Fjalë që fillojnë me...
Fjalë me të njëjtat parashtesa ose tema fjalëformuese.
VAR vep., ~A, ~UR 1. kal. Kap diçka te pjesa e sipërme në një gozhdë, në një çengel, në një tel etj., e ngec a e lidh diku në mënyrë të tillë që të rrijë pezull. Var llambën. Var xhaketën (pallton). Var pikturën (tablonë, portretin). Var në gozhdë (në çengel). Var kusinë në vargua. Vari pushkën në mur.
2. kal. Ngjit diçka në mur, e vë në mur a në një vend tjetër të dukshëm për ta parë të tjerët. Var listën (shpalljen). Var një banderolë. Varëm një stendë në korridorin kryesor të shkollës.
3. kal. I vë dikujt litarin si lak në grykë, e lidh a e tërheq sipër dhe e mbyt, ia lidh litarin në qafë dhe e shtrëngoj që të vdesë. E varën në litar. E varën fashistët.
4. kal. Ul poshtë, përkul diçka; e zbres tatëpjetë, e çoj poshtë. Vari kokën. Vari krahët (këmbët). I vari dhitë malit.
5. fig. bised., kal. (me trajtë të shkurtër përemërore) Tregoj pak kujdes ose vëmendje për dikë a për diçka, nuk i kushtoj vëmendjen e duhur, e lë pas dore; e lë mënjanë, e braktis tërësisht. Ia vari punës (detyrës). Ai ua varte mësimeve. Ia vari të sëmurit. Ua vari pleqve.
6. fig., kal. (me pjesëzat mohuese nuk, s’, mos). Nuk e vlerësoj e nuk e nderoj dikë, nuk ia dëgjoj fjalën, e shpërfill dikë a diçka, as që pyes fare për të. Ai nuk ua varte veshin këshillave të tyre.
7. fig., kal. Mbështet një shpresë, fatin etj. te dikush a te diçka. I varëm shpresat tek ai. Të gjitha shpresat i kanë varur tek ata.
8. fig. bised., kal. I ngarkoj dikujt një punë a një detyrë, ia bëj barrë dikujt. Ia varën atë këmborë. Ma varën mua atë punë. Ma varën mua atë detyre.
✱Sin.: lëvar, kacavar, ndej, përvar, vjerr, nder, lëshoj, ul, vjegoj, ndërvar.
♦ E var në *akull (dikë) mospërf. E vari në *grremç (diçka). Nuk ia var *hejbetë (dikujt) mospërf. I vari (i lëshoi) *hundët (një pëllëmbë) (dikush). S’ia var *kapistallin (dikujt) keq. I varën *këmborën (dikujt) mospërf. Nuk ia var *këmborën (dikujt) mospërf. Vari *kokën (kryet) (dikush). Vari kryet (*kokën) (dikush). I varën (i vunë) *legenin (dikujt) mospërf. Ia vari *lëkurën (dikujt). Do varur për *llape (dikush) përb. Ia vari (ia la) në *qafë (për qafe) (dikujt). I var *shpresat (te dikush a te diçka). I varën (i vunë) *teneqenë (dikujt) mospërf. Nuk ia var *torbën (trastën) (dikujt) mospërf. I vari (i uli) *veshët (dikush). Nuk ia var *veshin (dikujt a diçkaje). I varën *zilen(dikujt) mospërf.
VARIÁNT,~I m. sh. ~E, ~ET libr. 1. Lloj tjetër i diçkaje, formë a trajtë e re e diçkaje, që ndryshon pak nga të tjerat ose që është e ngjashme me to; motërzim. Variant dialektor i …
Shfaq përkufizimin e plotë →VARÍC/E,~JA f. sh. ~E, ~ET mjek. Venë, kryesisht e këmbëve, e ënjtur, e shtrembëruar ose e zgjatur dhe e zgjeruar në mënyrë të çrregullt për arsye të qarkullimit të keq të gjakut. …
Shfaq përkufizimin e plotë →VARIDÁT,~I m. nj., fin. 1. Të ardhurat nga vjelja e taksave; të ardhura të shtetit.2. fig. Aftësi, zotësi; mundës për të bërë diçka. Ai nuk ka varidat për atë punë.
Shfaq përkufizimin e plotë →VARIETÉ mb. Që ka të bëjë me varietenë, që i përket varietesë, i varietesë, që bëhet me variete. Shfaqje variete. Program variete. Koncert variete.
Shfaq përkufizimin e plotë →VARIETÉ,~JA f. sh. ~, ~TË Shfaqje artistike me këngë, valle, skeçe, numra akrobatikë etj.; shfaqje që ka një program të pasur me numra të ndryshëm argëtues. Variete muzikore. Progr…
Shfaq përkufizimin e plotë →VARIK/ÚA,~ÓI m. sh. ~ÓNJ, ~NJTË Vend me ujë, tokë me vlagë, tokë pjellore. Atje poshtë te kroi i madh, tek ata varikonjtë ka qenë një stan dikur. Këtu pranë fshatit, ka disa variko…
Shfaq përkufizimin e plotë →VARÍS vep., ~A, ~UR kal. I dal përkrah dikujt, e ndihmoj dikë, i gjendem pranë; i bëhem krah. E varisën shokët. Nuk e varisi askush.
Shfaq përkufizimin e plotë →►VARÍS/EM jovep., ~A (u), ~UR vetv 1. Më bëhet krah, përkrahem, ndihmohem nga dikush, më gjendet pranë. U varis nga shokë. Shokët e tij u varisën gjatë periudhës së vështirë. Askus…
Shfaq përkufizimin e plotë →VARÍSJ/E,~A f. sh. ~E, ~ET Veprimi kur varis a varisem. Varisja e shokut. E ka një varisje të fortë.
Shfaq përkufizimin e plotë →VARÍSUR (i, e) mb. Që është varisur, i ndihmuar. Njeri i varisur. Familje e varisur.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë