Fjalori
THEKUR

THÉKUR (i, e) mb. 1. I tharë e i skuqur pranë zjarrit. Bukë e thekur.
2. fig. I vënë mënjanë e i ruajtur prej shumë kohësh. Para të thekura.
3. fig. I rrahur mirë nga jeta, i pjekur; i kalitur. Është më i thekuri ndër të gjithë.
4. fig. Që të prek thellë, therës. Ai dëgjonte vajin e thekur të nënës së vet.
✱Sin.: i rreshkur, i thekërruar, i rreshkët, i nxehur, i ngrohur, i ngrohtë.

THEKUR

THÉKUR,~A (e) f. vet. sh. ~A, ~AT (të) fig. Fjalë të menduara mirë, fjalë prej një të pjekuri, fjalë që zënë vend; fjalë me kripë. I tha ca të thekura.

Rezultate të tjera nga lematizimi ose nga ngjashmëria me formën përfaqësuese: THEK
THEK

THÉK,~UI m. kryes. sh. ~Ë, ~ËT 1. Tufë fijesh të bashkuara me një kokë, që varen varg në fund ose anëve të një petku, të një qilimi, të një mbulese, të një perdeje etj. për ta zbukuruar; xhufkë; fundet e fijeve anës një qilimi a një endjeje tjetër; fijet e shkurtra me të cilat mbushet një qilim, një sixhade etj. Thekë të gjatë (të kuq, të zinj). Thekë ari. Qilim me thekë. Xhoke me thekë. Mbulesë me thekë. Shall me thekë. Gërshërë për thekë. I presim thekët. Bie borë me thekë bie borë flokë-flokë.
2. Halat e kallirit të grurit, të thekrës etj. Thekët e grurit.
♦ U bë thekë e degë (dikush a diçka) shih u bë fërtele (dikush a diçka).

THEK

THÉK,~UII m. kryes. sh. ~Ë, ~ËT bot. 1. Pjesa e lules së disa bimëve që përmban endin. Thekët e misrit. Thekët e zambakut.
2. Pjesë e dytë e emërtimeve të pathjeshta për lloje të ndryshme thekësh. Thek koroliflor thek i ngulur në petlat (kurorën) e një luleje. Thek talamiflor thek që është i ngulur në shtratin lulor.

THEK

THÉKI vep., ~A, ~UR 1. kal. Shpoj me diçka të mprehtë a me majë. E theku me shpatë (me thikë).
2. kal. E qëlloj fort dikë, i bie dikujt me forcë e papritur. la theku syve. Ia theku në fytyrë (në bark, në gju). Ia theku me shuplakë.
3. kal. E mpreh, e nxjerr me forcë të veçantë; e nxjerr me fuqi dhe duke e dredhur (për zërin). Ia theku një kënge. Ia theku një gjel.
4. kal. E bëj me të shpejtë, e nxitoj (hapin, vrapin etj.); shpejtoj, u jap këmbëve, iki me të shpejtë, nxitoj. Theku vrapin. Theki këmbët! Ia theku tutje. Thekja përpara!
5. kal., fig. Më prek thellë në shpirt, më shpon a më ther në zemër, më mallëngjen, thekem. Më theku zemrën. Na theku shpirtin.
6. jokal. Bie borë e hollë dhe me flokë, bie borë me thekë. Po thek bora maleve.
✱Sin.: shpoj, qëlloj, godas, mpreh, ngre.

THEK

THÉKII vep., ~A, ~UR kal. 1. E ngroh bukën mirë pranë zjarrit, e lë pranë zjarrit sa të thahet e të marrë të skuqur. Thek bukën. E theku në zjarr. E vuri për të thekur.
2. Ngroh mirë pranë zjarrit a e lë në diell për një kohë të gjatë sa të skuqet a të rreshket. Thek këmbët (duart, kurrizin) pranë zjarrit. E theku trupin në diell.
✱Sin.: rreshk, thekërroj, ngroh, përcëlloj, përflakoj, përdjeg.
♦ Theket (ngrohet) *në diell (dikush).

Rezultate të ngjashme

THEKURINË

THEKURÍN/Ë,~A f. kryes. sh. ~A, ~AT Gjëra të thekura a të pjekura shumë (si kore buke, thembra byreku etj.); copëra buke të thata e të mbetura. U dha ca thekurina.✱Sin.: thembër, c…

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë