Fjalë që fillojnë me...
Fjalë me të njëjtat parashtesa ose tema fjalëformuese.
TRUP,~I m. sh. ~A, ~AT 1. fiz. Çdo qenie, send, lëndë a pjesë e saj, me tipare e me veti të ndryshme dhe në trajta të ndryshme, që zë një vend të caktuar në hapësirë; send lëndor. Trup i ngurtë (i lëngët, i gaztë). Trup i huaj (mjek.) diçka që ka hyrë në organizëm nga mjedisi i jashtëm dhe ka zënë vend në indet, në organet ose në zgavrat e trupit; (fig.) mish i huaj. Trup i përbërë (kim.) trup i formuar nga disa elemente më të thjeshta. Trup i thjeshtë (kim.) element kimik i thjeshtë. Trup i lehtë (i rëndë). Trupat qiellorë planetët, yjet. Trupat organikë (joorganikë). Trup elastik (plastik). Trup i metaltë. Trup i huaj diçka e jashtme që na hyn në sy, në vesh a në organizëm. Trup i lirë trup që lëviz në hapësirë kur nuk vepron asnjë forcë mbi të. Lëvizja e trupave. Pesha e trupave. Vetitë e trupave.
2. Organizmi i njeriut a i kafshës, i vështruar kryesisht nga përbërja dhe si një e tërë; çdo qenie e gjallë; shtat; pjesa kryesore e këtij organizmi, trung. Me trup të gjatë (të shkurtër, të hollë, të trashë). Me trup të dobët (të shëndoshë, të lidhur, të bukur, të hedhur, të hajthëm). Me trup të njomë. Me trup të prerë me trup të bukur. Gjymtyrët (pjesët, organet) e trupit. Pesha e trupit. Temperatura e trupit. Anatomia e trupit të njeriut. Lartësia (gjatësia) e trupit. Deri në mes të trupit. Luftim (përleshje) trup me trup (usht.) I paktë nga trupi. Trupi dhe shpirti i njeriut. Mendja e shëndoshë në trup të shëndoshë. (fj. u.) (libr.). Ushtrime me trup të lirë (sport.). Drejtoj trupin. Fërkonte trupin. Kalit trupin. Laj trupin. Lëshon (merr) trup hedh shtat, rritet. U tret nga trupi. Zgjati trupin. Më rëndon trupi. Shpiu trupin. Më shkojnë mornica nëpër trup kam ftohtë. I dridhet trupi. Ia përshkoi tërë trupin. Më vijnë për trup më rrinë pas trupit, më bien mirë (për rrobat), më rrinë hijshëm (mirë). Trupi (shtati) pyll, mendja fyell i madh nga trupi, por pa mend në kokë. Trupi shëndoshet me të punuar, mendja ndriçohet me të mësuar. (fj. u.). Trupi i drejtë nuk lëshon hije të shtrembët. (fj. u.).
3. Trung druri ose një pjesë e tij. Trup i prerë. Trupa pishe (lisi, ahu). Trupa sharre. Ngarkon (shkarkon) trupat. Prenë ca trupa.
4. Pjesa kryesore e një sendi; pjesa kryesore e një pajisjeje, në të cilën kapen a mbërthehen pjesë të tjera më të vogla; skeleti i diçkaje, ajo që përbën bazën e diçkaje. Trupi i vidhës. Trupi i plugut. Trupi i aeroplanit (i anijes). Anije e mbytur me trup e mall. Trupi i motorit (i tornos). Trupi i kitarës. Zanore (bashkëtingëllore) në trup të fjalës (gjuh.).
5. gjeom. Pjesë e hapësirës që kufizohet nga të gjitha anët me faqe të rrafshëta ose të përkulura. Trup gjeometrik. Trup konik (piramidal). Vëllimi i trupit.
6. përmb. Grup njerëzish, që kanë punë të njëjtë a detyrë të përbashkët dhe që përbëjnë një kolektiv, një administratë, një institucion etj. Trupi diplomatik (dipl.) përfaqësuesit e shteteve të huaja të akredituar në një shtet. Trupi gjykues (drejt.) kryetari i gjyqit së bashku me anëtarët. Trupi mësimor (pedagogjik) tërësia e arsimtarëve të një shkolle, të një fakulteti etj. Trupi mjekësor mjekët.
7. Kërcu. U ul në një trup dhe nisi të flasë.
8. fig. Fanellë leshi (pambuku) që që vishet në mish; gjokshar. Mbante trup leshi edhe në mes të korrikut.
✱Sin.: qenie, send, lëndë, organizëm, shtat, kurm, trupth, bojë, japi, trupak, trupës, trung, cung, kërcu, skelet, shtatfanellë, gjokshar.
♦ Dola nga *rrobat e trupit. M’u drodh *këmisha (në trup, në shtat). Hahet me *rrobat e trupit (dikush) keq. Më ha trupi (për punë) nuk rri dot ndenjur, dua të gjej diçka për të punuar, jam mësuar me punë e s’më rrihet në një vend; më hanë duart. Janë dy trupa e një shpirt duhen shumë njëri me tjetrin, nuk ndahen kurrë nga njëri-tjetri; janë dy kufoma e një shpirt. Lëshon trup (dikush) rritet, zgjatet mjaft; hedh (lëshon) shtat. S’mban (gjë) në trup (dikush) është i hapur, është i çiltër, nuk mban të fshehta, është i sinqertë. E mban mbi trup (diçka) i bie përsipër një barrë e rëndë, rëndon diçka mbi të; e ka e ngarkesë të tepërt, që i sjell vështirësi a pengesa; e mban mbi supe; e ka mbi shpatulla. M’u ngjeth (m’u rrëqeth) trupi (shtati) u shqetësova shumë, u trondita; m’u ngjeth (m’u drodh) mishi. M’u ngjit *këmisha pas trupit (në trup). S’i ngjitej *leckë në trup (dikujt). Trupi *boçkë e mendja lomçkë mospërf. Trup i huaj dikush a diçka që nuk pajtohet me mjedisin ku është dhe që pengon punën ose zhvillimin e përgjithshëm; mish i huaj. Trupi (shtati) pyll e mendja fyell shumë i zhvilluar nga trupi, por i lehtë nga mendja; i rritur, por i papjekur; ka marrë sokakun (dikush). Me trup e me zemër i tëri, plotësisht; me të gjitha energjitë, pa u kursyer; me gjithë shpirt (zemër).
TRUP ndajf. 1. Drejt, përmes, mes për mes; në rrugën më të shkurtër, shkurt. I ra pyllit trup. T’i biem fushës trup. I ra trup e trup detit i ra detit anembanë.
2. fig. Copë, prerazi; drejt, hapur, troç; shkurt. Trup po ta them. Ia tha shkurt e trup. Bjeri më trup!
3. Si një gjë e vetme, lidhur e bashkuar fort; të gjithë së bashku. U ngritën trup në këmbë. U çuan trup të gjithë.
4. Si kërcu, pa lëvizur fare. Ra trup në shtrat. Fjeti trup (sallate) bëri gjumin e artiljerit, e bëri gjumin top, nuk ndieu asgjë gjatë gjumit.
5. Shumë trashë, për ta prerë me thikë (për kosin). Kosi qenka zënë trup sot.
✱Sin.: drejt, përmes, shkurt, copë, prerazi, hapur, troç.
TRUPÁK,~U m. sh. ~Ë, ~ËT 1. Kërcu i prerë për të bërë zjarr; trup i vogël. E bëri lisin trupakë. Vuri një trupak në zjarr.2. Trup5. Ngarkuar me trupakë pishe (ahu).3. Burrë trupmad…
Shfaq përkufizimin e plotë →TRUPC,~I m. sh. ~A, ~AT Dru i shkurtër, i rrumbullakët që shërben për t’u ulur; cumër, cumrak.
Shfaq përkufizimin e plotë →TRÚP/E,~JA f. sh. ~E, ~ET Vijë uji në oborr; vijë kulluese në arë. Shiu mbushi trupet e arës.
Shfaq përkufizimin e plotë →TRUPÍL ndajf. Grumbull, së bashku. U mblodhën trupil. Shkuan trupil.
Shfaq përkufizimin e plotë →TRUPÍM,~I m. 1. Prerje e degëve dhe e rrënjëve të një druri duke i lënë vetëm trupin, trobzim; ndarje e trungut të drurit në kërcunj; cungim, trupëzim. Trupim i bredhave. Trupimi i…
Shfaq përkufizimin e plotë →TRÚPK/Ë,~A f. sh. ~A, ~AT 1. Trung mbi të cilën priten dru.2. Cung, kërcu, kërçep.
Shfaq përkufizimin e plotë →TRUP/ÓJ vep., ~ÓVA, ~ÚAR kal. 1. Pres degët dhe rrënjët e një druri, duke i lënë vetëm trupin; sharroj trungun e drurit në kërcunj me të vegjël, e bëj trupa; trobzoj. Trupoi pishën…
Shfaq përkufizimin e plotë →TRUPÓR,~E mb. Që ka të bëjë me trupin e njeriut a të kafshës, që ka lidhje me trupin; që i përket trupit a shtatit, i trupit. Bukuri trupore. Forcë trupore. Dobësi trupore. Dhembje…
Shfaq përkufizimin e plotë →TRUPTH,~I m. sh. ~A, ~AT kim., biol. Grimcë, thërrmijë; qelizë shtazore.
Shfaq përkufizimin e plotë →TRÚP/Ë,~A f. sh. ~A, ~AT 1. usht. Grup ushtarakësh, që bëjnë pjesë në një njësi shërbimi. Trupa parashutiste (tankiste, xheniere). Trupa të blinduara. Trupa të mekanizuara. Trupë k…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë