Fjalë që fillojnë me...
Fjalë me të njëjtat parashtesa ose tema fjalëformuese.
TRE/G,~GUI m. sh. ~GJE, ~GJET 1. Shesh i hapur a ndërtesë e posaçme, ku shiten e blihen sende ushqimore, kafshë a mallra; vend i posaçëm ku tregtohet mall; pazar. Tregu i gjësë së gjallë (i kafshëve). Tregu i drithit. Tregu i frutave dhe i perimeve. Tregu ushqimor. Tregu i sendeve të përdorura. Tregu i shumicës (i pakicës). Tregu i mishit. Tregu i peshkut. Ditë tregu një ditë e caktuar në javë kur njerëzit venë në këtë vend për të shitur e për të blerë. E bleu në treg. E nxori në treg. U kthye nga tregu.
2. Krahinë, vend a grup vendesh, hapësirë gjeografike, ku mund të shiten mallrat. Treg kryesor (i rëndësishëm). Tregu i jashtëm. Tregu ndërkombëtar. Çmimet e tregut. Kërkesat e tregut. Lufta për tregje. Kërkojnë (pushtojnë) tregje të reja. Sundon tregun. Studim i tregut. E përmbyti tregun me mallra.
3. Shitje dhe blerje e mallrave, tregti. Treg i gjerë. Tregu i kafshëve. Ditë tregu një ditë e caktuar në javë për të shitur e për të blerë. Tregu i shumicës tregu ku shiten mallra me shumicë. Tregu ndërkombëtar (i brendshëm, i jashtëm). Treg i lirë tregti me çmime të mbështetura në kërkesën dhe në ofertën dhe jo në kursin zyrtar. Hedh në treg.
4. fin. Sfera, në të cilën qarkullojnë vlerat monetare. Tregu financiar (monetar, valutor). Tregje të aksioneve. Tregu i Bursës. Tregje të obligacioneve. Tregu i zi treg paralel dhe i paligjshëm ku çmimet zakonisht janë më të larta se çmimet zyrtare; treg që karakterizohet nga tregtia e paligjshme e mallrave, e parave dhe e shërbimeve. Barometër tregu. Depërtoj në treg. Gjendje kolapsi e tregut. Hedh në treg. Tërheq nga tregu një mall stok ose me afat të skaduar. Integrimi i tregjeve. Luhatje në treg. Ngop tregun. Stimuloj tregun. Strategji e tregut. Prirje e tregut. Testoj tregun. Vëzhgoj tregun. Zotëroj tregun. Treg dytësor treg i letrave me vlerë ku trajtohen vlerat që janë në qarkullim. Bursat e letrave me vlerë janë tregje të dyta. Tregu primar (i parë) tregu i emetimit të letrave me vlerë, shitja e parë e një letre me vlerë që është emetuar rishtas. Tregu i aksioneve tregti e aksioneve që bëhet në bursë. Treg i hapur treg pa kufizime për shitësit a për blerësit. Treg kapitali. Tregu i kapitaleve. 1. Treg për ofertën dhe për kërkesën e letrave me vlerë. 2. Treg për çdo lloj paraje që vihet në dispozicion për një kohë afatmesme dhe afatgjatë. Investim në tregun e kapitaleve. Politika e tregut të kapitaleve. Studimi i tregut të kapitaleve.
5. Mundësia që japin ekonomia, arsimi e veprimtari të tjera për punësim, kërkesa për punësim të punonjësve a të specialistëve në fushat përkatëse. Tregu i punës treg teorik ku takohen oferta me kërkesën e punës Studim i tregut të punës. Gjendja e tregut të punës. Politika e tregut të punës. Statistika për tregun e punës. Studim i tregut të punës. Të dhëna mbi tregun e punës. Zhvillimi i tregut të punës.
6. Blerës i mundshëm, klient; klientelë. Nuk ka treg për këtë artikull.
✱Sin.: pazar, dyqan, shitore, panair, çarshi, pjacë, shitblerje, tregti, blerës, klientelë.
♦*Monedhë tregu (shkëmbimi) libr. Nuk nxjerr gjë në treg (dikush) shih nuk nxjerr (nuk qit) gjë në shesh (dikush). E nxjerr në treg (në *pazar) (dikë a diçka) keq. *Plaçkë tregu keq.
TREGÍM,~I m. sh. ~E, ~ET 1. Kallëzim, rrëfim. Tregimi i një ngjarjeje.2. Shfaqje, demonstrim, manifestim. Tregim force.3. let. Vepër e shkurtër letrare në prozë, në të cilën përshk…
Shfaq përkufizimin e plotë →TREG/ÓJ vep., ~ÓVA, ~ÚAR 1. kal. Nxjerr përpara një gjë për t’u parë, për t’u njohur me të a për të gjykuar mbi të; bëj të duket, zbuloj që të shihet, dëftej. U tregoi pajën. I tre…
Shfaq përkufizimin e plotë →TREGTÁR,~E mb., treg. 1. Që ka të bëjë me tregtinë, që lidhet me tregtinë; që i përket tregtisë, i tregtisë. Marrëveshje tregtare. Kapitali tregtar. Bilanci tregtar. Lidhje tregtar…
Shfaq përkufizimin e plotë →TREGTÁR,~I m. sh. ~Ë, ~ËT treg. Ai që merret me tregti dhe nxjerr fitime prej saj; pjesëtar i shtresës së pasur shoqërore, që siguron fitime e vë pasuri me anë të tregtisë; tregtue…
Shfaq përkufizimin e plotë →TREGTÍ,~A f., treg. 1. Degë e veçantë e ekonomisë që merret me shpërndarjen e këmbimin e mallrave dhe që lidh prodhimin me konsumin Tregtia e brendshme (e jashtme). Tregtia ndërkom…
Shfaq përkufizimin e plotë →TREGTÍM,~I m. sh. ~E, ~ET treg. 1. Veprimi kur blej e shes mallra të ndryshme; marrja me tregti.. Tregtimi i prodhimeve industriale (i perimeve, i qumështit). Tregtimi i librit. Fo…
Shfaq përkufizimin e plotë →TREGT/ÓJ vep., ~ÓVA, ~ÚAR kal. Blej e shes mallra të ndryshme; bëj tregti, merrem me tregti. Tregton artikuj të ndryshëm. Tregton me (në) shumë vende të botës.
Shfaq përkufizimin e plotë →TREGÚAR (i, e) mb. Që është treguar; kund. i patreguar. Rrëfenjë e treguar me humor.
Shfaq përkufizimin e plotë →TREGÚAR,~IT (të) as. Veprimi kur tregojmë, kur kallëzojmë a kur rrëfejmë; tregim1. Të treguarit e ngjarjes. Të treguarit e vendit. Të treguarit e së vërtetës.
Shfaq përkufizimin e plotë →TREGÚES,~E mb. Që përdoret për të treguar diçka. Gishti tregues gishti i dytë i dorës, që ndodhet midis gishtit të madh dhe atij të mesmit; lëpirës. Shigjetë (gjilpërë) treguese. S…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë