Fjalori
TEKST

TEKST,~I m. sh. ~E, ~ET 1. Fjalë a fjali të një vepre, të një dokumenti etj., të shkruara ose të shtypura; përmbajtje e shkruar ose e shtypur e një vepre, e një dokumenti, e një akti etj.; thënie e dikujt e shkruar ose e shtypur; libër, letër etj. ku janë shkruar ose janë shtypur këto fjalë a fjali, kjo përmbajtje etj. Teksti i dramës (i përrallës, i tregimit, i poezisë, i romanit). Sipas tekstit. Jashtë tekstit. Ndryshoj (shkruaj, diktoj, përsërit, mësoj) tekstin. Shkruan tekstin e letrës (e mesazhit). Lexoj, përkthej një tekst. Respektoj pikë për pikë tekstin origjinal.
2. Materiale të shkruara ose të shtypura për studimin e diçkaje; lëndë mësimore e shkruar ose e shtypur në një libër a në një dispense; pjesë të shkëputura nga një ose nga disa vepra letrare të shtypura së bashku për qëllime mësimore; libër, dispensë, përmbledhje etj. që përmban këto materiale. Tekst mësimor. Tekste të reja. Teksti bazë. Teksti i gjuhës (i kimisë, i fizikës, i gjeografisë, i botanikës). Përpunoj (përmirësoj, hartoj) tekstin. Bleu tekstet. I pajisën me tekste. Analizë e tekstit. Tipologji tekstesh. Tekst narrativ (informues-paraqitës, argumentues, përshkrues, teatror, poetik). Gjuhësi e tekstit (gjuh.) disiplinë gjuhësore që studion tekstin dhe analizën e ligjërimit në tërësi (jo fraza e fjali të veçuara).
3. Shkrim në origjinal, shkrim autentik. Tekst i himnit kombëtar. Teksti i Biblës. Teksti i Kuranit. Tekstet e kanuneve shqiptare. Tekste juridike (ligjore). Thuhet (përmendet) në tekst.
4. Vepër ose pjesë e një vepre letrare; faqe e një vepre, fragment i një vepre. Tekstet e Rilindjes. Tekst i shkruar bukur. Tekst fillestar. Tekst i daktilografuar. Tekst i shtypur (i printuar). Tekst i formatuar (i paformatuar). Tekste të zgjedhura.
5. Pjesë e faqes ku janë shtypur fjalët (pa shënimet anash faqes dhe pa ilustrimet). Tekst i mbushur me shënime.
6. Fjalët e një vepre muzikore, të një kënge etj. Teksti i këngës. Teksti i operës.
✱Sin.: përmbajtje, thënie, libër, material, dispense, përmbledhje, shkrim, vepër, fjalë.

Rezultate të ngjashme

TEKSTIL

TEKSTÍL,~E mb. Që lidhet me punimin dhe me prodhimin e tekstileve; që i përket punimit a prodhimit të tekstileve, i tekstileve. Bimë tekstile bimë industriale (pambuku, liri, kërpi…

Shfaq përkufizimin e plotë →
TEKSTIL

TEKSTÍL,~I m. zakon. sh. ~E, ~ET 1. Tërësi e copave të endura me fije pambuku, leshi etj.; tërësi e pëlhurave, e bezeve, e stofrave etj. Tekstilet të leshta (të pambukta, të mëndaf…

Shfaq përkufizimin e plotë →
TEKSTILIST

TEKSTILÍST,~I m. sh. ~Ë, ~ËT Punëtor në një fabrikë ose në një kombinat tekstili. Puna e tekstilistëve. Tekstilist i zoti.

Shfaq përkufizimin e plotë →
TEKSTOLOG

TEKSTOLÓG,~U m. sh. ~Ë, ~ËT gjuh. Specialist i tekstologjisë, specialist në tekstologji.

Shfaq përkufizimin e plotë →
TEKSTOLOGE

TEKSTOLÓG/E,~IA f. sh. ~E, ~ET Specialiste e tekstologjisë, specialiste në tekstologji.

Shfaq përkufizimin e plotë →
TEKSTOR

TEKSTÓR,~E mb. Që ka të bëjë me studimin e tekstit. Analizë tekstore.

Shfaq përkufizimin e plotë →
TEKSTUAL

TEKSTUÁL,~E mb. Që i përmbahet me përpikëri tekstit, që riprodhon besnikërisht një tekst. Përkthim tekstual. Analizë tekstuale.

Shfaq përkufizimin e plotë →
TEKSTURË

TEKSTÚR/Ë,~AI f., tekst. Endje, thurje. Teksturë e imët (e trashë). Ndryshon tekstura.

Shfaq përkufizimin e plotë →
TEKSTURË

TEKSTÚR/Ë,~AII f., gjeol. Mënyrë e paraqitjes së thërrmijave minerale të tokave me diametër nën 2 mm (si rërë, lym, argjilë) në gjendje të shpërndarë; përbërje mekanike, përbërje g…

Shfaq përkufizimin e plotë →
TEKSA

TEKSÁ lidh. 1. Sapo, posa, porsa. E përshëndeti teksa e pa. E kuptoi teksa ia tregoi.2. Kur, gjatë kohës që. Teksa po hante, trokiti dera. Teksa të tjerët punonin, ai flinte.3. Ndë…

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë