Fjalë që fillojnë me...
Fjalë me të njëjtat parashtesa ose tema fjalëformuese.
SHKARKÚES,~I m. sh. ~, ~IT 1. Ai që shërben për të ngarkuar a shkarkuar mallin, ngarkesën. Shkarkuesit e portit. Shkarkuesit e trupave. Greva e shkarkuesve.
2. hidrotek. E çarë në pjesën e sipërme të digës, kapërderdhës a tunel, që shërben për të shkarkuar ujin e tepërt të një rezervuari. Shkarkues sipërfaqësor. Shkarkues thellësie. Rezervuar me shkarkues. Shkarkuesit e hidrocentralit. Rikonstruksioni i shkarkuesit.
3. Pajisje a mjet i përdorur për të shkarkuar diçka. Shkarkues uji. Shkarkues boje solucion që shërben për të hequr ngjyrën artificiale tek flokët.
4. elektr. Aparat elektrik që shërben për të ruajtur pajisjet elektrike nga mbitensioni dhe që është i përbërë prej dy elektrodash, ndërmjet të cilave ndodh një shkarkesë elektrike kur tensioni arrin një vlerë të caktuar; rrufepritës. Shkarkues kundër rrufeve. Shkarkues sferik. Shkarkues me disqe (me shkëndija). Shkarkues mekanik.
4. bised., mjek. Medikament që ndihmon në zbrazjen e ujërave të tepërta në trup, diuretik. Pi një shkarkues në mëngjes. Kishte mbetur pa shkarkues.
5. vjet. Ai që fajëson dikë ose e bën përgjegjës atë për një faj. Të gjithë ia ngulën sytë atij shkarkuesi mashtrues. Ishte ai shkarkuesi kryesor që e bënte fajtor.
✱Sin.: kapërderdhës, vendshkarkim, përmbysës, rrufepritës.
SHKARKÉS/Ë,~A f. sh. ~A, ~AT 1. elektr. Çlirimi dhe kalim i menjëhershëm i një ngarkese elektrike nga një trup në një tjetër, shkarkim. Shkarkesë elektrike. Shkarkesë e fuqishme e …
Shfaq përkufizimin e plotë →SHKARKÍ,~A f. sh. ~, ~TË Arsyeja që sjell dikush për të shkarkuar veten nga ndonjë faj, shfajësim, justifikim, bishtni. Nuk ka asnjë shkarki për dhunën. Për çdo veprim kërkon të gj…
Shfaq përkufizimin e plotë →SHKARKÍM,~I m. sh. ~E, ~ET 1. Veprimi kur heqim një ngarkesë a barrë; heqje a pakësim i ngarkesës; kund. ngarkim. Shkarkimi i mallit. Shkarkimi i materialeve u krye me sukses. Shka…
Shfaq përkufizimin e plotë →►SHKARK/ÓHEM jovep., ~ÓVA (u), ~ÚAR 1. vetv. (zakon. me një trajtë të shkurtër të përemrit vetor në r. dhanore). Shfrej inatin te dikush, i zbrazem dikujt. Iu shkarkua të shoqit. I…
Shfaq përkufizimin e plotë →SHKARK/ÓJ vep., ~A, ~UR 1. kal. Heq ose ul ngarkesën nga një mjet transporti ose nga një kafshë; pakësoj, zbraz; kund. ngarkoj. Shkarkoi grurin. Shkarkoi thasët. Shkarkoj anijen (k…
Shfaq përkufizimin e plotë →SHKARKÚAR (i, e) mb. 1. Që i është hequr ngarkesa; i pakësuar; kund. i ngarkuar. Rimorkio e shkarkuar. Barrë e shkarkuar.2. Që e ka lënë ngarkesën në vendin e caktuar. Dru të shkar…
Shfaq përkufizimin e plotë →SHKARKÚAR,~I (i) m. sh. ~, ~IT (të) Ai që është shkarkuar nga një detyrë. I shkarkuari erdhi sërish në zyrë.
Shfaq përkufizimin e plotë →SHKARKÚAR,~A (e) f. sh. ~A, ~AT (të) Ajo që është shkarkuar nga një detyrë. E shkarkuara kërkonte arsye.
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë