Fjalë që fillojnë me...
Fjalë me të njëjtat parashtesa ose tema fjalëformuese.
TÚL,~I m. sh. ~E, ~ET 1. Pjesë e mishtë e trupit të njeriut a të kafshës, pjesa e butë dhe e mbushur e mishit; mish pa kockë. Tuli i këmbës pulpa. Tul mishi i grirë. Buzë me tul. Është gjithë tule është i shëndoshë. I varen tulet i varen mishrat. T’u bëftë tul (gjak) e dhjamë! (ur.) i thuhet dikujt që falënderon pasi ka mbaruar ushqimin që i ke shtruar. Gjuha është prej tuli e kthehet nga të duash. (fj. u.).
2. Pjesa e butë e bukës brenda kores, copë buke pa kore. Tul buke. Ishte rritur me tul simiteje ishte rritur me të gjitha të mirat.
3. Pjesa e butë dhe e lëngshme e pemëve ose e perimeve nën lëkurë, pjesa e mishtë pa bërthamat dhe pa lëkurën; mish i pemëve (i frutave). Lëkura dhe tuli. Tuli dhe bërthama. Tul i butë. Tuli i mollës (i dardhës, i pjeshkës, i kumbullës). Tuli i domates. Tuli i shalqirit. Pemë me tul. Speca me tul bufka.
4. Pjesa e mishtë e gjethes, e kërcellit, e drurit etj. nën cipën a nën lëvozhgën. Tuli i drurit. Tuli i gjethes.
5. euf., vet. sh. Të ndenjura, prapanicë, mollaqe. I rëndonin tulet. I bëri gjilpërë në tule.
6. si mb. Që është i tultë, që nuk ka kocka. Mish tul. Është tul.
7. si mb. Që është i butë; pjellor (për tokën). Dhe tul. Tokë tul.
8. fig., keq. Që është i qullët, i ngathët, që s'të kryen punë; që s’ia pret, i trashë, copë mishi me dy sy. Ishte tul fare.
✱Sin.: tulicë, pulpë, mish, të ndenjura, mollaqe, prapanicë, i tultë, i butë, trashaman, i qullët, qullash, i ngathët.
♦ E bëri tul (dikë) tall. shih ia bëri kurrizin më të butë se barkun (dikujt). I ranë tulet (dikujt) shaka. u dobësua nga shëndeti, u hollua në trup nga puna e lodhshme. I shtiu veshët në tul (dikush) bën sikur nuk e dëgjon dikë; i shtiu veshët në lesh; e bëri veshin (një vesh) të shurdhër. Tul me dy sy përçm. shih copë mishi me dy sy përçm. Tul e dhjamë shumë i shëndoshë; për ta ndarë (për ta çarë) më katërsh; top me dhjamë.
TULÁK,~E mb. 1. Që është i tultë, i shëndoshë, topçe, topolak. Fëmijë tulak.2. fig. Që është i plogët, i ngathët, qullac, qullash.3. si em. m. e f. Sipas kuptimit 1 të mbiemrit. Tu…
Shfaq përkufizimin e plotë →TULÁN,~E mb. Tulak.
Shfaq përkufizimin e plotë →TULÁT vep., ~A, ~UR kal. 1. Bëj dikë të mblidhet kruspull; e fsheh, e struk diku. Tulati djalin pas vetes.2. E qetësoj, e pushoj; sheshoj, ul. Tulati çupën, ngaqë po qante. Tulati …
Shfaq përkufizimin e plotë →TULÁV vep., ~A, ~UR iron., kal. Vë tul; shëndosh, majm, dhjam, dhjamos. I ka tulavur rehati.
Shfaq përkufizimin e plotë →TÚLEZ,~A f. sh. ~A, ~AT arb. 1. Thërrime buke. Kush ha bukë, bën edhe tuleza. (fj. u.).2. Imtë, një copë herë, një sekondë, pak. Prit një tulez (herë).3. fig. Sasi shumë e vogël, n…
Shfaq përkufizimin e plotë →TULLÇ,~I m. sh. ~A, ~AT Kurth, vegël për të zënë shtazë të egra; çark, grackë, lak. Kishte rënë lepuri në tullç. Ra miu në tullç.
Shfaq përkufizimin e plotë →TÚLL/Ë,~A f. sh. ~A, ~AT 1. Copë deltine zakonisht katërkëndëshe, që ngjishet e piqet në furrë të posaçme dhe që përdoret për ndërtimin e mureve. Tullë me veshë (me vrima). Tulla s…
Shfaq përkufizimin e plotë →TÚLM/Ë (i), ~E (e) mb. Me tul, plot tul, i tultë. Kofshë (llërë) të tulme.
Shfaq përkufizimin e plotë →TULÓR,~E mb. Që është i tultë, që ka tul nën lëkurë (për pemët, perimet etj.). Bisht tulor. Rrënjë tulore. Gjethe tulore. Perime tulore. Pjeshkë (kumbull) tulore. Pjesa tulore dhe …
Shfaq përkufizimin e plotë →TULÇ,~E mb. Që ka shumë tul. Frutë tulçe.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë