Fjalori
SHUKEM

►SHÚK/EM jovep., ~A (u), ~UR 1. vetv. Mblidhem shuk, mblidhem kruspull; tulatem. U shukën në një qoshe. U shuk si iriq. - Shuku aty!
2. vetv. Rrëzohem shakull përtokë a mbi diçka tjetër; bie top në vend. U shuk mbi krevat. U shuk si shakull.
3. vetv. Troshitem. U shukën nëpër një udhë me gropa.
4. vetv. Kapem me dikë duke përplasur njëri-tjetrin në shesh. U shukën një copë herë. - Mjaft u shukët!
5. pës. e SHUK.
✱Sin.: shukatem, shukosem, rrudhet, zhubroset, mblidhem, shtypet, ngjishet, përplasem, përtroll, përtrollitem, shakullisem, troshitem.

Rezultate të tjera nga lematizimi ose nga ngjashmëria me formën përfaqësuese: SHUK
SHUK

SHUK,~U m. sh. ~A, ~AT 1. Top i vogël që bëhet duke mbledhur e duke ngjeshur një leckë, një rrobë, një letër, një grusht dëborë ose diçka tjetër; lëmsh. Shuk i madh (i vogël). Shuk letrash (leckash, parash). Shuk leshi (pambuku). Shuk dëborë. Shuk brumi (hallve, balte). Shuka gjeli toptha brumi për të ushqyer gjelat e detit që të majmen. Shuka buke. I shëndoshë si shuk topolak, buçko (për fëmijët). Një shuk me lekë një grumbull me lekë.
2. kryes. nj. Kulmi i të ftohtit; cegëm. Shuku i të ftohtit.
3. Bletë e re që largohet nga zgjoi në pranverë, shemë, luzmë. Shuku i bletës.
✱Sin.: topth, lëmsh, sukull, përboç, shemë, luzmë, cegëm.

SHUK

SHUK ndajf. 1. Duke u mbledhur e duke u bërë topth; lëmsh, kruspull. E mblodhi përparësen shuk. E bëri kapelën shuk. U mblodh shuk nga ethet.
2. Vdekur në vend, top. E la shuk aty. Ra shuk në shtrat.
✱Sin.: top, lëmsh, kruspull, lëmuq, plis, vdekur.
♦ U bë shuk (dikush) u mblodh nga frika, nga dhembjet etj.; u bë (një) grusht; u bë lëmsh. E bëri shuk e kupë (diku a diçka) e bëri rrëmujë të madhe; e ngatërroi keq, përzjeu gjëra të ndryshme, i pështjelloi punët; i ngatërroi keq njerëzit ndërmjet tyre; e bëri lesh e li; e bëri lesh arapi; e bëri lëmsh; e bëri çorap; e bëri çorbë. E la shuk në vend (dikë) shih e la top në vend (dikë). Ia la shuk (diçka) ia la dikujt një punë a diçka tjetër në një gjendje të tillë, që s’di ç’të bëjë a nga ta kapë, ia përplasi dhe nuk e ndihmon fare; ia la shtupë; ia la në derë. Mbes shuk në vend qëndroj në një vend e nuk lëviz fare a s’mund të lëviz.

SHUK

SHUK vep., ~A, ~UR kal. 1. Mbledh a bëj shuk diçka; e shtyp, e mbështjell pa rregull, duke e zhubrosur (për rrobat); e ngjesh mirë; shukat, shukos. Shuk paketën me cigare. I shukën rrobat. E shuku fustanin.
2. E rrah dikë. E shuku mirë brumin. E shuku me dru e rrahu mirë.
3. Hedh me forcë diçka përtokë a pas një sendi tjetër të fortë; përplas. E shuku topin. Ua shuku kokat. E shuku pas derës (pas murit).
4. E përplas dikë a e trondit një mjet udhëtimi. Na shuku makina. Na shuku zorrët.
5. Bëj dikë të heshtë. E shuka se na lodhi kokën duke folur shumë.
6. Shuaj, fik. Shuk zjarrin.
7. fig. Ul, shuaj. - Shuke zërin!
✱Sin.: shukat, shukos, rrudh, zhubros, mbledh, shtyp, ngjesh, mbështjell, përplas, përtroll, përtrollis, shakullis, troshit.

SHUK

SHÚK,~Ë mb., keq. Që është i mbledhur gjymtyrësh; ulok. Plak shuk. Plakë shukë.

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë