Fjalori
SHQEPEM

►SHQÉP/EM jovep., ~A (u), ~UR 1. vetv., vet. v. III Hapet një e qepur duke u këputur peri; ndahet a shkëputet një pjesë e qepur nga një veshje. Iu shqep këmisha (jaka, mënga). Iu shqep këpuca. Ku je shqepur kështu?
2. vetv., vet. v. III Shkulet nga vendi, zbërthehet; shembet, shkëputet e rrëzohet. U shqepën dërrasat. U shqep dera. U shqep një gur nga mali.
3. fig., vetv. (me një trajtë të shkurtër të përemrit vetor në r. dhanore; zakonisht moh.). Ndahem, shkëputem, largohem. Nuk m'u shqep gjithë rrugës. S'të shqepet! Mos iu shqep!
4. bised., vetv. Ha shumë, ha sa fryhem, zhdëpem së ngrëni, dendem; fitoj shumë, marr shumë para, i mbush xhepat plot. U shqepën me rrush. U shqep së ngrëni. Hëngri sa u shqep. U shqepën me para.
5. fig., bised., vetv. Kënaqem duke bërë diçka që më pëlqen, aq sa kam qejf vetë. U shqepën me muhabet (duke luajtur). U shqepën së qeshuri.
6. krahin., vetv. Shpërndahem, përndahem; përhapem. Dhitë janë shqepur shpatit. Shqepemi, burra, se u bë vonë!
7. pës. e SHQEP.

Rezultate të tjera nga lematizimi ose nga ngjashmëria me formën përfaqësuese: SHQEP
SHQEP

SHQEP vep., ~A, ~UR kal. 1. Hap një të qepur, duke prerë a duke këputur perin; ndaj a shkëput njërën nga tjetra pjesët e qepura të një veshjeje; kund. qep. Shqep këmishën (pallton, jastëkun). Shqep mëngën (jakën, xhepin).
2. Shkul nga vendi; zbërthej; shemb, shkëput e rrëzoj. Shqep dërrasat e dyshemesë. Mos e shqep parmakun! Shqep shkëmbinj nga mali.
3. fig. Ndaj me forcë, shkëput, largoj. S'e shqep gjë prej saj.
4. përf., vet. v. III E bën copë-copë, e shqyen, e çan (për egërsirat). E shqepi ujku kaun (delen).
5. bised., përf. Ha duke e zhvatur; ha gjer në fund (për mishin). Po shqepte një kofshë qengji. E shqepi pulën.
6. fig., bised., përf. E rrah fort dikë, e shemb; e mund keqas (në një ndeshje sportive a në një lojë tjetër). E shqepi në dru (në hu). E shqepi me grushte. E shqepi së rrahuri. Në futboll i shqepën.
7. fig., bised. Ngop, dend. Të shqep me gënjeshtra.
8. krahin. Shpërndaj; përhap. U shqep cigare miqve. I shqepën nëpër çeta. Shqep plehun në arë.
♦Qep një *pëllëmbë e shqep një pash (dikush). *Qep e shqep (dikush). E shqepi (e shtroi, e zhdëpi, e ngordhi) në *dru (dikë).

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë