Fjalori
VADË

VÁD/Ë,~A f. sh. ~A, ~AT 1. Tërësia e vijave që bëhen në një arë a në një kopsht dhe e lugjeve që vendosen për të ujitur; vijë për ujitje; sasia e ujit që duhet për të ujitur një arë a një kopsht. Vadë e gjerë (e ngushtë). Tokë nën vadë tokë që mund të ujitet, tokë nën ujë. Tokë mbi vadë tokë që nuk mund të ujitet. Erdhi vada. Lëshoi vadën. Po pret vadën. Ka radhën e vadës. Një vadë ujë. Shteroi vada. Ia qiti vadat (vijat) arës. E shtriu vadën me tubacione. E bëri vadën gati me lugje. Kemi shpëtuar qysh kur na erdhi vada.
2. Ujitje, vaditje. Po merrej me vadën e arës.
3. Rendi i ujitjes; radha e marrjes së ujit për ujitje. Koha (dita) e vadës. Sot ka vadën. Po pret vadën.
✱Sin.: vijë, kanal, rrëkajë, çurg, rrëke, jaz, she.

VADË

VÁDË ndajf. Rrëkajë, çurg. Vjen uji vadë. Bie shiu vadë. I rridhnin djersët vadë. I shkonte gjaku vadë.

VADE

VÁD/E,~JA f., vjet. 1. Afat, kohë, që është caktuar për fillimin a mbarimin e një pune, cak, datë e caktuar. Kur t’i vijë vadja. E ndanë (caktuan) vaden e dasmës. E shtynë vaden. Vadja nuk shkelet. Udha vade s’ka. (fj. u.). I ka shkuar vadja pagesës. E ka shkelur vaden.
2. vjet., etnogr. Koha gjatë së cilës një nuse e re lejohet të kthehet te prindërit; leja për këtë qëndrim. Tri javë mbas martese, nusja e ka vaden të kthehet për disa ditë në gjini (në familjen e prindërve të saj). Sa ia la vaden? Ia ndau vaden. Vadja nuk mund të jetë më shumë se trembëdhjetë net.

Rezultate të ngjashme

VADËTAR

VADËTÁR,~I m. sh. ~Ë, ~ËT Ai që ujit një tokë të mbjellë, një fushë apo arë gjatë stinës së verës; punëtor për ujitjen a për rregullimin e rendit të ujit; ai që e ka radhën a rendi…

Shfaq përkufizimin e plotë →
VADËTARE

VADËTÁR/E,~JA f. sh. ~E, ~ET Ajo që ujit një tokë të mbjellë, një fushë apo arë gjatë stinës së verës; punëtore për ujitjen a për rregullimin e rendit të ujit; ajo që e ka radhën a…

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë