Fjalori
SHTRESË

SHTRÉS/Ë,~A f. sh. ~A, ~AT 1. kryes. sh. Dyshek a rrobë tjetër që shtrojmë poshtë për të fjetur; qilim, shkorsë a diçka tjetër që shtrojmë për të ndenjur a për të zbukuruar dhomën. Shtresa e mbulesa. Ngre (shkund) shtresat.
2. Kashtë, gjethe, fier etj. që u shtrohet bagëtive për të ndenjur ngrohtë e pastër dhe për të shtuar plehun; shtrojë. U vë shtresë lopëve.
3. Lëndë e shtrirë, me sipërfaqe të gjerë dhe me trashësi të ndryshme, që është e shtruar mbi diçka, mbulon diçka, është si pjesë e diçkaje ose qëndron midis dy sipërfaqesh, duke u puqur me to. Shtresë e hollë (e trashë). Shtresë e butë (e fortë). Shtresa e parë (e dytë, e tretë...). Shtresa e sipërme (e poshtme). Shtresa e brendshme (e jashtme, e mesme). Shtresat e larta të atmosferës. Shtresa e sipërme e rrugës. Shtresa pjellore e tokës. Shtresë bore (akulli). Shtresë pluhuri. Shtresë metali (ari, argjendi, gome). Shtresë betoni (suvaje). Shtresë dheu (plehu, rëre, zhavorri, gurësh, druri). Shtresë dylli. Shtresë gjalpi (dhjami, kremi). Shtresa e bojës (e gëlqeres).
4. gjeol. Masë shkëmbi, minerali a lënde tjetër, me përbërje pak a shumë të njëjtë e me trashësi të ndryshme, që shtrihet si një brez i gjerë ndërmjet lëndësh të tjera në koren e tokës. Shtresë gjeologjike. Shtresë e pjerrët (horizontale). Shtresa të pasura. Shtresa hekuri (gjipsi, qymyri). U zbuluan shtresa të reja.
5. Pjesë e një klase shoqërore ose grup njerëzish me gjendje shoqërore të njëjtë, që kanë po atë nivel jetese e shkallë kulture dhe pikëpamje pak a shumë të njëjta; grup shoqëror. Shtresë shoqërore. Shtresat e gjera të popullit. Shtresat e ulëta (e larta). Shtresë e varfër (e mesme, e pasur). Shtresë e privilegjuar. Njeri i shtresës. bised. njeri me prejardhje nga shtresat e varfra të shoqërisë shqiptare përpara Çlirimit, që u lidhën me Luftën Nacional-Çlirimtare dhe me pushtetin popullor.
6. arkeol. Brez toke në thellësi, që përmban sende të një periudhe të caktuar historike. Shtresë kulturore. Shtresë homogjene (e përzier).
7. gjuh. Grup fjalësh në përbërjen e fjalorit të një gjuhe a të disa gjuhëve, që kanë veçori të përbashkëta stilistike, prejardhje të njëjtë etj. Shtresë leksikore (stilistike). Shtresa indoevropiane.
♦ Hedh një shtresë (një *brez).

Rezultate të ngjashme

SHTRESËHOLLË

SHTRESËHÓLLË mb., gjeol. Që është si një shtresë e hollë; kund. shtresëtrashë. Gëlqerorë shtresëhollë.

Shfaq përkufizimin e plotë →
SHTRESËZIM

SHTRESËZÍM,~I m. sh. ~E, ~ET 1. Shtresim. 2. spec. Të qenët shtresa-shtresa, përbërja prej shtresash; mënyra e vendosjes së këtyre shtresave. Shtresëzim i pjerrët (i kryqëzuar, par…

Shfaq përkufizimin e plotë →
SHTRESËZOHET

►SHTRESËZ/ÓHET jovep., ~ÚA (u) vetv., vet. v. III Shtresohet.

Shfaq përkufizimin e plotë →
SHTRESËZOJ

SHTRESËZ/ÓJ vep., ~ÓVA, ~ÚAR kal. Shtresoj.

Shfaq përkufizimin e plotë →
SHTRESËZUAR

SHTRESËZÚAR (i, e) mb., gjeol. Që e ka ndërtimin shtresa-shtresa; shtresor. Gëlqeror i shtresëzuar. Xeheror i shtresëzuar. Shkëmbinj të shtresëzuar.

Shfaq përkufizimin e plotë →
SHTRESIM

SHTRESÍM,~I m. sh. ~E, ~ET Veprimi kur shtresoj diçka ose kur shtresohet. Shtresimi i lëndëve. Shtresimi i leksikut.

Shfaq përkufizimin e plotë →
SHTRESINË

SHTRESÍN/Ë,~A f. sh. ~A, ~AT Pjesa e poshtme e shtëpisë që shtrohet me gurë.

Shfaq përkufizimin e plotë →
SHTRESOHET

►SHTRES/ÓHET jovep., ~ÚA (u), ~ÚAR vet. v. III 1. vetv. Shtrohet shtresa-shtresa; vendoset si shtresë mbi një tjetër. Shtresohet dhjami. 2. pës. e SHTRESÓJ.

Shfaq përkufizimin e plotë →
SHTRESOJ

SHTRES/ÓJ vep., ~ÓVA, ~ÚAR kal. Shtroj diçka shtresa-shtresa; vendos një shtresë mbi një tjetër. Shtreson pleh.

Shfaq përkufizimin e plotë →
SHTRESOR

SHTRESÓR,~E mb. Që është i ndërtuar prej shtresash të vendosura njëra mbi tjetrën, që është shtresa-shtresa; i shtresëzuar. Re shtresore. Toka (minerale) shtresore. Strukturë shtre…

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë