Fjalë që fillojnë me...
Fjalë me të njëjtat parashtesa ose tema fjalëformuese.
SHTRËNG/ÓJ vep., ~ÓVA, ~ÚAR kal. 1. E rrok dikë a diçka dhe e mbaj me forcë; e shtyp duke e pushtuar nga të gjitha anët a duke e ngjeshur pas diçkaje; afroj pranë njëri-tjetrit dy a më shumë sende ose pjesë të një sendi dhe i ngjesh a i shtyp. Shtrëngoj dhëmbët (nofullat, buzët, sytë). Shtrënguan duart. I shtrëngoi dorën. Shtrëngoj grushtet. Shtrëngoj armën (pushkën). Mos e shtrëngo penën (lapsin)! E shtrëngoi në gjoks (në gji). E shtrëngoi në fyt. E shtrëngoi me krahë (me dhëmbë). E shtrëngoi pas murit. E shtrëngoj fort.
2. E tërheq diçka duke e bërë më të ngushtë, e ngushtoj me forcë; e lidh fort, e mbledh, e ngjesh a e tkurr diçka duke tërhequr fort një fill, një rrip, një litar etj., që ia kam shkuar përreth; mbledh, tkurr (muskujt etj.); kund. liroj. Shtrëngoj rripin (pantallonat). Shtrëngoj mesin (belin). Shtrëngoj kokën (ballin) me shami. Shtrëngoi lakun (nyjën). Shtrëngoi (frerin kapistrën, litarin, nënbarken, rripin). Shtrëngoj dengun (duajt e grurit). Shtrëngoj muskujt. Shtrëngoj me tel.
3. E rrotulloj diçka për ta vidhosur deri në fund që të zërë vend mirë e të mos lëvizë; e mbërthej më fort diçka në vendin e vet me dorë a me një mjet; kund. liroj. Shtrëngoj vidhën. Shtrëngoj bravën (dorezën). Shtrëngoj me dorë (me darë).
4. vet. v. III, fig. Bëhet më e fortë a më e mprehtë, më ngacmon shumë, s’më lë të qetë; ndiej nevojë të ngutshme të dal jashtë. E ka shtrënguar uria. Më shtrëngoi reumatizmi (rrufa, kolla). E shtrëngoi ujët e hollë.
5. Më rri e ngushtë e më vret pak (për këpucët, veshjet etj.). Më shtrëngojnë këpucët. Më shtrëngojnë mëngët. Më shtrëngon xhaketa te sqetullat.
6. E detyroj dikë të veprojë në një mënyrë të caktuar kundër vullnetit e dëshirës së tij. E shtrëngoi skamja. E shtrënguan me dhunë. E shtrënguan, po nuk tregoi. E shtrënguan të largohej. Nuk e shtrëngoi njeri të nisej.
7. E ngjesh dikë duke u ulur pranë tij në një vend të ngushtë. Na shtrënguan shumë. Ec më tutje se na shtrëngove!
8. fig. I vë fre, e disiplinoj, e kufizoj në sjellje e në veprime. Shtrëngoji ca fëmijët!
9. jokal. Fillon e bëhet më i fortë, shtohet, rritet, dendësohet etj. Shtrëngoi vapa (të ftohtët). Shtrëngoi dimri. Shtrëngoi era (shiu, dëbora). Shtrëngoi puna u shtua puna shumë.
♦ Shtrëngoj *brezin. Ia shtrëngoi *çivitë (dikujt) bised. Ia shtrëngoi *darën (darët) (dikujt). Ia shtrëngoi (ia mblodhi) *dizgjinët (dikujt). E shtrëngoj *dorën. I shtrëngoj *dorën (dikujt). Shtrëngoj *dhëmbët. Ia shtrëngon *dhëmbët (dikujt). Ia shtrëngoi (ia mblodhi) *frerin (dikujt). Shtrëngon *grushtet (dikush). Ia shtrëngoi *hallkën (dikujt). Ia shtrëngoi *kapistrën (kapistallin) (dikujt). Nuk e ka shtrënguar (nuk e ka vrarë) *këpuca (opinga) (dikë). Ia shtrëngoi *lakun (dikujt). Nuk e ka shtrënguar (nuk e ka vrarë) opinga (*këpuca) (dikë). Ia shtrëngoi *palldëmin (dikujt). Shtrëngoi *puna. Ia shtrëngoi *qinglën (dikujt). Shtrëngoj (ngjesh) *radhët. Ia shtrëngoi (ia mblodhi) *retrat (dikujt). I shtrëngoi *rrathët (dikush). Ia shtrëngoi *rrathët (dikujt). Ia shtrëngoi (ia mblodhi) *rripat (rripin) (dikujt). Shtrëngoj *rripin. Shtrëngoj *rripat. Më shtrëngoi *veza. Ia shtrëngoj *vidhat (burgjitë) (dikujt).
SHTRËNGÁT/Ë,~A f. sh. ~A, ~AT 1. Shi i rrëmbyer, me erë të furishme, me shkreptima e me bubullima, që fillon menjëherë e zakonisht nuk zgjat shumë; stuhi; furtunë. Shtrëngatë e mad…
Shfaq përkufizimin e plotë →SHTRËNGÉS/Ë,~A f. sh. ~A, ~AT 1. bised. Shtrëngesë ekonomike. Kishte vënë shtrëngesë të madhe. Ç'shtrëngesë e shtyri? 2. Të qenët shtrënguar a ngjeshur. Nuk lëviznin dot nga shtrën…
Shfaq përkufizimin e plotë →SHTRËNGÍC/Ë,~A f. sh. ~A, ~AT Iu gjend në shtrëngicë. I bëri ballë shtrëngicës.
Shfaq përkufizimin e plotë →SHTRËNGÍM,~I m. sh. ~E, ~ET 1. Veprimi kur shtrëngoj diçka ose kur shtrëngohem. Shtrëngime duarsh. Shtrëngimet e muskujve. Shtrëngim në zemër. 2. Detyrimi që i bëhet dikujt për të …
Shfaq përkufizimin e plotë →►SHTRËNG/ÓHEM jovep., ~ÓVA (u), ~ÚAR 1. vetv. Mblidhem e ngjishem pas dikujt a pas diçkaje, afrohem shumë te dikush a te diçka; pushtoj fort dikë a diçka duke iu ngjeshur pas, i af…
Shfaq përkufizimin e plotë →SHTRËNGÓNJË,~A f. sh. ~A, ~AT bot. Shtara e bardhë.
Shfaq përkufizimin e plotë →SHTRËNGÚAR (i, e) mb. 1. Që është rrokur fort nga të gjitha anët; që është ngjeshur me forcë pas një tjetri a pas diçkaje, që është shtrënguar. Me dhëmbë të shtrënguar. Me nofulla …
Shfaq përkufizimin e plotë →SHTRËNGÚAR ndajf. 1. Duke e rrokur fort nga të gjitha anët ose duke e ngjeshur fort pas dikujt a pas diçkaje, duke e shtrënguar. Me grushtet (me dhëmbët) shtrënguar. E mbaj shtrëng…
Shfaq përkufizimin e plotë →SHTRËNGÚES,~E mb. 1. Që shërben për të shtrënguar me forcë diçka. Makinë shtrënguese. Vidhë shtrënguese. Rrip (zinxhir) shtrëngues. 2. Që ndihet si shtrëngim, që të duket sikur të …
Shfaq përkufizimin e plotë →SHTRËNGËL,~A f. sh. ~A, ~AT bot. Dredhka.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë