Fjalë që fillojnë me...
Fjalë me të njëjtat parashtesa ose tema fjalëformuese.
►STËRVÍT/EM jovep., ~A (u), ~ÚR 1. vetv. Bëj ushtrime të rregullta për të fituar aftësi e shkathtësi në një punë a detyrë. Atletët stërviteshin çdo ditë para garave. Ushtarët u stërvitën gjatë për përdorimin e armëve. Ishin stërvitur prej disa muajsh dhe tani ishin gati për të luftuar.
2. sport. Përgatitem për gara a për ndeshje me ushtrime të rregullta. Lojtarët u stërvitën në fushë para ndeshjes. Stërvitej çdo ditë në palestër. U stërvitën pa trajnerin atë ditë. Duhet të stërviten rregullisht nëse duan të jenë sportistë kampionë.
3. pës. e STËRVIT. Pas dëmtimit, u stërvit për një kohë të gjatë.
STËRVÍT (STËRVÍS) vep., ~A, ~UR kal. 1. E bëj të aftë për të kryer një punë nëpërmjet ushtrimeve të rregullta e mësimeve të vazhdueshme; i shtoj shkathtësinë dhe e zhvilloj me ushtrime të vazhdueshme; ushtroj. Oficeri stërviti disa grupe ushtarësh. Çdo ditë bënte vrap për të stërvitur trupin para garës. Ishte stërvitur për një kohë të gjatë. Rezervistët stërviten çdo ditë. Stërvit mendjen me leximet e ndryshme.
2. sport. Përgatit sportistët për gara a për ndeshje me ushtrime të rregullta. Trajneri stërvit atletët çdo ditë herët në mëngjes. Stërvitën fëmijët për disa orë.
3. E mësoj të bëjë diçka me anë të ushtrimeve (për kafshët). Stallieri stërviti mëzin. Stërviti zagarin për gjah gjatë gjithë ditës. Stërvit demin të heqë parmendën. Anëtarët e cirkut të qytetit stërvitën arinjtë për të luajtur në shfaqjen e asaj mbrëmjeje.
STËRVÍN/Ë,~A f. sh. ~A, ~AT Kërmë. Ishin sulur mbi të si sorrat në stërvinë. Këta zogj ushqehen me stërvina. Në atë birucë vinte era stërvinë.✱Sin.: ngordhësirë, cofëtinë.
Shfaq përkufizimin e plotë →STËRVÍT (STËRVÍS) vep., ~A, ~UR kal. 1. E bëj të aftë për të kryer një punë nëpërmjet ushtrimeve të rregullta e mësimeve të vazhdueshme; i shtoj shkathtësinë dhe e zhvilloj me usht…
Shfaq përkufizimin e plotë →STËRVÍTJ/E,~A f. sh. ~E, ~ET 1. Veprimi kur stërvit a stërvitem. Mjeku e udhëzoi ta vazhdonte stërvitjen e muskujve pas dëmtimit. Stërvitja e ushtarëve të mobilizuar zgjati disa di…
Shfaq përkufizimin e plotë →STËRVITÓR,~E mb., usht., sport. Që ka të bëjë me stërvitjen, i stërvitjes; që bëhet për t'u stërvitur. Plani stërvitor i rekrutëve të rinj do të zgjaste disa javë. Nevojitej një pë…
Shfaq përkufizimin e plotë →STËRVÍTUR (i, e) mb. 1. Që ka fituar aftësi dhe përvojë në një punë pas një kohe të gjatë; i ushtruar, i mësuar; që është shkathtësuar e zhvilluar me ushtrim të vazhdueshëm. Ishte …
Shfaq përkufizimin e plotë →STËRVÍTËS,~I m. sh. ~, ~IT 1. Ai që mëson kafshët të bëjnë veprime të ndryshme, ushtrime etj., sidomos për shfaqjet e cirkut, për gjah etj. Ishte një stërvitës i zoti. Stërvitësi i…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë