Fjalori
SIPAS

SIPÁS parafj. Përdoret me një emër a përemër në rasën rrjedhore për të treguar së bashku me të:
1. Dukurinë, në përputhje me të cilën ose në bazë të së cilës bëhet një veprim ose paraqitet një gjendje; në pajtim me diçka. Dita u organizua sipas planit që bëmë. Sipas rregullores, të gjithë duhet të paraqiteshin në punë. Sipas marrëveshjes dypalëshe që u nënshkrua, pakti duhej respektuar. Mjaft bëre sipas qejfit! Do të veproni sipas udhëzimeve të dhëna.
2. Burimin nga vjen një lajm a një njoftim. Sipas gazetave, gjendja e qytetit pas përmbytjeve nuk ishte e mirë. Sipas lajmeve të fundit, aktivitetet nuk do të zhvilloheshin. Sipas parashikimeve të stacionit meteorologjik, deti do të ishte me dallgë e aspak i përshtatshëm për lundrim.
3. Sendin a dukurinë, që shërben si bazë për përpjesëtimin e një veprimi. Fustanin e kishte qepur sipas trupit. Sipas punës që bënte, donte t’i njihnin edhe meritat. Sipas nevojave duheshin bërë edhe kërkesat. Sipas kokës edhe festen. (fj. u.).
4. Dukurinë, në varësi nga e cila bëhet diçka. Sipas rrethanave do të veprojmë edhe ne. Planet do t’i bënim sipas gjendjes shëndetësore të motrës.
5. Bartësin e një mendimi a pikëpamjeje. Sipas meje, duhet të mendohesh mirë para se të veprosh. Sipas mendimit tonë, kjo situatë nuk duhet të kishte shkuar kështu.
✱Sin.: pas, mbi.

Rezultate të ngjashme

SIPAR

SIPÁR,~I m. sh. ~E, ~ET 1. teatër. Perde e gjatë që shërben për të mbuluar skenën e teatrit, duke lënë të zbuluar vetëm paraskenën, që duke u ulur ose ngritur tregon fillimin apo m…

Shfaq përkufizimin e plotë →
SIPARASHTESË

SIPARASHTÉS/Ë, ~A f. sh. ~A, ~AT gjuh. Pjesë fjale e ngjashme me parashtesën, që shërben për formimin e fjalëve të reja. Siparashtesat janë një kategori e diskutueshme në studimet …

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë