Fjalori
SPALCË

SPÁLC/Ë,~A f. sh. ~A, ~AT 1. zool. (lat. Solea solea) Peshk me disa lloje, i cekëtinave të ujërave të kripura e të ëmbla, deri rreth 70 cm gjatësi, me trup vezak e petashuq, me kurriz të murrmë e bark si të bardhë, me të dy sytë në anën e djathtë e trupit dhe me mish të shijshëm; ushqehet me butakë, krimba dhe peshq të vegjël. Peshkatarët nxorën nga rrjeta një tufë me spalca. Nëna përgatiti një darkë me spalca të pjekura që mbaruan sa hap e mbyll sytë.
2. zool. Pjesë e parë e emërtimeve të pathjeshta për disa lloje spalcash. Spalcë e egër (lat. Pagrus caeruleostictus) peshk rreth 50 cm i gjatë që jeton në fundet shkëmbore ose me zall në thellësi dhe ushqehet me peshq të vegjël, butakë, krimba dhe bimë. Spalcë e kuqe peshk me trup të gjatë e të shtypur, me kurriz në ngjyrë të trëndafiltë e me anët si të argjendta. Spalcë nate (lat. Diplodus sargus) peshk i cekëtinave të Atlantikut Lindor, Oqeanit Indian, Mesdheut dhe Detit të Zi, rreth 22 cm i gjatë, me shirita ngjyrë kafe të çelët e të errët për së gjeri, me dhëmbë të fortë me të cilët çan guaskat e midhjeve; ka mish të shijshëm sa kohë që është i freskët. Spalcë pullalie (lat. Pagellus bogareveo) peshk i Mesdheut dhe Atlantikut, me luspa e pendë të kuqe, rreth 30 cm i gjatë. Spalcë rëre (lat. Lithognathus mormyrus) peshk deti i Atlantikut Lindor, Mesdheut dhe Detit të Zi, i ngjashëm me spalcën e natës.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë