Fjalori
SHESHUAR

SHESHÚAR (i, e) mb. 1. Që është bërë rrafsh, i shtrirë. Kodra të sheshuara. Udhë e sheshuar. Shkëmbinj të sheshuar.
2. Që është shembur, i rrëzuar, i shkatërruar krejt; që është bërë rrafsh me tokën, i shkatërruar. Mure të sheshuara. Lagje të sheshuara. Vendbanime të sheshuara.
3. fig. Që janë zbutur, që janë reduktuar, që janë rrafshuar, i rrafshuar, i njësuar. Ndasi të sheshuara. Probleme të sheshuara. Kontradikta të sheshuara.
✱Sin.: i rrafshuar, i shtrirë, i shembur, i shkatërruar, i rrëzuar, i unifikuar, i barazuar.

Rezultate të tjera nga lematizimi ose nga ngjashmëria me formën përfaqësuese: SHESHOJ
SHESHOJ

SHESH/ÓJ vep., ~ÓVA, ~ÚAR kal. 1. E bëj rrafsh e thuajse të sheshtë diçka, e rrafshoj, e barazoj, niveloj; e shtrij, e bëj të sheshtë a pa rrudha. Sheshoj vendet e ngritura. Sheshoj oborrin (rrugën). Sheshoi tokën me trinë. Sheshoj një letër të zhubrosur. Sheshoi rrudhat tek sytë.
2. edhe fig. E ul në një nivel me tokën, e bëj rrafsh me tokën, shemb, shkatërroj. I sheshuan kasollet për të ndërtuar shtëpi të reja. Sheshoi ndërtesën e vjetër. Tërmeti e sheshoi shkollën. Ai di se si t’i sheshojë pengesat.
3. fig. Zbut, i pakësoj dallimet e i shpie në një shkallë shumë të ulët, i bëj të parëndësishme, rrafshoj, zgjidh; i afroj e i bëj të gjitha njësoj, i barazoj, njësoj. Arriti të sheshojë të gjitha kontradiktat. Dialogu i sheshoi paqartësitë.
4. Rregulloj, i vë në rend. Sheshoj punët. I sheshoi gjërat. E sheshoi planin me detaje.
✱Sin.: rrafshoj, dystoj, barazoj, faqoj, niveloj, trinoj, lesoj, shtjezoj, planoj, plajis, lëmoj, shtrij, drejtoj, logoj, lëmoj, laj, puthit, shemb, rrëzoj, shkatërroj, pajtoj, zbus, zgjidh, rregulloj, sistemoj, ujdis, pajtoj, njësoj, rrumbullakos.
♦ I sheshoj *udhën (dikujt).

Kliko këtu për të parë përdorime të mundshme të kësaj fjale (ose të ngjashme) në përkufizime të fjalëve të tjera (rezultate në kontekst)

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë