Fjalë që fillojnë me...
Fjalë me të njëjtat parashtesa ose tema fjalëformuese.
THJÉSHTË (i, e) mb. 1. Që është i papërzier me diçka të një natyre a të një lloji tjetër, i përbërë vetëm nga një lëndë, vetëm nga një gjë etj., me përbërje të njëjtë; i kulluar; kund. i pathjeshtë. Verë e thjeshtë. Ar i thjeshtë. Lëndë të thjeshta. Trup i thjeshtë. kim.
2. libr. Që përbëhet nga një ose nga disa pjesë, nga një ose nga disa njësi etj., a që i ka lidhjet midis pjesëve jo të ngatërruara, që nuk ka përbërje a ndërtim të ngatërruar; kund. i përbërë, i ndërlikuar. Mekanizëm (aparat) i thjeshtë. Përdorëse (vegël, pajisje) e thjeshtë. Kafshët e thjeshta. zool. kafshë që i përkasin një faze të ulët të zhvillimit biologjik. Numërorët e thjeshtë. gjuh. numërorët nga një deri në dhjetë. Fjali e thjeshtë. gjuh. një fjali e vetme. Fjalë e thjeshtë. gjuh. fjalë që ka vetëm rrënjën e mbaresat. Kohët e thjeshta. gjuh. kohë në të cilat folja zgjedhohet pa foljet ndihmëse. Prerje e thjeshtë. spec. prerje që bëhet nga një rrafsh prerës. Gjethe e thjeshtë. bot. një gjethe e vetme. Kallëzues i thjeshtë. gjuh. kallëzues që shprehet me një folje të vetme.
3. Që nuk bëhet me ndonjë shtesë a ndryshim, që nuk pasurohet me gjëra të reja, që nuk zgjerohet ose që nuk thellohet më tej. Bëri vetëm një lexim të thjeshtë. Ishte një përsëritje e thjeshtë e mësimit të mëparshëm.
4. I lehtë për t'u kuptuar, për t'u bërë, për t'u zgjidhur, për t'u zbatuar etj., jo i vështirë për t'u kapur; kund. i ndërlikuar, i ngatërruar, i koklavitur. Problem i thjeshtë. Çështje (ide) e thjeshtë. Temë e thjeshtë. Mendime (fjalë) të thjeshta. Punë (gjë) e thjeshtë. Lojë e thjeshtë. Dukuri të thjeshta. Është shkruar me një gjuhë të thjeshtë. Në mënyrë të thjeshtë.
5. Që bëhet si zakonisht e natyrshëm, që zhvillohet pa bujë, që nuk shoqërohet me gjëra të tepërta e të panevojshme; që s'është i ngarkuar me zbukurime; që nuk dallon nga të tjerët, i zakonshëm. Darkë e thjeshtë. Dasmë e thjeshtë. Ceremoni e thjeshtë. Model i thjeshtë. Veshje e thjeshtë. Këpucë të thjeshta. Dhomë (sallë, shtëpi) e thjeshtë.
6. Që nuk i pëlqejnë mburrjet e lëvdatat, që nuk mbahet me të madh, jo mendjemadh; që nuk ka kërkesa të tepërta, që kënaqet me pak; që vepron a që sillet në mënyrë të çiltër e të ngrohtë. Njeri (burrë, djalë) i thjeshtë. Vajzë (grua) e thjeshtë. Udhëheqës (drejtues) i thjeshtë. Është i thjeshtë.
7. Që nuk ka ndonjë gradë, ndonjë titull etj., që nuk zë ndonjë vend drejtues në aparatin shtetëror, në një organizatë, në një ndërmarrje etj. Punonjës (punëtor) i thjeshtë. Anëtar i thjeshtë. Ushtar i thjeshtë. Që nga kooperativisti i thjeshtë deri te kryetari (te ministri).
8. Që nuk i përket një shtrese të privilegjuar, që nuk zë ndonjë vend drejtues diku; që bën pjesë në shtresat e gjera të popullsisë. Populli i thjeshtë. Njerëzit e thjeshtë. Fshatar i thjeshtë.
✱Sin.: i papërzier, i patrazuar, i pastër, i kulluar, i kuptueshëm, i kapshëm, i lehtë, i pandërlikuar, i parmë, i zakonshëm, i natyrshëm, i vetvetishëm, i vërtetë, kokulur, ballulur, kryekërrusur, kryeulët, hijelehtë, i sjellshëm, mitar, punëheshtur, i rëndomtë, popullor, i ulët, i vogël, miturak.
THJÉSHT/ËR,~RI m. sh. ~ËR, ~RIT Djali që gjen gruaja e dytë e një burri nga gruaja e parë e tij ose djali që i shpie gruaja burrit nga martesa e saj e parë; djalë i gjetur. Gjeti d…
Shfaq përkufizimin e plotë →THJÉSHT/ËR,~RA f. sh. ~RA, ~RAT Vajza që gjen gruaja e dytë e një burri nga gruaja e parë e tij ose vajza që i shpie gruaja burrit nga martesa e saj e parë; vajzë e gjetur. E donte…
Shfaq përkufizimin e plotë →THJESHT ndajf. 1. Jo me tjetër gjë, pa asnjë përzierje me lëndë të tjera, vetëm. Thjesht lesh (flori, ujë). Raki thjesht prej rrushi. 2. Shkëputur a veçuar nga gjërat e tjera, pa u…
Shfaq përkufizimin e plotë →THJÉSHTAS ndajf. Thjesht.
Shfaq përkufizimin e plotë →THJÉSHTAZI ndajf. Thjeshtas.
Shfaq përkufizimin e plotë →THJESHTÍ,~A f. Thjeshtësi. Mungesë thjeshtie. Flet (sillet) me thjeshti.
Shfaq përkufizimin e plotë →THJESHTÍM,~I m. sh. ~E, ~ET 1. Veprimi kur e bëjmë diçka më të lehtë për t’u kuptuar, për t’u zbatuar, për t’u zgjidhur etj., ose veprimi kur thjeshtohet diçka. Thjeshtimi i progra…
Shfaq përkufizimin e plotë →THJESHT/ÓJ vep., ~ÓVA, ~ÚAR kal. 1. E bëj diçka më të lehtë për t'u kuptuar, për t'u zbatuar, për t'u zgjidhur, për t'u përdorur etj., e bëj më të thjeshtë, kund. ndërlikoj. E thje…
Shfaq përkufizimin e plotë →THJESHTÚAR (i, e) mb. Që është bërë më i lehtë për t'u kuptuar, për t'u zbatuar, për t'u zgjidhur etj.; që është thjeshtuar.
Shfaq përkufizimin e plotë →THJESHTÚES,~I m. sh. ~, ~IT mat. Numri që thjeshton formulat, thyesat etj.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë