Fjalë që fillojnë me...
Fjalë me të njëjtat parashtesa ose tema fjalëformuese.
TÁMB/ËL,~LI m. 1. Qumësht. Tambël lope (deleje, dhie, buallice). Përshesh me tambël. Tambël me oriz. Tambël gjiri qumësht gjiri me të cilin nëna ushqen foshnjën. Nip tambli nip në vijë femërore (djalë motre, djalë vajze etj.); nip bije. Tambli i kresë anat. buti i kokës te fëmijët e vegjël. Tambël fiku lëng i bardhë si qumësht që nxjerr fiku, kur e këpusim të papjekur mirë dhe që të pezmaton buzët. Populli pa shkrim është si tambli pa mazë. (fj. u.). Bar tambli (bot.) qumështore. Lule tambli (bot.) qumështore, bar tambli.
2. bot. Pjesë e parë e emërtimeve të pathjeshta për një bimë barishtore. Tambël arushe bimë barishtore që rritet në vende të thata, gurishtore e shkëmbore, me lëng si qumësht që përdoret në mjekësinë popullore kundër malaries, heqjes së lythave etj.
♦ Më doli tambli (*qumështi) i nënës. I dogji tambli (*qumështi) e i fryn kosit (dikush). Kërkon tambël mushke (dikush) keq. kërkon diçka që nuk mund të bëhet; është tekanjoz; kërkon qumësht nga delja shterpë; kërkon qumësht nga cjapi. *Lisi i tamblit (i qumështit) etnogr. Mirë tambli, mirë kosi mospërf. thuhet për dikë që nuk shqetësohet e nuk mërzitet fare se u bë a s’u bë diçka, është i qetë e shpërfillës; i merr punët shtruar, nuk ngutet aspak; nuk e prish gjumin (dikush); nuk do t’ia dijë (dikush); aq i bën (dikujt); nuk çan kokën (dikush); nuk e vë ujin në zjarr (dikush); s’e bën qejfin qeder (dikush); s’i djersin veshi (dikujt); nuk i hiqet asnjë ashkël (dikujt). *Qumësht (tambël) dallëndysheje.
TAMBËLEBÓR/Ë,~A f., nj. Pije me tambël dhe me borë, që përdoret gjatë verës si pije freskuese kryesisht nga barinjtë. Përgatit (pi) tambëleborë.
Shfaq përkufizimin e plotë →TAMBËLEORÍZ,~I m., nj. Oriz i zier në tambël; sytliaç. Përgatit (ha) një tas tambëleoriz.
Shfaq përkufizimin e plotë →TAMBËLTÓR/E,~JA f. sh. ~E, ~ET bot. 1. TamblatoreII; qumështore.2. (lat. Leontodon autumnalis) Bimë barishtore me kërcell të degëzuar, me gjethe të ngushta, të dhëmbëzuara e me lul…
Shfaq përkufizimin e plotë →TAMBËLZ,~A f. sh. ~A, ~AT Tëmth i kokës. Tambëlza e majtë (e djathtë). I rrihnin tambëlzat.
Shfaq përkufizimin e plotë →TAMBËLÇÁK,~U m., bot., krahin. 1. Qumështore. Gurishtë, gërdhatë, arë me tambëlçak. Mbushi një trastë me tambëlçak.2. bot. Pjesë e parë e emërtimeve të pathjeshta për disa bimë të …
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë