Fjalë që fillojnë me...
Fjalë me të njëjtat parashtesa ose tema fjalëformuese.
SUP,~I m. sh. ~E, ~ET 1. Pjesë e trupit të njeriut nga rrëza e qafës deri te cepi ku lidhet krahu me trungun; skaji i sipërm i shpatullave. Supi i djathtë (i majtë). Ecte me supe të rëna. E kishte mbajtur gjatë mbi supe. Hodhën pushkën në sup. I vinte deri në sup. E preku lehtë në sup. Sup-armë! usht. komandë për të hedhur armën të mbështetur drejt në anë të gjoksit, duke e mbajtur nën qytë vetëm me dorën e thyer.
2. Pjesë e një veshjeje nga jaka deri te vendi ku ngjitet mënga. Supet e palltos i rrinin të mëdha. Supet e trikos i rrinin të varura. I kishte vënë pambuk te supet. Xhaketa është grirë te supet.
✱Sin.: shpatull, krah, shtuf.
♦ I bie supeve (dikujt) i shpreh me dashamirësi miratimin për diçka që ka bërë dikush, lavdëroj, miratoj e përkrah veprimet e tij; e marr dikë me të mirë e me përkëdheli dhe i jap zemër; i rrah supet; i bie krahëve. Bie mbi supet (e dikujt) e ka ai si barrë a si detyrë, rëndon mbi të, ai duhet ta mbajë a ta përballojë diçka; bie mbi shpatullat (e dikujt); e ka mbi shpatulla (dikush). E heq (e provoj) mbi supe (diçka) e vuaj vetë dhe mësoj nga përvoja ime, e përjetoj vetë, e di mirë se si është; e ndiej në kurrizin tim. E ka mbi supe (dikush) e ka diçka si detyrë a si barrë, duhet ta përballojë ai, ai duhet të përgjigjet; bie mbi supet (e dikujt); e ka mbi shpatulla. Marr mbi supe (diçka) shih marr mbi shpatulla (diçka). Nuk mban *pluhur mbi supe (në vesh) (dikush). E mban mbi supe (dikush) e ka diçka si detyrë a si barrë, duhet ta përballojë ai, ai duhet të përgjigjet; e ka mbi supe; bie mbi supet (e dikujt); e ka mbi shpatulla; bie mbi shpatullat (e dikujt); e mban mbi trup. Mbledh (rrudh) supet. 1. Tregoj se nuk e di për diçka ose nuk e kuptoj diçka; bëj të paditurin. 2. Shpreh habi për diçka që s’ma merr mendja, çuditem nga diçka e papritur; ngre supet; mbledh (rrudh) krahët. Ngre supet shfaq habi a dyshim për diçka që nuk e dija; i jap të kuptojë dikujt se nuk di gjë për diçka, nuk e njoh një njeri etj.; mbledh (rrudh) supet. Më rëndojnë *vitet (mbi supe). I rrah supet (dikujt) e marr me të mirë a i jap zemër; miratoj veprimet e dikujt; i bie supeve; i rrah krahët. Sup më sup shumë afër njëri me tjetrin; të bashkuar për ta mbajtur e për ta përkrahur njëri-tjetrin; krah për krah. Shkreh (zbraz) *pushkën (dyfekun) që në sup (dikush).
SUPER- fjalëform., libr. Parashtesë me të cilën ndërtohen fjalë që shënojnë diçka që ndodhet mbi diçka tjetër, diçka të cilësisë më të lartë, diçka më të fundit, më të fuqishme ose…
Shfaq përkufizimin e plotë →SUPERIÓR,~E mb. Më i lartë; shumë i lartë. Ndihej superior. Mban qëndrim superior. Njeriu i urtë është superior ndaj çdo fyerje. Bënin prodhime me cilësi superior.
Shfaq përkufizimin e plotë →SUPIÉR/Ë,~A f. sh. ~A, ~AT Enë e madhe ku shtihet supa. Supierë porcelani. Një supierë i duhet gjithmonë një tryeze të bukur. Supën e serviri me supierë e tasa të vegjël.
Shfaq përkufizimin e plotë →SUPÓR,~E mb. Që është i supit; që ka të bëjë me supin. Protezë supore.
Shfaq përkufizimin e plotë →SUPÓR/E,~JA f. sh. ~E, ~ET Rrip i qëndisur me shenjat dalluese të gradës, që vihet në supet e uniformës së oficerit dhe të nënoficerit. Yjet e supores. Suporet e gjeneralit. Qep su…
Shfaq përkufizimin e plotë →SUPOZÍM,~I m. sh. ~E, ~ET 1. Veprimi kur supozoj a supozohet. Ky është vetëm një supozim. Para shpalljes së rezultateve ka pasur disa supozime.2. Hamendje, dyshim. Supozime pa baza…
Shfaq përkufizimin e plotë →SUPOZ/ÓJ vep., ~ÓVA, ~ÚAR kal. dhe jokal. 1. E quaj si të vërtetë diçka që e marr si pikënisje për të provuar një hipotezë, e zë se. Supozojmë se A është e barabartë me B. Mos supo…
Shfaq përkufizimin e plotë →SUPRÉM,~E mb. 1. zyrt. Që zë shkallën a rangun më të lartë, i tillë nga i cili varen të gjithë të tjerët. Urdhrat e komandantit suprem. Vendimet e organeve supreme. Ishte vetëshpal…
Shfaq përkufizimin e plotë →SÚP/Ë,~A f. sh. ~A, ~AT Gjellë e hollë me lëng mishi, peshku a perimesh dhe me oriz, me makarona etj., që zakonisht hahet në fillim të drekës a të darkës; sasia e kësaj gjelle sa n…
Shfaq përkufizimin e plotë →SÚPËZ,~A f. sh. ~A, ~AT Supore; spaletë. Yjet e supëzës. I kishte qepur supëzat. Ia hoqën supëzat.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë