Fjalë që fillojnë me...
Fjalë me të njëjtat parashtesa ose tema fjalëformuese.
TATÍM,~I m. sh. ~E, ~ET ek. Caktim me ligj nga ana e shtetit i një detyrimi në të holla ose jo; taksë që i paguhet shtetit nga shtetasit, nga sipërmarrjet etj. për të ardhurat ose për fitimet e tyre; pagesë e detyrueshme me ligj që bëjnë personat fizikë e juridikë të një vendi në favor të buxhetit të shtetit, në bazë të të ardhurave ose të pasurisë që kanë, të konsumit të mallrave e të shërbimeve që përfitojnë. Caktimi i tatimeve. Përjashtim nga tatimet. Tatim për frymë. Përjashtim nga tatimi. Tatim mbi fitimin (Tatim fitimi) (ek.) shumë e detyrueshme parash që i paguhet shtetit nga një subjekt ose nga një ndërmarrje, në bazë të të ardhurave të përgjithshme. Tatim mbi kapitalin. Tatim mbi xhiron. Tatime të tërthorta. Tatime të drejtpërdrejta. Drejtoria e përgjithshme e tatimeve. Zyra e tatim-taksave. Tatimet paguhen në bazë të të ardhurave ose të fitimeve që realizohen dhe mallrave që konsumohen. Tatim mbi vlerën e shtuar (tvsh) (ek.) pagesë jo e drejtpërdrejtë nga konsumatori mbi konsumin. Tatim mbi xhiron pagesë e detyrueshme që derdh subjekti tregtar në buxhetin e shtetit sipas xhiros; Tatim në natyrë të ardhura që mblidhen si prodhime bujqësore, blegtorale etj. në vend të të hollave. Tatimet dhe taksat e drejtpërdrejta pagesa që llogariten mbi të ardhurat, fitimet, pasuritë e paluajtshme dhe shërbimet publike të personave fizikë e juridikë dhe duhen të derdhën në buxhetin e shtetit po prej tyre; tatimi mbi të ardhurat, tatimi mbi fitimin, tatimi mbi pasurinë (pronën) etj. Tatimet dhe taksat të tërthorta tatimi mbi vlerën e shtuar, taksa doganore, akciza, etj.
TATIMFITÍM,~I m. sh. ~E, ~ET Tatim i detyrueshëm që një subjekt ose një njësi ekonomike i paguan shtetit sipas shumës së përgjithshme të të ardhurave të tatueshme; tatim mbi fitimi…
Shfaq përkufizimin e plotë →TATIMMBLÉDHËS,~I m. sh. ~Ë, ~ËT ek. Nëpunës i mbledhjes së tatimeve.
Shfaq përkufizimin e plotë →TATIMÓR,~E mb., ek. Që ka të bëjë me tatimet; i tatimeve; që vjen nga tatimet. Sistem tatimor. Politikë tatimore. Të ardhura tatimore. Lehtësi tatimore. Polici tatimore.
Shfaq përkufizimin e plotë →TATIMÓR,~I m. sh. ~Ë, ~ËT ek., bised. Nëpunës tatimesh, inspektor tatimesh.
Shfaq përkufizimin e plotë →TATIMÓR/E,~JA f., ek., bised. Zyra e tatimeve. Erdhën ata të tatimores.
Shfaq përkufizimin e plotë →TATIMPAGÚES,~E mb., ek. Që paguan tatimet. Subjekt tatimpagues.
Shfaq përkufizimin e plotë →TATIMPAGÚES,~I m. sh. ~, ~IT ek. Ai që paguan tatim. Të ardhurat nga tatimpaguesit. Rëndon mbi tatimpaguesit. Digjitalizimi i shërbimeve për tatimpaguesit.
Shfaq përkufizimin e plotë →TATIMPAGÚES/E,~JA f. sh. ~E, ~ET ek. Ajo që paguan tatim.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë