Fjalë që fillojnë me...
Fjalë me të njëjtat parashtesa ose tema fjalëformuese.
SHFRYTËZÚAR (i, e) mb. 1. Që është përdorur për përfitime materiale ose jomateriale, që është shfrytëzuar. Galeri të shfrytëzuara. Pyll i shfrytëzuar. Sipërfaqe toke e shfrytëzuar. Libër i shfrytëzuar. Literaturë e shfrytëzuar. Para të shfrytëzuara për të blerë armë.
2. Që është shfrytëzuar nga dikush tjetër për të nxjerrë fitime. Punëtorë të shfrytëzuar. Burrë i shfrytëzuar. Shërbëtor i shfrytëzuar.
✱Sin.: i përdorur, i shpenzuar, i prishur, i robëruar, i shtypur.
SHFRYTËZÚAR,~I (i) m. sh. ~, ~IT (të) Ai që shfrytëzohet nga dikush tjetër për të nxjerrë fitime; kund. shfrytëzues. Shtypja e të shfrytëzuarve. Bota e të shfrytëzuarve.
✱Sin.: i përdorur, i robëruar, i shtypur.
SHFRYTËZÚAR,~A (e) f. sh. ~A, ~AT Ajo që shfrytëzohet nga dikush tjetër për të nxjerrë fitime; kund. shfrytëzuese. E shfrytëzuara foli më në fund. E shpëtuan nga ai rrjet të shfrytëzuarën.
✱Sin.: e përdorur, e robëruar, e shtypur.
SHFRYTËZ/ÓJ vep., ~ÓVA, ~ÚAR kal. 1. Vë në përdorim për të nxjerrë fitime (zakonisht për një burim natyror). Shfrytëzoj pasurinë e detit. Shfrytëzoj erën. Shfrytëzuan burimin e ujit.
2. Nxjerr sa më shumë të ardhura duke përfituar nga puna dhe mundi i të tjerëve, përfitoj. Shfrytëzoj punën e emigrantëve të paligjshëm. Shfrytëzojnë punëtorët. Shfrytëzojnë egërsisht (pa mëshirë gjer në palcë). Shfrytëzon forcën e lirë të krahut të punës.
3. Vë në sundim një vend tjetër për të nxjerrë prej tij përfitime sa më të mëdha, e nënshtroj; shtyp; kund. liroj. Shfrytëzojnë vendet pak të zhvilluara. Shfrytëzojnë vendet që janë përfshirë në luftë.
4. Përdor diçka për një qëllim të caktuar, nuk e lë të shkojë kot; e përdor për qëllime të mira diçka, frytëzoj. Shfrytëzojnë mjetet (makinat, makineritë, pajisjet). Shfrytëzuan mbetjet për riciklim. Shfrytëzojnë hekurudhat (mjetet e transportit). Shfrytëzojnë energjinë e lumenjve (energjinë diellore, energjinë atomike). Shfrytëzoj teknologjinë e re. Shfrytëzon plotësisht kohën e punës. Shfrytëzon çdo sekondë. Shfrytëzoj inteligjencën artificiale në mjekësi. Shfrytëzoj njohuritë e marra në një fushë. Shfrytëzoi rërën e ngrohtë për këmbën. Shfrytëzoj dokumentet në gjuhë të huaj. Shfrytëzoj aftësitë në teknologji. Shfrytëzoj bibliografinë (librat, dokumentet, arkivat, kartotekën). Shfrytëzoj hapësirën ligjore.
4. Përfitoj nga dikush a nga diçka; e përdor diçka në mënyrë të padrejtë, abuzoj. Shfrytëzoj një të drejtë. Shfrytëzoj momentin (situatën, rastin). Shfrytëzoj famën e dikujt. Shfrytëzoj pushtetin. Shfrytëzon mosmarrëveshjet për të arritur qëllimin e vet. Shfrytëzon dobësitë (mirëbesimin, papjekurinë) e dikujt. Shfrytëzoj rrjetet sociale për ta dëmtuar dikë. Shfrytëzoj kohën e mirë (ditët me diell). Shfrytëzuan errësirën e natës. Jeton duke shfrytëzuar prindërit. Shfrytëzoj një dorëshkrim dhe e paraqiti si të vetin. Shfrytëzoi përfundimet e profesorit për artikullin e vet.
5. min. Nxjerr nga toka minerale të ndryshme, naftë etj. Shfrytëzojnë minierat. Shfrytëzoj burimet nëntokësore. Shfrytëzojnë puset e naftës me efikasitet.
✱Sin.: përdor, frytëzoj, përfitoj, robëroj, nënshtroj, shtyp, harxhoj, shpenzoj, rrjep, nxjerr.
SHFRYTËZÍM,~I m. sh. ~E, ~ET 1. Veprimi kur vëmë në përdorim diçka zakonisht për përfitim apo për një të mirë publike. Shfrytëzimi i pusit të ri të naftës. Shfrytëzimi pa kriter i …
Shfaq përkufizimin e plotë →►SHFRYTËZ/ÓHEM jovep., ~ÓVA (u), ~ÚAR vet. v. III, pës. e SHFRYTËZÓJ. Puna e të miturve u shfrytëzua nga ajo kompani. Pasuria e tyre ishte shfrytëzuar nga pushtuesit. Ishin shfrytë…
Shfaq përkufizimin e plotë →SHFRYTËZ/ÓJ vep., ~ÓVA, ~ÚAR kal. 1. Vë në përdorim për të nxjerrë fitime (zakonisht për një burim natyror). Shfrytëzoj pasurinë e detit. Shfrytëzoj erën. Shfrytëzuan burimin e uji…
Shfaq përkufizimin e plotë →SHFRYTËZÓNJËS,~E mb. Që është shfrytëzues, që përfiton nga puna a dija e dikujt tjetër. Nuk ishin aq shfrytëzonjës sa qenë më parë. Ishte gënjeshtar e shfrytëzonjës.✱Sin.: gjakpirë…
Shfaq përkufizimin e plotë →SHFRYTËZÓNJËS,~I m. sh. ~, ~T Shfrytëzues; gjakpirës, përvetësues. Shfrytëzonjës i automjetit. Shfrytëzonjës i popullit të vet.
Shfaq përkufizimin e plotë →SHFRYTËZÓNJËS,~E m. sh. ~E, ~ET Shfrytëzuese; gjakpirëse, shushunjë. Shfrytëzonjëse e pamëshirshme. Shfrytëzonjëse pa dorashka.
Shfaq përkufizimin e plotë →SHFRYTËZÚES,~E mb. Që shfrytëzon të tjerët, shfrytëzonjës. Vajzë shfrytëzuese.✱Sin.: shfrytëzonjës, gjakpirës, robërues, shtypës, peshkaqen, përfitues, përvetësues, zhvatës, vampir…
Shfaq përkufizimin e plotë →SHFRYTËZÚES,~I m. sh. ~, ~T 1. Ai që nxjerr fitime duke përvetësuar frytet e punës së të tjerëve, përfitues. Shfrytëzues mizor (i egër, i pashpirt). Shfrytëzuesit e tregut të brend…
Shfaq përkufizimin e plotë →SHFRYTËZÚES,~E m. sh. ~E, ~ET 1. Ajo që nxjerr fitime duke përdorur frytet e punës së të tjerëve, përfituese. Punëdhënëse shfrytëzuese. Vajzë shfrytëzuese. Shfrytëzuese e pamëshirs…
Shfaq përkufizimin e plotë →SHFRYTËZÚESH/ËM (i), ~ME (e) mb. Që mund të shfrytëzohet. Tokë e shfrytëzueshme. Hapësira të shfrytëzueshme. E bëj diçka të shfrytëzueshme. Material i shfrytëzueshëm për studime. M…
Shfaq përkufizimin e plotë →
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë