Fjalori
TOPITUR

TOPÍTUR (i, e) mb. 1. Që është topitur; që është çmprehur. Sëpatë (thikë, kosë) e topitur.
2. fig. I shtangur, i nguruar, i ndrydhur. Fëmijë i topitur. Mbeti i topitur.
3. fig. I lodhur, i këputur (nga një punë, nga një sëmundje etj.), i plogështuar. Duket plak i topitur. E ndiente veten shumë të topitur.
✱Sin.: i çuditur, i habitur, i ngrirë, i ngurosur; i ndrydhur, i lodhur, i këputur, i rraskapitur, i drobitur, i plogështuar.

TOPITUR

TOPÍTUR,~IT (të) as. 1. Topitje. Të topiturit e sëpatës.
2. Të lodhur, lodhje, drobitje, këputje. topiturit. Të topiturit e udhëtarëve nga vapa.

Rezultate të tjera nga lematizimi ose nga ngjashmëria me formën përfaqësuese: TOPIT
TOPIT

TOPÍT (TOPÍS) vep., ~A, ~UR kal. 1. Mpij tehun e një prese; i trash a i prish tehun; çmpreh. Topiti sëpatën (thikën, kosën, kmesën).
2. fig. I pres hovin dikujt, e ndrydh, e bëj të ngurrojë për një vendim që ka marrë, duke i thënë diçka që i prish mendjen, duke i futur frikën etj.; e bëj të tërhiqet nga diçka, e frenoj. Mos e topit fëmijën (djalin, vajzën).
3. fig., vet. v. III (me një trajtë të shkurtër të përemrit vetor në r. k.). Më lodh, më këput; më kapit, më rraskapit, më plogështon (gjumi, lodhja etj.). E topiti gjumi. E topitën punët e shtëpisë.
✱Sin.: çmpreh, ndrydh, ndaloj, frenoj, lodhem, kapit, rraskapit, plogështoj.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë