Fjalori
STREHË

STRÉH/Ë,~A f. sh. ~Ë, ~ËT 1. Pjesa e çatisë, që zgjatet jashtë mureve të ndërtesës, buza e dalë e çatisë. Strehë e ulët. Streha e ndërtesës. Rregulluan ullukët e strehës. Uji rridhte nga strehët. Po priste nën strehë.
2. Ndërtesë e thjeshtë me disa shtylla dhe me çati ose me një mbulesë të lehtë sipër. Strehë për bagëtitë. Ngritën një strehë për barin. Drutë duheshin futur në strehë para dimrit.
3. Banesë për të jetuar, shtëpi. Fëmijë pa strehë. Banorët mbetën pa strehë nga tërmeti. Lufta kishte lënë shumë familje pa strehë.
4. fig. Vend ku njeriu mund të jetojë e të gjejë mbrojtje disa kohë për të shpëtuar nga ndjekjet, nga rreziqet e ndryshme etj.; mbrojtje. Kërkon strehë në këtë vend. Nuk kishte gjetur strehë. I kishin dhënë strehë. Iu bë strehë.
5. Rrethi i rrafshët anës kapelës ose pjesa e një kaskete e dalë përpara mbi ballë. Streha e kapelës. Vuri dorën në strehën e kapelës. Streha e kasketës ishte dëmtuar.
✱Sin.: çikë, gjerbë, spreth, stjegull, prehër, quar, strukë, çadër, mburojë, margjënor, mareshtë, maranë, strehim, jatak, çati, banesë, vatër.
♦ Gjen strehë. 1. (dikush). Siguron një mbrojtje a përkrahje për t’u ruajtur nga sulmet e dikujt; fshihet pas dikujt a pas diçkaje. 2. (diçka). Futet, hyn diku; mbrohet diku; bëhet pjesë e diçkaje; zë vend. I jap (i bëj) strehë (dikujt) e pranoj dikë në shtëpi dhe e marr në mbrojtje; i bëhem mburojë dikujt; i bëhem jatak; i bëhem jorgan. Si *pika në strehë.

Rezultate të ngjashme

STREHËZ

STRÉHËZ,~A f. sh. ~A, ~AT 1. Ndërtesë e thjeshtë me disa shtylla dhe me çati ose me një mbulesë të lehtë sipër. Në stacionin e autobusit ishte vendosur një strehëz. Ndërtuan një st…

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë