Fjalë që fillojnë me...
Fjalë me të njëjtat parashtesa ose tema fjalëformuese.
SJÉLLІ vep., SÓLLA, SJÉLLË kal. 1. Mbart diçka nga vendi ku është dhe e vë diku më afër, bie; e mbart dikush nga larg dhe e bie në vendin ku jam unë; kund. shpie, çoj. Solli plaçkat në shtëpi. Solli orendi të reja. Na sollën veglat e punës. Sollën ujin në fshat. Më sill pak ujë!
2. Marr e bie dikë a diçka me vete; bie; kund. shpie, çoj. Solli një letër që kishte marrë. Kur erdhi në shtëpi, solli edhe djalin. Këtë trungun e solli uji.
3. Vij dhe bëj të ditur; vij e njoftoj diçka nga ana e një tjetri, bie një lajm a diçka tjetër; bie; kund. dërgoj, çoj, shpie. Solli një lajm të mirë. Na solli shumë lajme të reja. Na solli të fala. Nuk i solli përgjigje. Sjell mendimet e masës. Ka sjellë zërin e klasës punëtore.
4. Nxjerr dhe parashtroj, paraqit; e nxjerr atje ku dua, e bie (bisedën, fjalën). Solli shumë prova. E kishte sjellë si shembull. E sillte fjalën te prindërit.
5. Bëj që të vijë diçka si rrjedhim a si pasojë, shkaktoj. Kjo pija të sjell gjumë. Retë e zeza sjellin shi. Kjo qasje e re na sjell pengesa për realizimin e projektit. Ardhja e fëmijëve i solli shumë kënaqësi. Ky lajm i trishtueshëm sikur i pati sjelle vdekjen. Ndryshimi i itinerarit sjell me vete problematika të ndryshme.
6. fig. I siguroj a i dhuroj dikujt diçka që kërkon përpjekje e luftë për t'u arritur. Lajmi i shumëpritur i solli lirinë. Dy golat e fundit u sollën fitoren.
7. E bie diçka deri në një cak a përfundim; e bëj një punë a diçka deri në një pjesë. E solli gjer në gjysmë punën, pastaj e la. E ka sjellë në minutën e fundit porosinë. E sillte në të mbaruar kripën kamerieri, atëherë kur nuk duhej. Deri atje e kishin sjellë studiuesit paraardhës.
8. E bëj dikë a diçka të jetë a të vijë në një gjendje të caktuar (të mirë a të keqe). E solli në vete duke i folur (në udhë të mbarë). E sillte në qejf. E ka sjellë punën në vijë me ato që ka bërë (në rregull). Ai e solli në këtë gjendje (në këtë ditë). Ja ku e solli kokëfortësia (mendjemadhësia, pakujdesia)!
9. E tërheq dikë për të ardhur në një vend; e bëj të vijë a të kthehet diku. E solli malli për fshatin (për vendlindjen). Ç'e solli këtu?
10. vet. v. III Bën që të vijë a të ndodhë rastësisht ose pa e pritur e pa e kërkuar; më detyron të shkoj diku. E solli koha (rasti). E solli puna (nevoja). E solli hera (fati).
11. E vë të punojë në një organ drejtues a i jap një pozitë drejtuese; e pranoj në një institucion, organizatë etj. E sollën në fuqi (në pushtet). Sollën profesionistë të rinj në institucion.
12. I kthej njërën anë diçkaje ose e kthej nga njëra anë; i paraqit njërën anë; drejtoj. I solli fytyrën (kurrizin) diellit. E solli përmbys. Sille nga ana tjetër! Mos i sill sytë nga rruga! Sille kokën prapa!
13. bised. E shqep një rrobë dhe e qep nga faqja tjetër, kthej. Solli pallton (pantallonat).
14. E bëj që të vijë rrotull a të ecë përqark; rrotulloj. Sjell rrotën. E sjell rrotull. E kishte sjellë përqark shtëpisë.
15. fig., bised. Nuk ia mbaroj një punë dikujt dhe ia zvarrit për një kohë të gjatë; e vonoj dikë, e sorollat. E solli ditë të tëra kot. Mos i sill njerëzit! Po i sjell poshtë e përpjetë (rrugëve).
16. Ringjall në kujtesë. Sjell ndër mend kujtoj. E solli në hatër, bised. e kujtoi, e solli në kujtesë. Ia solli ndër mend, ia kujtoi.
✱Sin.: rrotulloj, end, bëj.
♦ E sjell *anepërqark (dikë). E sjell (e vë) në *binarë (dikë). Sjell të *çara (në diçka). E solli (e vuri në (për) *fije (diçka). Ma solli te *hunda (dikush). E sjell (e bie) në *jetë (dikë). E solli (e pruri) *kokën (kryet) (dikush) mospërf. E solli (e pruri) kryet (*kokën) (dikush) mospërf. E solli në *kut (diçka). E sjell ndër* mend (dikë a diçka). E sjell në *mendje (dikë a diçka). E sjell në *rreth (dike a diçka). Ia sjell mendjen *rrotull (dikujt). Ia sjell mendjen *vërdallë (dikujt). Ia sjell (ia bie, ia hedh) *rrotull (dikujt). E sjell *rrotull (dikë). Ma solli në *shteg (dikë a diçka). Të sjellçin me *tabut! mallk. E sjell në *terezi (dikë a diçka). E sjell në *vete (dikë). E sjell *vërdallë (dikë). E solli (e vuri) në *vijë (dikë a diçka).
SJELLAKÉQ,~E mb. Që është ndjellakeq ose ogurzi dhe parashikon se një ngjarje negative mund të ndodhë në të ardhmen. Zëri sjellakeq i korbit kumbonte nëpër natë.
Shfaq përkufizimin e plotë →SJÉLLJ/E,~A f. sh. ~E, ~ET 1. Mënyra si vepron njeriu në jetë, në shoqëri, në shkollë etj.; qëndrimi në marrëdhënie me të tjerët ose kundrejt detyrave e në rrethana të caktuara. Sj…
Shfaq përkufizimin e plotë →SJÉLLÇ,~I m. sh. ~A, ~AT 1. Dorëza që rrotullon boshtin e mullirit të kafesë. Mullirit i ishte dëmtuar sjellçi dhe nuk punonte. E lëvizte me shpejtësi sjellçin që ta bluante sa më …
Shfaq përkufizimin e plotë →SJÉLLË (i, e) mb. I bartur; i transportuar. Trupi i sjellë për homazhe ishte vendosur në qendër të sallës.
Shfaq përkufizimin e plotë →SJÉLL/Ë,~AI (e) f. sh. ~A, ~AT (të) Mënyrë sjelljeje, qëndrim. E sjella e saj ishte shumë e keqe.
Shfaq përkufizimin e plotë →SJÉLL/Ë,~AII (e) f. sh. ~A, ~AT (të) 1. Qarkullim (kapitali, mallrash). Të sjellat vjetore plotësuan fondet për qytetin.2. Rrotullim. Iu morën mendtë nga e sjella e kokës.3. Prurje…
Shfaq përkufizimin e plotë →SJÉLLË ndajf. Vonë. Erdhi mjaft sjellë.
Shfaq përkufizimin e plotë →SJÉLLËS,~E mb. Që sjell a që bie diçka. Pëllumbi sjellës mbërriti në kohë.
Shfaq përkufizimin e plotë →SJÉLLËS,~I m. sh. ~, ~IT 1. Prurës. Sjellësi i letrës ishte një djalë i ri. 2. tek. Vegël e një makine që rrotullon një pjesë të saj a diçka tjetër. Sjellësi i makinerisë kishte nj…
Shfaq përkufizimin e plotë →SJÉLLËS/E,~JA f. sh. ~, ~ET 1. Prurëse. Nuk foli për sjellësen e mesazhit.2. Ajo që gjuan me armë. Sjellësja mori shenjë.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë