Fjalë që fillojnë me...
Fjalë me të njëjtat parashtesa ose tema fjalëformuese.
THUMB,~I m. sh. ~A, ~AT 1. Organ i posaçëm në fundin e barkut të bletëve, të grerëzave, të mizave të dheut, të disa kandrrave të tjera, me të cilin ato të shpojnë kur mbrohen ose kur sulmojnë, zgjatim i vogël në kokën e disa kandrrave, si mushkonja, zekthi etj., me të cilin shpojnë dhe thithin. Thumbi i bletës. Thumbi i mushkonjës. Të shpon (të thumbon) me thumb.
2. Gozhdë e vogël prej metali a prej druri, që përdoret për të mbërthyer shojet e këpucëve. Thumba të drunjtë për këpucë. Këpucë me thumba. E mbërtheu me thumba.
3. Gjemb bimësh a drurësh të ndryshëm. Thumbat e gjembaçit (e kumbullës).
4. Shkop i vogël, i mprehur dhe me majë, pjesë e një vegle, e një përdorëseje etj., që është e hollë dhe me majë të mprehtë; maja e mprehtë e diçkaje. Thumbi për të qëruar misër. Thumbi i dallëndyshes së parmendës. Thumbi i tokëzës. Thumbi i hostenit. Thumbi i topit (i çiftes) gjilpëra e topit (e çiftes). Thumbi i shigjetës. Tel me thumba tel me gjemba. E shpoi me thumb.
5. bised. Hosten.
6. Gjuhëza e këmborës. Thumbi i këmborës.
7. Maja e gjirit a e sisës, thithi. Thumbi i gjirit.
8. fig. Thënie që të ther, që të prek e të lëndon, fjalë që të djeg; e folur me të keq dhe tërthorazi; shaka, tallje etj. që bëhet për të ngacmuar dikë. Pyetje me thumb. Flet (përgjigjet) me thumba. I hedh thumba dikujt. E ngacmoi me thumba.
✱Sin.: thimth, thithak, gjemb, çik, hosten, gjuhëz, thith, qukmë, majë, smag, smat.
♦ Arëz pa thumb keq. U bë thumb (dikush) shih u bë tapë (dikush). I bie thumbit e potkoit (për diçka) shih i bie gozhdës (e potkoit) (për diçka). E do me thumb (dikush) do shpuar a duhet nxitur që të bëjë diçka, punon a e bën diçka me të shtyrë, e do me hosten; e do me bodec. I hedh (i fut) thumba (dikujt) i thotë dikujt fjalë therëse që e lëndojnë, i flet tërthorazi si me tallje për ta ngacmuar a për ta prekur, e shpotit; ngul gozhdë (dikush); flet me gjemba (dikush). Njëri i bie thumbit (*gozhdës) e tjetri potkoit. Pres thumba (*gozhdë). Thumb i ngulur në tru një hall a një merak i madh që nuk mund ta harrosh e nuk të lë të qetë, shqetësim i vazhdueshëm. (E njoh) në thumb e në potkua 1. (diçka) E njoh shumë mirë e me hollësi, ia di të gjitha, e njoh një për një, (e di) në majë të gishtave. 2. (dikë) E njoh shumë mirë e me hollësi, me virtytet e veset që ka, deri në imtësi, pa asgjë të fshehtë, ashtu si është, ia di sa trarë ka në shtëpi (dikush); e njoh me lëkurë e me brinjë, (ia di) sa dhëmbë e dhëmballë ka në gojë (dikush). Për një thumb (për një *gozhdë) shkoi potkoi. Në vend që t’i bjerë thumbit (*gozhdës) i bie potkoit (dikush).
THUMBÁC,~I m. sh. ~Ë, ~ËT Gozhdë e mprehtë që vihet në majë të hostenit, thumbi i hostenit.✱Sin.: cimbil, thumb, hosten, bodec.
Shfaq përkufizimin e plotë →THUMBÁT,~I m. sh. ~A, ~AT 1. Kunj prej druri me të cilin mbërthejmë e mbyllim grykën e thesit kur është mbushur shumë. 2. Shkop i vogël me majë të mprehur, që përdoret për të zhves…
Shfaq përkufizimin e plotë →THUMBÍM,~I m. sh. ~E, ~ET 1. Veprimi kur thumboj diçka me thumb ose me gjemb ose thumbohem. Thumbimi i grerave. Organi i thumbimit. 2. Dhembja a djegia që ndiejmë kur na thumbon nj…
Shfaq përkufizimin e plotë →THÚMBK/Ë,~A f. sh. ~A, ~AT Kunj i vogël druri me të cilin këpucarët mbërthejnë shollin e këpucës.
Shfaq përkufizimin e plotë →THUMB/ÓJ vep., ~ÓVA, ~ÚAR kal. 1. vet. v. III Shpon me thumb ose me gjemb, gjembon; i ngul thumbin dikujt, shpon me thumb (për kandrrat). E thumboi bleta (mushkonja). Meshkujt e bl…
Shfaq përkufizimin e plotë →THUMBÚAR (i, e) mb. Që është shpuar me thumb, që është thumbuar.
Shfaq përkufizimin e plotë →THUMBÚES,~E mb. 1. Që të ngul thumbin, që të shpon me thumb (për kandrrat). Kandërr thumbuese. 2. fig. Që të prek a që të lëndon, që të thumbon, që ka thumba; që të flet me thumba,…
Shfaq përkufizimin e plotë →THUMBÚES,~I m. kryes. sh. ~, ~IT zool. Rendi i kandrrave që kanë thumb.
Shfaq përkufizimin e plotë →THÚMB/ËR,~RA f. sh. ~RA, ~RAT Kërcu i gdhendur ose diçka tjetër e fortë, që përdoret në disa krahina si nënkresë. ✱Sin.: kërcu, cung, nënkresë.
Shfaq përkufizimin e plotë →THÚMBËZ,~A f. sh. ~A, ~AT Gjembth.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë