Fjalë që fillojnë me...
Fjalë me të njëjtat parashtesa ose tema fjalëformuese.
STÁRT,~I m. sh. ~E, ~ET 1. sport. Vija ku rreshtohen sportistët dhe prej nga nisen për të filluar një garë; vendnisje, nisje; kund. vendmbërritje, mbërritje. Sportistët u rreshtuan në vijën e startit dhe u bënë gati për t’u nisur. Rreshtimi i atletëve pranë vijës së startit përfundoi dhe gara do të niste për pak minuta.
2. sport. Shenja që jepet, zakonisht me një të shtënë arme ose me një lëvizje të dorës, për fillimin e një gare sportive. U dha starti i nisjes së stafetës. Sa dëgjuan startin atletët u nisën me shpejtësi. Sinjali i startit njoftoi fillimin e garës me pengesa.
3. sport. Nisje a fillim i një gare sportive. Gara dukej e fituar që në start. U bënë gati për start e po prisnin sinjalin e fillimit. Dy prej atletëve ishin gati për start, të tjerët po prisnin radhën për të marrë stafetën.
4. av. Vendi ku qëndron gati për nisje dhe ku fillon ngritjen një mjet fluturues; çasti kur niset një mjet fluturues. Avioni iu soll edhe një herë qark startit, pasi priste sinjalin nga kulla e kontrollit. Aeroplanët prisnin në start. U dha sinjali i startit dhe avioni shtoi shpejtësinë për t’u ngritur nga toka.
5. fig. libr. Nisje e një pune, fillim i diçkaje me rëndësi. Prezantimi i parë shërbeu si një start i mirë për projektin e përbashkët. Takimi i ndihmoi të kishin një start të frytshëm në punë. Ishte një start drejt sfidave të reja.
✱Sin.: vendnisje, fillim.
START/ÓJ vep., ~ÓVA, ~ÚAR kal. dhe jokal. Filloj; nis. Do të startonte një kapitull i ri në karrierën e tyre. Startoi emisioni më i ri në radion e qytetit. Para se të startonin gar…
Shfaq përkufizimin e plotë →STARIFÁT,~I m. sh. ~E, ~ET etnogr. Ai që u prin krushqve që shkojnë të marrin nusen; krushkaparë. Daja i dhëndrit ishte starifati. Në gjithë atë rrëmujë të dasmës vetëm zëri i star…
Shfaq përkufizimin e plotë →STARKÍNGE mb., kopsht. Mollë me lëkurë të kuqe të errët, tul të verdhemë në të bardhë e shumë të ëmbël. Ky varietet i mollëve starkinge ishte nga më të mirët. Mes shumë varietetesh…
Shfaq përkufizimin e plotë →STAROSLLAVÍSHT ndajf. Në sllavishten e vjetër kishtare. Studiuesi lexonte starosllavisht për të njohur formën origjinale të teksteve të vjetra biblike. Nuk dinte të lexonte starosl…
Shfaq përkufizimin e plotë →STAROSLLAVÍSHT/E,~JA f., gjuh. Sllavishte e vjetër kishtare. Starosllavishtja përdorej në përkthimet e teksteve biblike. E ndeshëm starosllavishten edhe në përdorimet e saj në kont…
Shfaq përkufizimin e plotë →STÁR/Ë,~A f. sh. ~A, ~AT vjet. Njësi mase, zakonisht për vajin, e barabartë me rreth njëzet okë. Vajti për të kërkuar tri stara vaj te fshatari. Kishin nxjerrë dhjetë stara vaj nga…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë