Fjalë që fillojnë me...
Fjalë me të njëjtat parashtesa ose tema fjalëformuese.
TIPÁR,~I m. sh. ~E, ~ET 1. Veçori thelbësore e një sendi, e një dukurie etj., që e dallon atë nga sendet a nga dukuritë e tjera; veti e natyrshme dhe e përhershme e diçkaje, e një grupi sendesh etj. Tiparet kryesore. Tiparet e përbashkëta. Tipar dallues. Tipar cilësor. Tipar i qenësishëm (i paqenësishëm). Tipar i fituar tipar që formohet gjatë jetës, tipar që nuk trashëgohet prej prindërve.
2. zakon. sh. Shenjat dalluese të fytyrës (sytë, vetullat, buzët, goja, faqet, mjekra etj.), që i japin dikujt një pamje të veçantë e të ndryshme nga të tjerët; vija karakteristike të fytyrës. Me tipare të bukura (të shëmtuara). Me tipare burrërore (femërore). Me tipare të holla (të rregullta). Tiparet e fytyrës. Trashëgon disa tipare nga e ëma (nga i ati). Kanë tipare të njëjta (të ngjashme, të ndryshme).
3. kryes. sh. Veti dalluese të karakterit a të formimit të dikujt, që shfaqen në sjelljen e në qëndrimin e tij në shoqëri, në marrëdhëniet e tij me njerëzit, në punë etj.; cilësitë me vlera të dikujt. Tiparet e karakterit. Tipare të larta morale. Tipar bujarie. Tipare të trashëgueshme veti sasiore ose cilësore të prindërve, të cilat mund të shfaqet te pasardhësi. Tipare të trashëguara veti sasiore ose cilësore të fëmijës, të cilat i ka trashëguar nga nëna ose nga i ati. Tipare të trashëguara nga nëna (babai).
✱Sin.: veti, veçori, dallojë, mis, natyrë, karakteristikë, cilësi, agor, japi, anë.
TIPARIZÍM,~I m. sh. ~E, ~ET Përshkrim tiparesh, nxjerrje tiparesh, gdhendje tiparesh, portretizim. Tiparizimi në art dhe në letërsi. Tiparizimi i personazheve përshkrim i tyre fizi…
Shfaq përkufizimin e plotë →►TIPARIZ/ÓHET jovep., ~ÚA (u), ~ÚAR pës., vet. v. III e TIPARIZÓJ.
Shfaq përkufizimin e plotë →TIPARIZ/ÓJ vep., ~ÓVA, ~ÚAR kal. Nxjerr tiparet e veçanta të dikujt a të diçkaje, i vë në dukje, i vë në pah; përshkruaj në mënyrë të qartë e të dallueshme; portretizoj. Autori tip…
Shfaq përkufizimin e plotë →TIPARIZÚAR (i, e) mb. Që është tiparizuar, që është gdhendur e portretizuar. Personazh i tiparizuar bukur i përshkruar bukur, i arrirë artistikisht.✱Sin.: i përshkruar, i portretiz…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë