Fjalori
USHTRUAR

USHTRÚAR (i, e) mb. Që është ushtruar, që është praktikuar a përdorur mbi dikë a diçka; i stërvitur. Kontrollet e ushtruara nga policia. Profesione të ushtruara pa leje. Presioni i ushtruar.
✱Sin.: i mësuar, i stërvitur, i praktikuar, i përdorur.

USHTRUAR

USHTRÚAR,~IT (të) as. Të praktikuarit, ushtrimi i vazhdueshëm. Të ushtruarit e dorës (e veshit).

Rezultate të tjera nga lematizimi ose nga ngjashmëria me formën përfaqësuese: USHTROJ
USHTROJ

USHTR/ÓJ vep., ~ÓVA, ~ÚAR kal. 1. I bëj ushtrime të vazhdueshme për ta bërë të aftë e të shkathët për diçka; e vë në punë për të fituar shprehitë e nevojshme; stërvit. Ushtroj trupin. Ushtroj krahët (këmbët). I ushtron veshin për muzikë. Ushtron kujtesën.
2. Merrem rregullisht me një veprimtari a me një punë të caktuar; bëj vazhdimisht. Ushtroj sportin. Ushtron gjuetinë. Ushtroj notin. Ushtron një mjeshtëri (profesion).
3. Bëj një veprim të caktuar mbi dikë a mbi diçka; vë në veprim një mjet ose një mundësi që kam në dorë; përdor. Ushtron ndikim ndikon. Ushtron shtypje (trysni). Ushtron forcën (fuqinë). Ushtron kontroll. Ushtron pushtetin. Ushtron të drejtën e zgjedhjes. Ushtron vullnetin e vet. Ushtroi gjithë ndikimin e vet.
✱Sin.: stërvis, praktikoj, mësoj, kalis, forcoj, përdor, punoj.

Rezultate të ngjashme

USHTRUES

USHTRÚES,~I m. sh. ~, ~IT 1. Ai që ushtron një mjeshtëri a një lloj sporti. Ushtrues i sportit (i gjimnastikës, i notit). Ushtruesit e këtij profesioni. 2. Ai që bën ushtrime për t…

Shfaq përkufizimin e plotë →
USHTRUESE

USHTRÚES/E,~JA f. sh. ~E, ~ET 1. Ajo që ushtron një mjeshtëri a një lloj sporti. Ushtrueset e tenisit.2. Ajo që bën ushtrime për të fituar shkathtësi trupore. Ushtruesja më e vogël…

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë