Fjalë që fillojnë me...
Fjalë me të njëjtat parashtesa ose tema fjalëformuese.
VALERIÁN/Ë,~A f., bot. (lat. Valerina) 1. Bimë barishtore shumëvjeçare me kërcell të drejtë, me gjethe të zgjatura e të dhëmbëzuara, me lule të bardha ose të trëndafilta në trajtë tufe, që rritet në livadhe, në pyje etj. dhe që ka një rizomë të shkurtër me rrënjë të holla e të degëzuara, e cila përdoret në mjekësi. Rrënjët e valerianës.
2. Pjesa e parë e emërtimeve të pathjeshta që shënojnë lloje të ndryshme të kësaj bime. Valeriana amerikane (lat. Valeriana sitchensis) lloj valeriane që rritet kryesisht në Amerikën e Veriut, sidomos në rajonet malore dhe bregdetare të Paqësorit, me kërcell të hollë, por të fortë dhe të drejtë, me gjethe në formë eliptike, me lule të vogla të bardha ose rozë të lehta, të cilat mblidhen në tufëza dhe zakonisht lulëzojnë në verë, ka një rizomë të ngjashme me lloje të tjera të valerianës, e cila përdoret në mjekësi. Valeriana e kënetave (Valeriana exaltata) lloj valeriane që rritet në zona të lagështa, si kënetat, livadhet e lagështa dhe buzë lumenjve, me kërcell të drejtë, të zbrazur nga brenda, me gjethe me segmente të ngushta dhe të dhëmbëzuara, me lule të vogla, me ngjyrë të bardhë ose rozë të mbledhura në tufa, ka një rizomë me rrënjë të gjata dhe të degëzuara, e cila përdoret në mjekësi. Valeriana zhardhokore (lat. Valeriana tuberosa) lloj valeriane që rritet kryesisht në rajonet mesdhetare dhe të Evropës Jugore, në zona me klimë të freskët dhe të lagësht, me kërcell të hollë dhe të drejtë, me gjethe të ndara ose të plota, zakonisht të vendosura në bazën e kërcellit, me lule të bardhë ose rozë të lehtë të grumbulluara në tufë, me rizomë zhardhokore dhe aromatike, prej nga e ka marrë edhe emrin, e cila përdoret si bimë mjekësore.
3. farm. Medikament, bar qetësues që përgatitet nga rrënjët e nga rizoma e kësaj bime dhe që përdoret për mjekimin e formave të lehta të shqetësimeve, për mjekimin e pagjumësisë, si dhe kundër sëmundjeve të zemrës, kundër etheve etj. Piu valerianë.
VALERIANÍK,~E mb. Që ka të bëjë me valerianën, që i përket valerianës, që merret nga valeriana, i valerianës. Rrënjë valerianike. Bimë valerianike. Përgatitje valerianike një produ…
Shfaq përkufizimin e plotë →VALERIANÓR,~E mb. Valerianik.
Shfaq përkufizimin e plotë →VALERIANÓRE,~T f. vet. sh., bot. (lat. Valerianaceae) Familje e valerianave.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë