Fjalori
SOSEM

►SÓS/EMI jovep., ~A (u), ~ÚR bised. 1. vetv., v. III. Merr fund diçka që përdoret, harxhohet etj., nuk mbetet më, mbarohet. Iu sos kripa (mielli, sheqeri). U sosën drutë. U sosën librat në dyqan. Po i sosen fuqitë. M’u sos fryma mezi marr frymë.
2. fig., vet. v. III Arrin diçka në pikën më të lartë sa s'mund të përmbahet më. Iu sos durimi.
3. vetv., vet. v. ІІI Plotësohet, përmbushet. Iu sos çdo dëshirë.
4. Arrij në një vend, sos. U sosën shpejt (me vonesë). U sosën mirë e bukur.
✱Sin.: përfundon, kryhet, merr fund, harxhohet, shter, shteron, mehet, shterohet.
♦ Iu sosën *bukët (dikujt) keq. Më soset *fryma. Më soset *jeta.

SOSEM

SÓS/EMII jovep., ~A (u), ~ÚR vetv. 1. Vritem lehtë, plagosem. U sosa nga copa e drurit që mora në krah.
2. vet. v. III Hahet, hollohet deri në grisje prej përdorimit. Iu sosën rrobat e reja duke luajtur.
3. euf. Digjem pjesërisht. U sos e u shua.

Rezultate të tjera nga lematizimi ose nga ngjashmëria me formën përfaqësuese: SOS
SOS

SOSI vep., ~A, ~UR bised. 1. kal. I jap fund diçkaje, nuk lë më asnjë grimë a asnjë pikë, mbaroj. E sosi tërë miellin (bukën, lakrorin, gjellën, verën, ujin).
2. kal. E shpie deri në fund, e kryej plotësisht, përfundoj. Nuk e sosi fjalën. E sosi punën. Sosën së ngrëni.
3. kal. E ndaj mendjen, e vendos përfundimisht. E sosi mendjen, do të nisej të nesërmen.
4. fig., kal. Plotësoj, përmbush. Ia sosi dëshirat.
5. jokal., vet. v. ІІI Mjafton diçka për të kryer një punë, arrin. Nuk i sosin të hollat! Nuk i sosi stofi.
6. jokal. Arrij në një vend. Sosi në shtëpi (në punë). Sosi shëndoshë e mirë. Nuk sosi me kohë.
7. kal. Vdes, mbaron, e lënë fuqitë. Mos më vdis e mos më sos.
✱Sin.: shpenzoj, harxhoj, kryej.

SOS

SOSII vep., ~A, ~UR kal. Thumboj me fjalë. E soste me fjalë sa herë që i jepej rasti.

SOS

SOSIII vep., ~A, ~UR kal. Djeg, përcëlloj, zhurit. E paske sosë leqenikun (bukën).

SOS

SOS pj., bised. Përdoret në pyetjet dhe në shprehjet retorike me kuptim mohues ose për t'i dhënë shprehjes një ngjyrim dyshimi a mosbesimi ose qesëndie; se mos, nuk. Sos vjen për të mirë ai! Sos mendonin për ju! Sos ishte lopë e mirë!

SOS

SOS pasth., shkurt. (angl. shkurt. Save Our Souls - Shpëtoni Shpirtrat Tanë). Sinjal për të kërkuar ndihmë në rastin e fundosjes së anijes; sinjal i përgjithshëm ndërkombëtar për të kërkuar ndihmë për shpëtim nga një fatkeqësi. Jap sinjalin SOS. Anija lëshoi sinjalin SOS dhe shumë marinarë u nisën për ndihmë me mjete të ndryshme.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë