Fjalë që fillojnë me...
Fjalë me të njëjtat parashtesa ose tema fjalëformuese.
SKÉN/Ë,~A f. sh. ~A, ~AT 1. Pjesa e ngritur e teatrit ku luajnë aktorët e valltarët, ku këndojnë këngëtarët etj. Artistët dolën në skenë. I kishte munguar skena dhe duartrokitjet e publikut.
2. Tërësia e dekoreve që paraqitin vendin ku zhvillohet veprimi i një pjese teatrale. Kishin ndërtuar një skenë rrotulluese. Prezantuesi hyri (u ngjit, doli) disa herë në skenë. Ngjarja e vërtetë po zhvillohej prapa skenës (fig., keq.) fshehurazi, pa e marrë vesh të tjerët, prapa krahëve.
3. fig. Veprimtari në lëmin e artit dramatik; veprimtari në teatër. Mjeshtrit e skenës morën nderimet e merituara. Vuri në skenë pjesën e parapëlqyer e përgatiti një shfaqje dhe e dha.
4. teatër. Nënndarje e një akti gjatë së cilës luajnë të njëjtët personazhe; episod i veçantë i një drame, i një vepre tregimtare etj.; një ngjarje, një pamje nga natyra etj., që paraqitet në një vepër arti, në një film, në një emision etj. Në skenën e tretë të aktit të dytë kishte shumë figurantë. Ishte një skenë e vështirë për t’u realizuar. U gjend në mes të një skenë komike.
5. Episod i një vepre tregimtare, liriko-epike etj.; ngjarje, pamje nga natyra etj., që paraqitet në vepër arti, film, emision etj. Skenat e filmit ishin realizuar shumë mirë. Kishte nënvizuar shumë skena prekëse të tregimit (të romanit). Pikturë me skena imagjinare.
6 Ngjarje e jetës që zhvillohet para syve tanë; pamje. Ishte një skenë mallëngjyese (e papëlqyer).
7. fig. Tërësia e kushteve dhe e rrethanave në të cilat zhvillohen ngjarjet politike, shoqërore etj.; arenë: U largua nga skena politike.
✱Sin.: kuadër, shesh, pah, dukje.
♦ Doli në skenë (dikush) libr. u shfaq, u duk; u bë i rëndësishëm, nisi të shquhet a të veprojë; kund. doli (u largua) nga skena. Doli (u largua) nga skena (dikush) libr. iku, u zhduk; nuk ka më vlerë, nuk është më i rëndësishëm; nuk shquhet a nuk vepron më; kund. doli në skenë. Nxjerr në skenë (dikë a diçka) libr. e bëj të njohur për të tjerët, e vë në veprim; e bëj dikë të duket a diçka të përdoret. Punon prapa skenës (dikush) libr. keq. vepron fshehurazi nga sytë e botës, pa e marrë vesh të tjerët; punon nën rrogoz.
SKENÁR,~I m. sh. ~Ë, ~ËT 1. Teksti letrar që përmban përshkrimin e ngjarjeve e të veprimeve, dialogët e personazheve etj. dhe që shërben si bazë për një film. Në konkurs u paraqitë…
Shfaq përkufizimin e plotë →SKENARÍST,~I m. sh. ~Ë, ~ËT Autori i skenarit. Skenaristët dorëzuan tekstet e tyre për shqyrtim pranë komisionit.
Shfaq përkufizimin e plotë →SKENARÍST/E,~JA f. sh. ~E, ~ET Autorja e skenarit. Ishte një skenariste e re, paraqitej për herë të parë.
Shfaq përkufizimin e plotë →SKENÍK,~E mb., teatër. Që ka të bëjë me shfaqjet teatrale, që lidhet me skenën, i skenës; që përputhet me kërkesat e teatrit dhe të mjeshtërisë së aktorit, që është i përshtatshëm …
Shfaq përkufizimin e plotë →SKENÍL,~I m. sh. ~A,~AT Skaj arre që nuk mbillet asnjëherë. Hoqën barishtet e egra nga skenili. Nga mjegulla e dendur nuk dukeshin skenilat.
Shfaq përkufizimin e plotë →SKENÍM,~I m. sh. ~E, ~ET Vënie në skenë, përgatitje për skenë. Provat për skenimin po shkonin shumë mirë. Skenimi ishte në fazën përfundimtare.
Shfaq përkufizimin e plotë →SKENOGRÁF,~I m. sh. ~Ë, ~ËT Piktori që përgatit skenat për një shfaqje teatrale, muzikore etj. Konkursi u fitua nga një skenograf me përvojë. Skenografi po diskutonte me punëtorët …
Shfaq përkufizimin e plotë →SKENOGRÁF/E,~JA f. sh. ~E, ~ET Piktorja që përgatit skenat për një shfaqje teatrale, muzikore. Skenografja e re e teatrit. Të dyja skenografet ishin duke punuar.
Shfaq përkufizimin e plotë →SKENOGRAFÍ,~A f. sh. ~, ~TË 1. vet. nj. Mjeshtëria e përgatitjes së dekoreve të skenave për shfaqjet teatrale. Studion për skenografi. Dega e skenografisë po pëlqehej shumë.2. Tërë…
Shfaq përkufizimin e plotë →SKENOGRAFÍK,~E mb. Që ka të bëjë me skenografinë, i skenografisë. Ishin detajet skenografike ato që e bënë shfaqjen të kishte sukses.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë