Fjalori
SHPRETKË

SHPRÉTK/Ë,~A f. sh. ~A, ~AT anat. 1. Organ në trajtën e një gjuhe në anën e majtë të zgavrës së barkut te njeriu dhe te kafshët kurrizore, që për bëhet prej një indi të butë si sfungjer e me ngjyrë të kuqe të errët dhe që merr pjesë në formimin e gjakut e në shkëmbimin e lëndëve; ky organ i disa kafshëve që përdoret si ushqim. Me shpretkë të ënjtur (të zmadhuar). Shpretkë e pjekur (e fërguar). Shpretkë e mbushur një lloj gjelle me shpretkë. Shpretkë lope (qengji). Zmadhimi i shpretkës. Ka shpretkën. (bised.) i është ënjtur shpretka (zakonisht nga sëmundja e malaries).
2. veter. Sëmundja e plasjes te kafshët.
3. bised. Shtresë e trashë si pelte që formohet në uthull nga shtimi e përqendrimi i mikroorganizmave, shtrati i uthullës.
♦Më ra shpretka (nga gazi) qesha shumë, u këputa së qeshuri me të madhe, u gajasa; mbaj barkun me dorë; mbaj ijet me dorë; mbaj (zë) brinjët me dorë; rashë në shpinë (në kurriz). Ma nxiu (ma hëngri) shpretkën (dikush) më mundoi shumë, më sfiliti, më ka sjellë shumë kokëçarje, më ka hapur shumë telashe, nuk më lë të qetë; më bëri gjysmë njeriu; ma poqi mëlçinë. Më plasi shpretkën (dikush a diçka) shih më plasi shpirtin (zemrën) (dikush a diçka).

Rezultate të ngjashme

SHPRETKËZ

SHPRÉTKËZ,~A f. sh. ~A, ~AT veter. Ënjtja e shpretkës te bagëtitë.

Shfaq përkufizimin e plotë →

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë