ia ka mbështjellë (mbuluar) sytë veli.
✱Sin.: cipull, napë, duvak, pëlhurë, maskë.
♦ Ka hipur në *barkë pa vela (dikush).
VEL vep., ~A, ~UR kal. 1. I jap dikujt një gjellë me shumë yndyrë ose ndonjë ëmbëlsirë me shumë sheqer a pemë shumë të ëmbla derisa të velet e të mos ketë më dëshirë të hajë nga ato; e ngop tej mase, sa s'mund të hajë më shumë. E vela me mjaltë. Më veli bakllavaja. Më veli mishi i majmë.
2. fig. E ngop tej mase dikë me diçka, duke ia plotësuar të gjitha kërkesat e nevojat, e bëj të mos ndihet më për diçka, e kënaq jashtë mase. E velën me dhurata. E veli me të mira (me peshqeshe, me para).
3. fig. keq. E mërzit a e bezdis tepër dikë; i ngjall neveri, bëhem i neveritshëm për (dikë). Më veli dikush m’u mërzit, s'e duroj dot. Na veli me fjalë.
✱Sin.: buhis, velesis, dend, stërngop, tejngop.
VÉLE,~T f. vet. sh. Verzë. Velet e peshkut.
Shfaq përkufizimin e plotë →VÉL/E,~JA f. sh. ~E, ~ET Pafta hekuri, me të cilat mbërthehen kanatat e derës pas kornizës, menteshë, çivi, çerçive.✱Sin.: menteshë, çivi, çerçive, çift, thith.
Shfaq përkufizimin e plotë →VELECÚK,~U m. sh. ~Ë, ~ËT Vesh rrushi.✱Sin.: vile, bistak.
Shfaq përkufizimin e plotë →VELENÍS vep., ~A, ~UR kal. Shkoj, rrah në dërstilë velenxat, shajakun, zhgunat etj., për t’i ngjeshur e për t’i bërë të butë, dërstiloj. Velenis shajakun. I velenis mirë zhgunat.✱S…
Shfaq përkufizimin e plotë →VELÉNX/Ë,~A f. sh. ~A, ~AT Mbulesë e gjerë prej leshi, e endur jo shumë dendur e zakonisht pa thekë; çull. Velenxë e leshtë (e dhirtë). Velenxë e trashë (e hollë). Shtroj velenxën.…
Shfaq përkufizimin e plotë →VELÉS,~I m., mit. Perëndi e tokës, ujit dhe botës së nëndheshme, sipas një besimi fetar.
Shfaq përkufizimin e plotë →VELÉT,~E mb., bised. Që është i shkathët, i zgjuar e dinak; që sillet a vepron me dredhi; që s'ia ha qeni shkopin, torlar. Burrë (djalë) velet. Nuse velete. Është velet. Bën gjoja …
Shfaq përkufizimin e plotë →VELÉT,~I m. sh. ~Ë, ~ËT bised. Ai që është i shkathët, i zgjuar e dinak; që sillet a vepron me dredhi; që s'ia ha qeni shkopin, torlar. Ai veleti të jep ujë në shpinë të lugës. Nuk…
Shfaq përkufizimin e plotë →VELÉT/E, ~JA f. sh. ~E, ~ET bised. Ajo që është e shkathët, e zgjuar e dinake; që sillet a vepron me dredhi; që s'ia ha qeni shkopin, torlare, dhelparake. Ajo veletja të sjell në m…
Shfaq përkufizimin e plotë →VELETÍ,~A f. bised. Shkathtësi, zgjuarsi; dinakëri, dhelpëri, kopili. Veproi me veleti.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë