Fjalori
STUHISHËM

STUHÍSH/ËM (i), ~ME (e) mb. 1. Që është me stuhi; që është përfshirë nga shtrëngata. Mot i stuhishëm. Nuk mund të dilet në këtë det të stuhishëm.
2. fig. Që bëhet me vrull të madh e me shpejtësi; që zhvillohet rrëmbyeshëm. Kundërsulmi ishte i stuhishëm. Zhvillimet e stuhishme të teknologjisë kërkojnë specialistë të fushës.
3. fig. Që dallohet për sasi dhe fuqi të madhe; që bëhet me gjallëri të madhe, me ndeshje të ashpra mendimesh e pikëpamjesh. U pritën me brohoritje të stuhishme. Mbledhja kishte qenë e stuhishme. Thirrjet e stuhishme i rikthyen në skenë aktorët. Në fund pati duartrokitje të stuhishme.
4. fig. Që është i mbushur me ngjarje të vrullshme, me përleshje e luftëra. Kishte jetuar në vite të stuhishme. Po kalojmë një periudhë të stuhishme.
✱Sin.: i duhishëm, i vrullshëm, i fuqishëm, i rrëmbyeshëm.

STUHISHËM

STUHÍSHËM ndajf. Në mënyrë të stuhishme, me shumë vrull e gjallëri. Godet stuhishëm në muret e ndërgjegjes. Përgjigjen ia dhanë stuhishëm. U larguan stuhishëm. Ata vepruan stuhishëm.
✱Sin.: duhishëm, vrullshëm, fuqishëm, rrëmbyeshëm.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë