Fjalori
TEPËRT

TÉPËRT (i, e) mb. 1. Që e kalon shkallën, masën a madhësinë e zakonshme, që është më shumë se ç’duhet; i tepër. Të nxehtët (të ftohtët) e tepërt. Ngarkesë (lodhje) e tepërt. Ngrënie e tepërt. Harxhim i tepërt. Lagështia e tepërt. Dëmtuar nga përdorimi i tepërt.
2. Që është a që mbetet tepër; që nuk duhet, që nuk hyn në punë; i panevojshëm, i padobishëm, i tepër. Lëvizje të tepërta. Fjalë të tepërta. Forcat e tepërta punëtore. Lastarët e tepërt. Degët e tepërta. Ujëra të tepërta. Hallkat e tepërta. E shoh (e quaj) të tepërt. Është i tepërt këtu.

TEPËRT

TÉPËRT,~I (i) m. sh. ~, ~IT (të) Njeri i tepërt (në një punë); gjë a diçka e tepërt në një çast të caktuar, i panevojshëm. Të tepërtit do t’i gjendet një vend tjetër. Këta janë të domosdoshmit, këta janë të tepërtit. Të tepërtit, lëri mënjanë! Ku i le të tepërtit?

TEPËRT

TÉPËRT,~A (e) f. sh. ~A, ~AT (të) Ajo që është e tepërt (në një punë); gjë a diçka e tepërt në një çast të caktuar; e panevojshme. Këto janë të tepërtat. Të tepërtave gjeju vendin. Të tepërtën, lëre mënjanë! Ç’u bënë të tepërtat?
✱Sin.: i tepër, i panevojshëm, i padobishëm.

TEPËRT

TÉPËRT,~IT (të) as. Tepri, tepërsi. Kujdesej me të tepërt. Kishte para (shpenzonte) me të tepërt. Të tepërtit shpeshherë është i dëmshëm.
✱Sin.: shumicë, tepri, tepërsi.
♦ Ia ktheu me të tepërt (dikujt) i bëri dikujt një të mirë a një të keqe më të madhe sesa ia kishte bërë ai, ia shpërbleu disa herë më shumë.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë